Jeremias 2:11 - Tupàn zeꞌeg

¹¹ Ni amo teko nomono kwaw amo ae tupàn tupànete romo wiko 'ym ma'e wà, tupàn uzar wanekuzaromo wà. Nezewe rehe we heremiaihu omono amo ae tupàn herekuzaromo a'e wà. Aiko wazar Upuner Wera'u Ma'e Ipuràg Wera'u Ma'e romo ihe. Nezewe rehe we omono amo herekuzaromo wà. Wazar ipyahu ma'e nupuner kwaw ma'e iapo haw rehe wapytywà pà wà.

Jeremias 2:11 ပူးပေါင်းရင်းမြစ်များ

1 Reis 11:33

Azapo putar ko ma'e ihe nehe, ta'e Xàrumàw utyryk ihewi a'e xe. Umuwete katu tupàn amo ae ywy rehe har a'e wà kury. Atarot tupàn kuzà Xitom wazar, Kemoz Moaw wazar, Morok Amon wazar. Paw rupi katete umuwete katu iko a'e wà kury. Upytu'u heze'eg heruzar ire. Uzawy tuweharupi. Nuweruzar kwaw heze'eg. Nuzapo kwaw heremiapo kar. Nuiko kwaw u Tawi zàwe. Tawi hereruzar a'e.

2 Reis 1:3

Amo Tupàn Tuweharupi Wiko Ma'e reko haw pe har uze'eg Tupàn ze'eg imume'u har Xizime pe har Eri her ma'e pe a'e kury. — Ezàwàxi tuwihawete Akazi ze'eg heraha har ne wà nehe. Epuranu wanehe nehe. — Màràzàwe tuwe peho peiko Ma'awzemu Akerom pe har wazar rehe pepuranu pà, ere wanupe nehe. — Aipo naheta kwaw Tupàn Izaew ywy rehe.

2 Crônicas 13:9

Pemuhem kar xaxeto Tupàn henataromo har pe wà, Àràw izuapyapyr wà, Erewi izuapyapyr wà no. Pexaexak amo awa xaxeto romo wamuigo kar pà teko Tupàn rehe uzeruzar 'ym ma'e wazàwe. Wyzài awa upuner tupàn a'ua'u wanupe xaxeto romo weko haw rehe aze uzexak kar pitài tapi'ak herur pà, aze ru'u werur 7 àràpuhàràn hawitu ma'e wà. Iaiw nezewe haw.

Salmos 106:20

Weityk Tupàn ikàgaw ipuràg eteahy haw wà. Umuwete katu ma'ea'yr ka'api'i i'u har hagapaw wà.

Salmos 115:4

Teko amogwer ywy rehe har umupyràn parat a'e wà, or a'e wà no, uzar tupàn a'ua'u wanagapaw waapo pà wà. Awa uzapo a'e tupàn a'ua'u wà.

Salmos 3:3

U'yw wi purumimaw upyro zauxiapekwer màno haw wi a'e wà. Nezewegatete, ne Tupàn Tuweharupi Wiko Ma'e, hepyro katu 'ymaw wi ne. Ereityk heàmàtyry'ymar ne wà. Hemukàg wi pe ne no.

Isaías 37:19

Umunyk tata watupàn a'ua'u wanehe wanapy pà wà no. Nuiko kwaw tupànete romo wà. Tupàn ua'u wanagapaw ywyra iapo pyrer ita iapo pyrer romo wanekon wà. Teko uzapo opo pupe wà.

Jeremias 16:20

Aipo teko upuner utupàn iapo haw rehe wà, uzar iapo haw rehe wà. Nan. Nuiko kwaw tupàn azeharomoete har romo wà.

Jeremias 18:13

A'e rupi ihe Tupàn Tuweharupi Wiko Ma'e aze'eg putar ihe nehe kury. — Epuranu teko ywy nànànar wanehe nehe. — Aipo pexak agwer ma'e amo 'ar mehe. Teko Izaew izuapyapyr uzapo iaiw ma'e wà.

Jeremias 2:5

Nezewe uze'eg iko. — Ma'e ikatu 'ymaw peipy wexak herehe wà. Màràzàwe tuwe hereityk wà. Umuwete tupàn a'ua'u ma'e iapo 'ymar wà. A'e ae uzeapo ikatu ma'e iapo 'ymar romo wà.

Jeremias 2:8

Xaxeto nupuranu kwaw uzehezehe wà. — Ma'e pe hekon Tupàn Tuweharupi Wiko Ma'e, ni'i kwaw wà. Heze'eg rehe uzekaiw ma'e nahekwaw kwaw wà. Ywy pehegweruhu rehe har wanuwihaw heàmàtyry'ym wà. Heze'eg imume'u har uze'eg tupàn Ma'aw her rehe wà. Umuwete tupàn a'ua'u wà. Tupàn a'ua'u nupuner kwaw teko wapytywà haw rehe wà.

