Jeremias 2:17 - Tupàn zeꞌeg

¹⁷ Teko Izaew wà, pe ae pezapo ikatu 'ym ma'e pe. A'e rupi a'e ma'e paw uzeapo peme. Aiko Tupàn Tuweharupi Wiko Ma'e pezar romo ihe, hereityk pe. Pe rupi peneraha mehe hereityk pe pe.

Jeremias 2:17 ပူးပေါင်းရင်းမြစ်များ

1 Crônicas 28:9

Uze'eg Xàrumàw pe kury. — Hera'yr. Ekwaw Tupàn neru izar nehe. Eiko hemiruze'eg romo nepy'a pupe azeharomoete nehe. Eputar hemiruze'eg romo nereko haw nehe. Ukwaw nema'enukwaw paw paw rupi a'e. Ukwaw neremimutar paw rupi a'e no. Aze erekar nehe, nemuawyze kar putar a'e nehe. Aze erepuir izuwi nehe, nereityk putar a'e nehe. Nerepuner pixik kwaw izupe nezewyr haw rehe nehe.

2 Crônicas 15:2

A'e rupi uze'eg oho Az pe. — Tuwihawete Az, teko Zuta ywy rehe har paw wà no, Mezàmi ywy rehe har paw wà no, pezeapyaka katu nehe. Tupàn Tuweharupi Wiko Ma'e wiko putar penehe we a'e nehe, aze peiko hehe we nehe. Aze pekar nehe, uzexak kar putar peme a'e nehe. Aze peityk nehe, peneityk putar a'e nehe no.

Jó 34:27

Ta'e utyryk izuwi wà xe. Na'ipureruzar wer kwaw ni pitài hemiapo kar rehe wà.

Jó 4:8

Ko ma'e aexak ihe: Teko nuzawy kwaw ma'etymar a'e wà. Aze uzutym ma'eà'yz ikatu 'ym ma'e wà, Nopo'o kwaw temi'u ikatu ma'e wà. Nezewegatete ikatu 'ym ma'e iapo har waneko haw iaiw no.

Salmos 107:7

Weruata pe ikatu ma'e rupi wà. Weraha tawhu ikatu ma'e pe wà, waneko àwàm me wà.

Salmos 136:16

Tupàn wexak kar waho àwàm wemiaihu wanupe ywyxiguhu rehe. Ipuruamutar katu haw nupaw pixik kwaw nehe.

Salmos 77:20

Àràpuhàràn wamono'ogar weraha weimaw pe ikatu ma'e rupi wà. Nezewegatete eremuata kar neremiaihu pe ikatu ma'e rupi ne wà no, Moizez pe ne wà, Àràw pe ne wà no.

Provérbios 15:10

Uzepyk putar pe ikatu ma'e wi uhem ma'e wanehe nehe. Aze amo na'iakatuwawahy kwaw wemiapo kwer ikatu 'ym ma'e imume'u haw rehe nehe, umàno putar nehe.

Isaías 1:4

Kwa, iaiw a'e teko ikatu 'ym ma'e wà. Tynehem wemiapo kwer ikatu 'ym ma'e pupe wà. Iaiw upaw rupi wà. Iaiw ma'e iapo haw ikatu wanupe upaw rupi. Utyryk Tupàn Tuweharupi Wiko Ma'e wi wà. Weityk Tupàn Ikatuahy Ma'e Izaew wazar wà. Weruwak ukupe kwer izupe wà.

Isaías 59:13

Nuruiko kwaw nerehe uzeruzar katu ma'e romo. Urupytu'u neze'eg heruzar ire. Urutyryk newi, urezar. Uruze'eg ikatu 'ym ma'e iapo haw rehe. Uruze'eg neze'eg heruzar 'ymaw rehe no. Urumume'u amogwer wanupe ureremu'em àwàm.

Jeremias 13:22

Zeruzarez, erepuner nezehe nepuranu haw rehe nehe. — Màràzàwe tuwe nezewe haw uzeapo ihewe. Màràzàwe tuwe wenuhem hekamir wà. Màràzàwe tuwe upuraraw kar ma'erahy ihewe wà, peze putar pezeupe nehe. A'e 'ar mehe pekwaw putar ko ma'e nehe. Agwer ma'e uzeapo peme a'e, ta'e penemiapo kwer ikatu 'ym ma'e heta tetea'u wà xe.

