Jeremias 2:22 - Tupàn zeꞌeg

²² Aze mo pezuhez katu zamaw tetea'u pupe, zamaw katu wera'u ma'e pupe, apuner penemiapo kwer ikatu 'ym ma'e izipiw haw zàwenugar hexakaw rehe a'e re no. Ihe Tupàn Tuweharupi Wiko Ma'e aze'eg teko ihe.

Jeremias 2:22 ပူးပေါင်းရင်းမြစ်များ

2 Samuel 11:12

Uze'eg wi Tawi izupe. — Epyta xe kutàri kury. Pyhewe urumuzewyr kar putar zeàmàtyry'ymawhu pe nehe, i'i izupe. Umumaw Uri mokoz 'ar a'e pe wiko pà.

Jó 14:17

Nereharaz putar heremiapo kwer ikatu 'ym ma'e wi nehe. Eremunàn putar heremiawy kwer nehe no.

Salmos 130:3

Aze eremuapyk ureremiapo kwer ikatu 'ym ma'e pape rehe, Mo upuner nezepyk àwàm wi uhemaw rehe wà nehe.

Salmos 90:8

Eremuapyk urekatu 'ymaw nezenataromo hexak pà ne. Ereme'egatu ureremiapo kwer ikatu 'ym ma'e imim pyrer rehe neratainy pupe.

Jeremias 16:17

Aexak wanemiapo paw rupi ihe. Ni amo ma'e nuzemim kwaw ihewi wà. Wanemiapo kwer ikatu 'ym ma'e nuzemim kwaw ihewi.

Jeremias 17:1

Uze'eg wi Tupàn Tuweharupi Wiko Ma'e kury. — Teko Zuta ywy rehe har wà, pemuapyk penemiapo kwer ikatu 'ym ma'e kair haw itaper iapo pyrer hakwa katu ma'e pupe. Pemuapyk ita hakwa katu ma'e tàtàahy ma'e niàmà her ma'e pupe pepy'a pe. Pemuapyk pema'ea'yr hapy haw hakwa iapyr wà no.

Jeremias 4:14

Zeruzarez, emukatu ikatu 'ymaw nepy'a pe har nehe. Nezewe nepyro putar nehe. Màràn kwarahy eremumaw ikatu 'ymaw rehe nema'enukwaw pà nehe.

Ezequiel 24:6

Zanezar Tuweharupi Wiko Ma'e ukwaw kar amo ma'e wanupe a'e ma'e imume'u mehe. Na'e a'e ma'e xe kury. — Pezemumikahy nehe, tawhu puruzuka ma'e pupe tynehem ma'e. Ereiko zapepo hepuxi ma'e ài. Nezar nanehez pixik kwaw a'e. Ezo'ok ma'ero'o kwer pehegwer izuwi pitàitàigatu nehe. Tuwe nupyta kwaw ni pitài pehegwer ipupe nehe.

Oséias 13:12

Amuapyk kar Izaew wanemiapo kwer ikatu 'ym ma'e pape rehe ihe. Umuapyk wakatu 'ymaw pape rehe wà.

Amós 8:7

Teko Izaew umume'u Tupàn Tuweharupi Wiko Ma'e Zanezar ikatu haw a'e wà. Zanezar umume'uahy ko uze'eg kwez kury. — Nahereharaz pixik kwaw heremiaihu wanemiapo kwer wi nehe.

Deuteronômio 32:34

Tupàn ima'enukwaw ma'e wàmàtyry'ymar wanemiapo kwer rehe a'e. Wàro 'ar ikatu ma'e iko. A'e 'ar mehe uzepyk putar wanehe nehe.