Jeremias 2:6 - Tupàn zeꞌeg

⁶ — Ikatu 'ym ma'e, i'i ihewe wà. Nezewe rehe we aiko Ezit ywy wi wamuhem kar arer romo ihe. Araha ywyxiguhu rehe ihe wà. Heta tetea'u ywytyr a'e ywy rehe. Heta tetea'u iàpy'àmahy haw a'e ywy rehe no. Naheta kwaw 'y a'e ywy rehe. Na'ikatuahy kwaw teko wanupe. Ni amo nuwata kwaw a'e ywy rehe wà. Ni amo nuiko kwaw a'e pe wà.

Jeremias 2:6 ပူးပေါင်းရင်းမြစ်များ

2 Reis 2:14

Na'e unupà 'y ukamirpuku kwer pupe. Uze'eg uzeupe. — Ma'e pe hekon Tupàn Tuweharupi Wiko Ma'e Eri izar a'e, i'i uzeupe. Na'e unupà 'y kury. Uzepe'a kury. Wahaw yrykaw oho kury.

Jó 3:5

Tuwe ipytunahy haw wiko izar romo nehe. Tuwe ywàkun upyk nehe. Tuwe ywàkun umuwew kwarahy heny haw a'e 'ar rehe har nehe.

Jó 35:10

Nezewe rehe we nuzewyr kwaw Tupàn pe wà, uwapo arer pe wà. 'Ar ipytunahy wera'u ma'e rehe Tupàn umur ukàgaw purupe.

Salmos 23:4

Aze ata ywyàpyznaw tatainy hereko 'ymar rupi nehe, màno haw zàwenugar rupi nehe, Nakyze kwaw ma'e wi ihe nehe, Ta'e ne Tupàn Tuweharupi Wiko Ma'e ereiko herehe we ne xe. Erezekaiw katu herehe. Heho àwàm erexak kar ihewe no.

Salmos 77:5

Hema'enukwaw he'ar upaw ma'e kwer rehe, Hekwarahy kwehe mehe upaw ma'e kwer rehe no.

Êxodo 20:2

— Aiko Tupàn Tuweharupi Wiko Ma'e pezar romo ihe. Apuerur Ezit ywy wi ihe. Peiko uma'ereko e ma'e romo a'e ywy rehe har wanupe. Apupyro wanuwi.

Isaías 63:9

A'e rupi upyro wanemipuraraw paw wi a'e wà. A'e ae wiko wapyro har romo a'e. Numur kar kwaw weko haw pe har wapyro àràm romo wà. Numur kar kwaw amo wyzài wemiruze'eg. A'e ae uzapo. Uzamutar katu a'e wà. Upuhareko wà no. A'e rupi upyro wà. Tuweharupi nehe, kwarahy nànàn nehe, upyhyk waneraha pà wà.

Isaías 64:7

Naheta kwaw newe uze'eg ma'e wà. Ni amo nuekar kwaw upytywà àwàm nerehe wà. Erezeàmim urewi. Erepuir urewi, ta'e uruzapo ikatu 'ym ma'e tetea'u ure xe.

Jeremias 13:16

Pemume'u penemiapo kwer ikatu 'ym ma'e Tupàn Tuweharupi Wiko Ma'e pezar pe nehe, pytunahy haw imur 'ym mehe we nehe. Aze ipytunahy nehe, pezepyapi putar ywytyruhu rehe nehe. Peàro tatainy peiko. Nezewe rehe we uzapo putar tatainy ma'e'àgaw ipytun ma'e romo nehe. Uzapo putar ipytunahy haw romo nehe.

Jeremias 2:8

Xaxeto nupuranu kwaw uzehezehe wà. — Ma'e pe hekon Tupàn Tuweharupi Wiko Ma'e, ni'i kwaw wà. Heze'eg rehe uzekaiw ma'e nahekwaw kwaw wà. Ywy pehegweruhu rehe har wanuwihaw heàmàtyry'ym wà. Heze'eg imume'u har uze'eg tupàn Ma'aw her rehe wà. Umuwete tupàn a'ua'u wà. Tupàn a'ua'u nupuner kwaw teko wapytywà haw rehe wà.