Jeremias 19:4

Azapo putar nezewe haw ihe nehe, ta'e heremiaihu hereityk a'e wà xe. Umuaiw ko ywy a'e wà no. Wapy yhyk zàwenugar amo tupàn a'ua'u wanenataromo xe wà. Nezewe rehe we ni 'aw teko wà, ni waipy wà, ni Zuta ywy rehe har wanuwihawete wà, nukwaw pixik kwaw a'e tupàn a'ua'u wà. A'e teko umynehem ko ywy teko ikatu ma'e wanuwykwer pupe wà.

Jeremias 2:13

Heremiaihu uzapo mokoz ikatu 'ym ma'e wà. Aiko 'ytyzuzàmaw zàwenugar romo. Nezewe rehe we hereityk wà. Uhàwykàz amo 'ytyzuzàmaw hekar pà wà. Oxorok a'e 'ytyzuzàmaw. Te àmàn imono'og pyrer uhem wanuwi.

Jeremias 2:19

Pekatu 'ymaw ae uzepyk putar penehe nehe. Umume'u putar ikatu 'ym ma'e penemiapo kwer nehe, penehe uzepyk pà nehe, ta'e hereityk pe xe. Aiko Tupàn Tuweharupi Wiko Ma'e pezar romo ihe. Na'ikatu kwaw hereitykaw. Iro hereitykaw. Pekwaw putar iro haw nehe kury. Ihewi pekyze re pepytu'u haw iro a'e no. Pekwaw putar iro haw nehe no. Ihe Tupàn Tuweharupi Wiko Ma'e Upuner Wera'u ma'e aze'eg kwez ihe kury.

Jeremias 4:18

— Zuta, ne ae eremur kar a'e iaiw haw nezeupe ne. Ta'e ereiko ikatu 'ym ma'e romo ne xe. Erezapo iaiw ma'e. Neremiapo kwer werur ko ma'erahy newe. Ukutuk nepy'a. Ihe Tupàn Tuweharupi Wiko Ma'e aiko ko ma'e imume'u har romo ihe, i'i Tupàn.

Jeremias 44:3

A'e ma'e uzeapo ta'e teko a'e tawhu pe wiko ma'e uzapo ikatu 'ym ma'e wà xe. Hemuikwahy kar a'e wà. Uzuka ma'ea'yr amo tupàn wanenataromo wà. Wekar amo tupàn oho wà. A'e 'ym mehe ni a'e wà, ni peà, ni peipy wà, napemuwete kwaw a'e tupàn pe wà.

Jeremias 5:25

Penemiapo kwer ikatu 'ym ma'e a'e, peaiw haw a'e, umunyryk kar a'e ikatu ma'e pewi a'e. Napepuner kwaw a'e katu haw ipyhykaw rehe.

Ezequiel 39:24

Uzapo iro ma'e herenataromo wà. Iaiw wà. A'e rupi azepyk wanehe waneityk pà ihe.

Oséias 13:9

Teko Izaew izuapyapyr wà. Apumumaw putar nehe. Mo upuner pepyro haw rehe wà nehe.

Miquéias 1:5

A'e ma'e paw uzeapo putar nehe, ta'e teko Izaew uzapo ikatu 'ym ma'e wà xe. Ta'e nuputar kwaw Tupàn uzar romo wà xe. Mo umuzewyr kar Izaew Tupàn wi wà. Xamari pe har umuzewyr kar wà. Mo uzapo kar tupàn a'ua'u wamuwete haw Zuta ywy rehe wà. Zeruzarez tawhu pe har uzapo kar wà.

Números 32:23

Aze napezapo kwaw penemimume'u kwer nehe, ikatu 'ym ma'e pezapo putar Tupàn Tuweharupi Wiko Ma'e henataromo nehe. A'e mehe Tupàn uzepyk putar penehe penemiapo kwer ikatu 'ym ma'e hekuzaromo a'e nehe.

Deuteronômio 32:10

Tupàn wexak a'e teko ywyxiguhu rehe. Ukàzym a'e pe wà. Miar ipuruzukaiwahy ma'e wiko a'e ywyxiguhu rehe wà. Tupàn uhem wanuwake. Uzekaiw wanehe wazyra'i wemiamutar katu wera'u zàwe.

Deuteronômio 32:19

Tupàn Tuweharupi Wiko Ma'e wexak a'e ma'e iapo mehe wà. Wikwahy wanupe. A'e rupi weityk wa'yr wà. Weityk wazyr wà no.