Jeremias 5:7

Tupàn upuranu kury. — Màràzàwe tuwe amunàn putar heremiaihu wanemiapo kwer ikatu 'ym ma'e ihe. Hereityk a'e wà. Umume'uahy wemiapo ràm tupàn a'ua'u waner rehe wà. Azeharomoete a'e tupàn nuiko kwaw tupànete romo wà. Amono temi'u heremiaihu wanupe ihe. Uhyk wanupe. Nezewe rehe we nuzawy kwaw wemireko 'ym puhe oho ma'e wà. Umumaw u'ar kuzà wyzài wanehe we wà.

Ezequiel 14:5

A'e tupàn a'ua'u paw hereityk kar heremiaihu wanupe a'e wà. Heze'eg henu mehe aze ru'u uzewyr putar ihewe wà nehe, hereruzar pà wà nehe.

Ezequiel 5:7

Zeruzarez, ezekaiw heze'eg rehe nehe kury. Aiko Tupàn Tuweharupi Wiko Ma'e nezar romo ihe. Naperuzar kwaw heze'eg. Napezekaiw kwaw heremiapo kar rehe. A'e rupi peaiw wera'u teko peiwyr har wanuwi. Pezapo ma'e amo ywy rehe har wanemiapo zàwenugar.

Miquéias 4:5

Teko amo ae ywy rehe har umuwete katu uzar tupàn a'ua'u wà. Weruzar uzar ze'eg wà. Tupàn Tuweharupi Wiko Ma'e wiko Zanezar romo a'e. Ximuwete katu zane. Xiruzar ize'eg tuweharupi nehe.

Romanos 1:23

Awyzeharupi Tupàn wikuwe a'e. Nukàzym pixik kwaw nehe. A'e teko numuwete kwaw Tupàn a'e wà. Xo Tupàn a'ua'u zo umuwete katu wà. Umuwete awa hagapaw wà. Umuwete katu wiràmiri hagapaw wà no, umuwete katu moz hagapaw wà no.

1 Coríntios 8:4

A'e rupi aze'eg putar peme temi'u rehe ihe kury, a'e temi'u tupàn a'ua'u wanupe imono pyrer rehe ihe kury. Tupàn a'e, pitài zo a'e. Teko uzapo tupàn a'ua'u hagapaw a'e wà. A'e ma'e hagapaw nuikuwe kwaw a'e. Nuiko kwaw Zanezar romo. Tupàn wikuwe a'e, Zanezar romo hekon a'e.

Gálatas 4:8

Kwehe mehe Tupàn ikwaw 'ym mehe peiko tupàn a'ua'u wanemiruze'eg romo a'e 'ar rehe. A'e teko nuiko kwaw Tupàn romo a'e wà. (Pemuwete penàmuz ikàg ma'e umàno ma'e kwer pe wà. Pemuwete kwarahy no, zahy no. — Tupàn romo wanekon wà, peze e wanupe.)

Deuteronômio 32:16

Umuwete tupàn a'ua'u wà. A'e rupi umuikwahy kar Tupàn wà. Umuwete katu tupàn a'ua'u purumuhuhuk ma'e wà. A'e rupi wikwahy wanupe.

Deuteronômio 32:21

Umuwete tupàn a'ua'u wanagapaw hemuikwahy kar pà wà. Herewyrowyroahy wazar tupàn a'ua'u wanehe ihe. Amono kar putar teko ma'e kwaw par 'ym wanupe ihe wà nehe. A'e teko umuikwahy kar putar Izaew a'e wà nehe. Hewyrowyroahy putar amo teko ikàg 'ym ma'e wanehe wà nehe.

Deuteronômio 33:29

Teko Izaew izuapyapyr wà. Penurywete tuwe peiko. Naheta kwaw amo teko pezàwenugar wà. Peiko teko Tupàn Tuweharupi Wiko Ma'e hemipyro kwer romo. Wiko u'yw wi pezemimaw romo a'e. Wiko petakihe puku romo no. Pezeàmim puruzuka haw wi. Weityk peàmàtyry'ymar penenataromo wà no. Izaew, peàmàtyry'ymar wapyk putar upenàràg rehe penenataromo wà nehe. — Urepuhareko pe nehe, i'i putar peme wà nehe. Pepyhyk putar waiwy nehe. Peiko putar waiwy izar romo nehe.

1 Pedro 1:18

Ta'e pekwaw katu Zezuz penekuzaromo imàno awer pe xe. Tupàn umumàno kar wa'yr imono penekuzaromo a'e. A'e rupi pepyro penemiapo kwer ikatu 'ym ma'e wi. Ta'e peiko penàmuzgwer wazàwe a'e 'ar mehe xe. Zaneremetarer tàtà ma'e or her ma'e a'e, parat her ma'e a'e no, ukàzym zanewi a'e. Zezuz imàno awer uzawy temetarer. Nukàzym pixik kwaw zanewi nehe.

1 Samuel 4:21

Omono Ikamo her romo izupe. — Tupàn ikàgaw uhem kwez Izaew wanuwi kury, i'i teko wanupe. — Ikàgaw heta 'ymaw, i'i Ikamo zaneze'eg rupi. Tupàn Ze'eg Hyru ipyro awer rehe umen imàno awer rehe umenu imàno awer rehe uze'eg a'e.