Jeremias 2:35 - Tupàn zeꞌeg

³⁵ — Nazapo kwaw ikatu 'ym ma'e ihe, i'i wà. — Azeharomoete Tupàn Tuweharupi Wiko Ma'e nuikwahy kwaw ihewe a'e, i'i wà. Ihe Tupàn Tuweharupi Wiko Ma'e ihe, azepyk putar penehe ihe nehe. Ta'e — Nazapo kwaw ikatu 'ym ma'e ihe, peze mua'u pe xe.

Jeremias 2:35 ပူးပေါင်းရင်းမြစ်များ

Jó 33:9

— Nazapo kwaw ikatu 'ym ma'e ihe. Nazawy kwaw ihe, ere nemyrypar wanupe. Naiko kwaw ikatu 'ym ma'e iapo har romo. Nazapo kwaw ikatu 'ym ma'e ihe, ere wanupe.

Provérbios 28:13

Wemiapo kwer ikatu 'ym ma'e imimaw rehe uzeagaw ma'e nuiko katu kwaw a'e nehe. Aze amo umume'u wemiapo kwer ikatu 'ym ma'e wà, aze utyryk izuwi wà, Tupàn upuhareko a'e wà.

Isaías 58:3

Teko upuranu Tupàn rehe wà. — Màràzàwe tuwe urumumaw amo 'ar uremai'u 'ym pà urezekwaku pà nemuwete pà ure. Nereme'e kwaw ureremiapo rehe. Màràzàwe tuwe urema'uhez neruwa rupi ure. Nerezekaiw kwaw urerehe ma'erahy ipuraraw mehe, i'i izupe wà. Uwazar Tupàn Tuweharupi Wiko Ma'e teko waze'eg wanupe. — Azeharomoete akwaw penemiapo. Pemai'u 'ymaw 'ar rehe peme'eg ma'e, peme'eg kar ma'e no. Pemunar peme uma'ereko ma'e wanemetarer rehe a'e 'ar rehe no.

Jeremias 16:10

A'e ma'e teko wanupe imume'u mehe nehe, upuranu putar nerehe wà nehe. — Màràzàwe tuwe Tupàn uzepyk putar urerehe nezewe a'e nehe, i'i putar newe wà nehe. — Ma'enugar iaiw ma'e uruzapo ure. Ma'enugar ikatu 'ym ma'e uruzapo Tupàn Tuweharupi Wiko Ma'e urezar ikutyr ure, i'i putar newe wà nehe.

Jeremias 2:23

— Nuruzapo kwaw ikatu 'ym ma'e ure, napepuner kwaw peze haw rehe. — Nurumuwete pixik kwaw tupàn Ma'aw her ma'e ure, napepuner kwaw peze haw rehe. Pezapo ikatu 'ym ma'e ywyàpyznaw pupe. Pema'enukwaw katu penemiapo kwer rehe nehe. Peme'e penemiapo kwer rehe nehe. Peiko kawaru kupewa'a kuzà imupuru'a kar haw 'ar rehe wiko ma'e ài. Uzàn e oho iko kwe rupi a'e.

Jeremias 2:29

Ihe Tupàn Tuweharupi Wiko Ma'e apuranu penehe ihe kury. — Aipo azapo ikatu 'ym ma'e peme. Màràzàwe tuwe pepytu'u heze'eg heruzar ire.

Jeremias 2:9

Tupàn Tuweharupi Wiko Ma'e uze'eg a'e kury. — Amume'u wi putar heremiaihu wanemiapo kwer ihe nehe kury. Amume'u putar penemiapo kwer herenataromo arer nehe, pezuapyapyr wanemiapo kwer imume'u pà ihe nehe no. Ihe Tupàn Tuweharupi Wiko Ma'e aiko uze'eg ma'e romo ihe.

Jeremias 25:31

Paw rupi wenu putar iànoànog mehe wà nehe. Ta'e Tupàn ipurumume'u wer teko ywy nànànar wanemiapo kwer ikatu 'ym ma'e rehe a'e xe. Umume'u putar teko paw wanemiapo kwer nehe. Uzuka putar ikatu 'ym ma'e wà nehe. Tupàn Tuweharupi Wiko Ma'e uze'eg kwez kury.

Ezequiel 17:20

Amuzaiko putar kyhawhu zàwenugar miar pyhykaw romo ihe nehe. Apyhyk putar a'e tuwihawete ipupe nehe. Araha putar Mawiron pe nehe. Azepyk putar hehe a'e pe nehe. Ta'e upytu'u hereruzar ire a'e xe.

Romanos 7:9

Kwehe mehe hekwarer mehe nakwaw kwaw Tupàn ze'eg pape rehe imuapyk pyrer ihe. A'e rupi nazemumikahy kwaw heremiapo kwer rehe. Amo 'ar rehe ainu a'e ze'eg kury. A'e mehe akwaw tuwe ikatu 'ym ma'e heremiapo kwer kury.