Jeremias 3:21 - Tupàn zeꞌeg

²¹ Ywytyr apyr uzenu wànoànog ma'e iko. Izaew izuapyapyr uzai'o waiko wà. — Nereharaz ureremiapo kwer wi nehe, i'i waiko wà. Ta'e wiko ikatu 'ym ma'e iapo har romo wà xe. Heharaz uzar Tupàn Tuweharupi Wiko Ma'e wi wà.

Jeremias 3:21 ပူးပေါင်းရင်းမြစ်များ

Jó 33:27

Uze'eg putar nezewe teko paw wanupe nehe. — Azapo ikatu 'ym ma'e ihe. Hemunar amo ma'e rehe no. Nezewe rehe we Tupàn nuzepyk kwaw herehe.

Provérbios 10:9

Teko imunar 'ym ma'e wata puràmàtyry'ym 'ymaw rupi a'e wà, ikatu haw rupi wata pà a'e wà. Amo wexak kar putar imunar ma'e ikatu 'ymaw purupe nehe.

Provérbios 19:3

Ma'e kwaw 'ymaw umu'ar kar teko iaiw paw pupe wà. Nezewe rehe we, — Tupàn Tuweharupi Wiko Ma'e uzapo ikatu 'ym ma'e ihewe a'e, i'i a'e teko wà.

Isaías 15:2

Nimon tawhu pe har uzai'o putar ywy uzar pe imonokatu pyrer ywytyr rehe har pe wà nehe. Moaw izuapyapyr uzai'o a'e wà no ta'e zauxiapekwer weityk New tawhu wà xe, weityk Menew tawhu wà no. Upin u'aw uzemumikahy haw hexak kar pà wà. Upin wamutaw wà no.

Isaías 17:10

Teko Izaew izuapyapyr wà, peneharaz Tupàn pezar wi. Pepyro a'e. Napema'enukwaw kwaw penehe uzekaiw ma'e ikàg ma'e rehe. Pezutym hezuz ma'e ko imonokatu pyrer rehe tupàn a'ua'u amo ae ywy rehe har wazar wamuwete pà wà.

Isaías 57:11

Pekyze tuwe a'e tupàn a'ua'u wanuwi. Mo romo wanekon wà. Màràzàwe tuwe penemu'em ihewe. Màràzàwe tuwe peneharaz tuwe ihewi. Amumaw kwarahy tetea'u heze'eg 'ym pà. Aipo a'e rupi peneharaz ihewi. Aipo a'e rupi napekyze kwaw ihewi.

Jeremias 12:12

Ywytyr ywyxiguhu rehe har nànàn uzexak kar awa wà. Uzuka wata ma'e wama'e rehe imunar pà wà. Amono kar zeàmàtyry'ymawhu ywy rehe imumaw kar pà paw rupi ihe. Ni amo nupuner kwaw zeàmàtyry'ym 'ymaw rehe weko haw rehe wà.

Jeremias 13:25

— Nezewe amekuzar putar penemiapo kwer peme ihe nehe, i'i Tupàn Tuweharupi Wiko Ma'e. — A'e ma'e pepyhyk putar nehe, ta'e peneharaz ihewi pe xe. Pezeruzar tupàn a'ua'u wanehe pe.

Jeremias 18:15

Nezewe rehe we teko heremiaihu heharaz ihewi wà. Umunyk tata yhyk zàwenugar rehe tupàn a'ua'u wanenataromo wà. Pe rupi wata mehe uzepyapi wà. Nuwata kwaw pe kwehe arer ikatu ma'e rupi wà. Wata e ka'a rupi pe ikatu 'ym ma'e rupi wà.

Jeremias 2:32

Aipo kuzàwaza heharaz uma'e ita hekuzar katu ma'e wi. Aipo kuzà imen ma'e ràm heharaz uwa imimaw wi. Nezewe rehe we heremiaihu umumaw 'ar tetea'u ihewi weharaz pà wà. Teko nupuner kwaw a'e 'ar wapapar haw rehe wà.

