Jeremias 25:30 - Tupàn zeꞌeg

³⁰ Ne Zeremi, emume'u ko heze'eg paw teko wanupe nehe. — Tupàn Tuweharupi Wiko Ma'e wànoànog putar 'a pe ywak rehe a'e nehe. Uze'eg putar weko haw pe wiko mehe nehe. Wànoànog putar wemiaihu wakutyr nehe. Teko uhapukaz ma'ywa ikamik mehe wà. Heremiaihu uhapukaz putar nezewe wanehe heànoànog mehe wà nehe no. Teko ywy nànànar paw wenu putar wà nehe.

Jeremias 25:30 ပူးပေါင်းရင်းမြစ်များ

2 Samuel 15:25

Na'e uze'eg tuwihawete Zanok pe kury. — Peruzewyr wi Tupàn Ze'eg Hyru heraha tawhu pe nehe. Aze hekatu Tupàn Tuweharupi Wiko Ma'e pe nehe, amo 'ar mehe hemuzewyr kar putar xe a'e nehe. Nezewe mehe apuner putar ize'eg hyru hexak wi haw rehe nehe. Aexak putar hàpuz nehe no, henaw nehe no.

1 Reis 9:3

Uze'eg izupe kury. — Aenu ihewe neze'eg awer ihe, herenataromo nereminozgwer ihe. — Ikatuahy 'àg tàpuzuhu ihewe, a'e newe. Erezapo kar ne. Teko upuner hemuwete katu haw rehe 'àg tàpuzuhu pupe tuweharupi wà nehe.

2 Crônicas 30:27

Xaxeto wà, Erewi izuapyapyr wà no, upu'àm a'e pe Tupàn pe ma'e henoz pà wà. — Emur neze'egatu 'aw teko wanehe nehe, i'i izupe wà. Tupàn weko haw ywak rehe har ikatuahy ma'e pe wiko mehe wenu waze'eg mehe wà. Wazar waneminozgwer wanupe.

Salmos 11:4

Tupàn Tuweharupi Wiko Ma'e wiko wàpuzuhu ikatuahy ma'e pupe. Henaw ywak rehe hin. Wexak teko paw wà. Ukwaw wanemiapo.

Salmos 132:14

— Aiko putar xe tuweharupi nehe. Hepureruze'eg wer teko wanehe xe ihe nehe.

Salmos 46:6

Amo ae ywy rehe har ukyze tuwe wà. Tuwihawete wanemiaihu uzemumaw wà. Wànoànog Tupàn, ywy upaw no.

Salmos 58:5

A'e moz na'ipurenu wer kwaw moz imugakwaw par rehe ize'eg mehe wà.

Salmos 78:65

Na'e Tupàn Zanezar nuzawy kwaw uker ire ume'e ma'e. Nuzawy kwaw awa ipuruzukaiw ma'e win pupe imuhaite pyrer a'e. Heiheihem a'e.

Isaías 16:9

A'e rupi azai'o Zazer tawhu rehe. Azai'o uwà tyw Ximima ywy rehe har rehe no. Herehay kwer u'ar Ezemon tawhu rehe, Ereaw tawhu rehe no. Uwà ipo'o har nuhapukaz kwaw urywete haw rupi wà kury.

Isaías 33:3

Teko uzàwehem neze'eg wànoànog ma'e henu mehe wà. Aze erezapo ma'e, teko ywy nànànar uhàuhàz putar wà nehe.

Isaías 42:13

Tupàn Tuweharupi Wiko Ma'e uzemuàgà'ym zeàmàtyry'ymawhu pe oho pà. Nuzawy kwaw zauxiapekwer ipuruzukaiwahy ma'e. Uhapukaz wahy haw rupi zauxiapekwer wanerur pà zeàmàtyry'ymawhu pe. Ukàgaw rupi weityk wàmàtyry'ymar wà.