Jeremias 5:12

— Tupàn Tuweharupi Wiko Ma'e hemu'em urewe a'e, i'i Tupàn Tuweharupi Wiko Ma'e pe wà. — Tupàn Tuweharupi Wiko Ma'e nuzapo kwaw ma'e a'e nehe. Ni amo ikatu 'ym ma'e nuzeapo kwaw zanewe nehe. Naheta kwaw zeàmàtyry'ymawhu nehe. Naheta kwaw ma'uhez haw nehe, i'i uzeupeupe wà.

Jeremias 5:2

Pemume'uahy penemiapo ràm Tupàn Tuweharupi Wiko Ma'e her rehe. Nezewe rehe we penemu'em.

Jeremias 51:43

Umumew tawhu paw wà. Nuzawy kwaw ywyxiguhu 'y hereko har 'ym. Ni amo nuiko kwaw a'e pe wà. Ni amo nukwaw kwaw huwake wà.

Oséias 12:13

Uze'eg Tupàn Tuweharupi Wiko Ma'e Moizez pe a'e, hexak pà wemimutar iapo àràm romo a'e. A'e rupi Moizez upyro teko Izaew izuapyapyr Ezit ywy wi wà. Uzekaiw wanehe no.

Oséias 13:4

Tupàn Tuweharupi Wiko Ma'e uze'eg nezewe. — Ihe Tupàn Tuweharupi Wiko Ma'e ihe, aiko pezar romo ihe. Ezit ywy wi penerur arer 'ar mehe arer we aiko pezar romo ihe. Xo ihe zo hekwaw pe. Napekwaw kwaw amo. Xo ihe zo apupyro ihe. Ni amo napepyro kwaw wà.

Amós 2:10

Ihe apyro peipy Ezit ywy wi kwehe mehe ihe wà. Amumaw 40 kwarahy penenataromo heata pà ihe. Aexak kar peho àwàm peme. Amono Amohe ywy rehe har waiwy peme ihe.

Mateus 4:16

Teko ipytunaw rehe har ài wanekon a'e wà Wexak Tupàn ta'yr ikàg wera'u ma'e a'e wà kury. Hexakaw a'e, nuzawy kwaw tatainy heny katu ma'e hexakaw a'e. Uhyape katu tatainy. Nezewegatete Tupàn ta'yr ukwaw kar tuwe Tupàn ze'eg teko wanupe a'e no.

Deuteronômio 1:19

Uze'eg wi Moizez teko wanupe. — Xiruzar Tupàn Tuweharupi Wiko Ma'e Zanezar ize'eg zane. Zahem zaha Xinaz ywytyruhu wi. Amohe ywy ywytyruhu hereko har kutyr zaneho mehe pexak ywyxiguhu zaneremiahaw uhua'u haw. Pexak ikatu 'ymaw no. Iahykaw rehe zahem zazuwà Kanez-Maranez tawhu pe kury.

Deuteronômio 32:10

Tupàn wexak a'e teko ywyxiguhu rehe. Ukàzym a'e pe wà. Miar ipuruzukaiwahy ma'e wiko a'e ywyxiguhu rehe wà. Tupàn uhem wanuwake. Uzekaiw wanehe wazyra'i wemiamutar katu wera'u zàwe.

Deuteronômio 8:2

Zanezar umumaw 40 kwarahy penape ràm hexak kar pà peme tuweharupi a'e. Pema'enukwaw a'e ma'e rehe nehe. Kwarahy tetea'u pemumaw peata pà. Peata mehe Tupàn pemuigo kar ikàg 'ym ma'e romo. — Aipo weruzar putar heze'eg wà nehe. Aze ru'u nan, i'i uzeupe. A'e rupi peagaw.

Juízes 6:13

Uze'eg Zineàw izupe. — Aze Tupàn wiko teko heànàm wanehe we, màràzàwe tuwe agwer iaiw ma'e uzeapo waiko urewe wà. Ureràmuz umume'u Tupàn hemiapo kwer ikatuahy ma'e urewe wà. Màràzàwe tuwe nuzapo kwaw agwer ma'e ko 'ar rehe. Upuir urewi a'e, Minià wanupe uremono pà a'e.