Jeremias 3:2

Eme'e ywytyr apyr nehe. Ereiko kuzà wyzài romo ywytyr nànàn. Aipo heta we amo ywytyr penemimuaiw 'ym. Pepyta pe iwyr pema'e ime'eg àràm wanàro pà. Awa Àràw ywy rehe arer upyta pe iwyr wata ma'e wanàro pà a'e wà. Ta'e imunar wama'e rehe wà xe. Peiko agwer imunar ma'e wazàwe. Pemuaiw Izaew ywy kuzà wyzài wazàwe peneko haw pupe, iaiw ma'e penemiapo kwer pupe.

Jeremias 31:9

Wanerur mehe nehe, uzai'o putar wà waiko wà nehe. Uze'eg putar wà waiko ihewe wà nehe. Araha putar yrykaw uwyryk ma'e izywyr ihe wà nehe, pe ikatu ma'e rupi ihe wà nehe. Nuzepyapi kwaw hupi wata mehe wà nehe. Aiko Izaew wanu ài. Eparai wiko hera'yr ipy romo a'e.

Jeremias 7:29

Uze'eg wi Tupàn. — Pezai'o nehe, teko Zeruzarez pe har wà. Pemonohok pe'aw heityk pà nehe. Pemuzàg zegar haw purumuzemumikahy kar haw ywytyr apyr nehe. Ta'e ihe Tupàn Tuweharupi Wiko Ma'e aikwahy peme ihe xe. Apuityk kwez ihe kury.

Ezequiel 23:35

Zanezar Tuweharupi Wiko Ma'e umume'u ko ma'e kury. — Nereharaz ihewi. Erewak nekupe hexak kar pà ihewe hereityk pà. Erepuraraw putar ma'erahy nehe, ta'e nero ne xe. Ereiko kuzàwyzài romo.

Ezequiel 7:16

Pykahu ywyàpyznaw pe har oho ywytyruhu pe ikatu 'ymaw wi uhem pà wà. Amo teko uzàn putar ywytyruhu pe nezewegatete wà nehe. Paw rupi ikuhem putar wemiapo kwer ikatu 'ym ma'e rehe wà nehe.

Oséias 13:6

Ywy ikatu ma'e rehe peixe mehe uhyk penemi'u peme. Penewykàtà a'e mehe. A'e mehe pepy'a tynehem peneko wera'u haw pupe. A'e rupi peneharaz ihewi.

Oséias 8:14

Ta'e teko Izaew heharaz wapo arer wi wà xe. Izaew uzapo tàpuzuhu tetea'u wà. Teko Zuta uzapo tawhu pàrirogaw hereko har tetea'u wà. Ihe amono kar putar amo tata wanupe nehe. Tata wapy putar tawhu nehe. Umumaw putar wanàpuzuhu imuàtà pyrer nehe.

Miquéias 3:9

Peinu katu nehe Izaew wanuwihaw wà. Izaew waneruze'egar wà. Napeakatuwawahy kwaw ikatu ma'e rehe. Penemu'em teko wama'e ipyhyk e pà wanuwi.

Números 22:32

Tupàn Tuweharupi Wiko Ma'e heko haw pe har uze'eg kury. — Màràzàwe tuwe erepetek zumeta'i na'iruz haw. Ihe azur neàmàtyry'ymar ài nemuzewyr kar pà ihe. Ta'e na'ikatu kwaw ko neata haw ihewe xe.

2 Coríntios 7:10

Aze teko uzemumikahy wemiapo kwer ikatu 'ym ma'e rehe wà nehe, Tupàn umupyahu kar putar wapy'a a'e wà nehe. Upyro putar a'e teko tatahu wi a'e wà nehe. A'e mehe a'e teko nuzemumikahy kwaw a'e wà nehe. Aze teko ko ywy rehe har uzemumikahy e wemiapo kwer rehe wà nehe, aze na'izewyr wer kwaw Tupàn pe a'e mehe wà nehe, umàno putar wà nehe, (oho putar tatahu pe wà nehe).