Jeremias 17:12

Tupàn Hàpuzuhu zanemyter pe har a'e, Nuzawy kwaw tuwihawete henaw ipuràg eteahy ma'e a'e. Izypy mehe arer we ywytyr iaiha ma'e rehe hin a'e no.

Jeremias 25:38

Zàwàruhu iriàw weityk weko awer. Nezewegatete Tupàn weityk wemiaihu wà. Puruzuka haw zeàmàtyry'ymawhu pe har a'e nehe, Tupàn ikwahy haw a'e nehe, ipuruzukaiwahy haw a'e nehe, uzapo putar ko ywy ywyxiguhu romo a'e nehe.

Jeremias 48:33

Turywete haw a'e, turyw eteahy haw a'e no, ukàzym ywy ikatu ma'e wi Moaw wi a'e wà. Nuzapo kwaw win wà kury. Naheta kwaw iapo har wà. Naheta kwaw urywete haw rehe uhapukaz ma'e wà.

Oséias 11:10

Amo 'ar mehe akororo putar zàwàruhu iriàw ài ihe nehe, heàmàtyry'ymar wakutyr ihe nehe. A'e 'ar mehe teko heremiaihu oho putar heraikweromo wà nehe. Teko heremiruze'eg ur putar kwarahy heixe haw wi uzàn pà wà nehe.

Oséias 5:14

Azàmàtyry'ym putar Izaew ihe wà nehe, Zuta ihe wà nehe no. Aiko putar zàwàruhu iriàw miar izuka mehe har ài wàmàtyry'ym mehe ihe nehe. Apei'ài'àg putar amo pehegwer romo wà nehe. A'e re aha putar a'e wi hezeupi waneraha pà nehe. Ni amo nupuner kwaw wapyro haw rehe wà nehe.

Joel 3:16

Tupàn Tuweharupi Wiko Ma'e uze'eg wahyhaw rupi ywytyr Xiàw pe kury. Ize'egaw nuzawy kwaw àmàn iànoànogaw. Zeruzarez pe har wenu ize'egaw iànoànogaw waiko wà. Ywak ywy uryryryryz wà. Tupàn uzekaiw katu Izaew izuapyapyr wanehe wà, wàmàtyry'ymar wanuwi wapyro pà wà.

Amós 1:2

Nezewe i'i Amoz. Ywytyr Xiàw Zeruzarez pe har pe Tupàn Tuweharupi Wiko Ma'e uze'eg wahyhaw rupi a'e. Ize'eg nuzawy kwaw àmàn iànoànogaw a'e. Ka'api'i ma'ea'yr wamai'u haw uxinig. Ma'e Karamew ywytyr rehe har paw uxinig no, i'i Amoz.

Amós 3:8

Aze zàwàruhu iriàw okororo, mo nukyze kwaw wà. Aze pezar Tupàn Tuweharupi Wiko Ma'e uze'eg, mo numume'u kwaw ize'eg awer teko wanupe.

Zacarias 2:13

Tuwe teko paw upytu'u uze'eg ire Tupàn Tuweharupi Wiko Ma'e henataromo wà nehe. Ta'e ur weko haw ikatuahy ma'e wi wemiaihu wanehe we wiko pà a'e nehe xe.

Deuteronômio 26:15

Eme'e herehe ywak wi nereko haw wi nehe, o Tupàn. Emur neze'egatu urerehe nehe. Uruiko Izaew neremiaihu romo ure. Emur neze'egatu ko ywy ikatu ma'e ma'e imuezuz katu har rehe nehe. Eremur ko ywy urewe ureipy wanupe neremimume'u kwer rupi ne, ere izupe nehe.

Apocalipse 19:15

Takihe haime katu ma'e uhem izuru wi. Uzuka putar teko tetea'u ywy nànànar a'e wà nehe, utakihe puku pupe a'e wà nehe. Weruze'eg putar wikuwe ma'e a'e wà nehe no, ukàgaw pupe a'e wà nehe no. Uzepyk putar tuwe wikuwe 'ym ma'e wanehe nehe, ta'e Tupàn wikwahy tuwe wanupe a'e xe.