Jeremias 17:5 - Tupàn zeꞌeg

⁵ Uze'eg wi Tupàn Tuweharupi Wiko Ma'e kury. — Aze amo utyryk ihewi nehe, aze uzeruzar amo wanehe nehe, aze uzeruzar teko ikàg 'ym ma'e wakàgaw rehe nehe, amono putar heze'egaiw hehe nehe.

Jeremias 17:5 ပူးပေါင်းရင်းမြစ်များ

2 Crônicas 16:12

Tuwihawete romo heko mehe kwarahy 39 haw mehe ipy ima'eahy tuwe a'e. Nezewe rehe we nuenoz kwaw uzepytywà àwàm Tupàn Tuweharupi Wiko Ma'e pe. Uzeruzar muhàg kwaw par wanehe.

2 Crônicas 32:8

Xo awa wapuner haw wereko a'e. Tupàn Tuweharupi Wiko Ma'e Zanezar wiko zaneinuromo a'e, zanepytywà pà a'e, zaneàmàtyry'ymar wazuka pà a'e, i'i wanupe. Teko hurywete tuwihawete Ezeki ize'eg henu mehe wà.

Salmos 18:21

Tuweharupi aruzar Tupàn Tuweharupi Wiko Ma'e ze'eg ihe. Napytu'u pixik kwaw heruzar ire.

Salmos 62:9

Teko a'e wà, hemetarer 'ym ma'e wà, hemetarer katu ma'e wà no, Nuzawy kwaw pytuhemaw wà. Aze mo upyta ma'epuhuz taw hexak kar haw rehe wà, Naheta iwer mo wapuhuz taw wà. Wapuhuz taw ipixika'i wera'i pytuhemaw wi wà.

Isaías 2:22

Pezeruzar zo teko wanehe nehe. Ta'e amo 'ar mehe umàno ma'e ràm romo wanekon wà xe. Aipo ikatu wà.

Isaías 20:5

Na'e Exio rehe uzeruzar ma'e a'e wà nehe, Ezit rehe uze'egatu ma'e a'e wà nehe no, upytu'u putar uzeruzar ire wà nehe no. Uzemumikahy putar wà nehe.

Isaías 36:6

Pezeruzar Ezit ywy rehe har wanehe. — Urepytywà putar a'e wà nehe, peze ihewe. Awa nueraha kwaw kàn uiwyra pokokaw romo. Upen putar ipo ikutuk pà nehe. Nezewegatete Parao Ezit wanuwihawete wiko putar peme aze pezeruzar hehe nehe. Na'ikàg kwaw a'e. Uzewyr putar pekutyr nehe.

Isaías 59:15

Ze'eg azeharomoete har ukàzym a'e. Pepuraraw kar ma'erahy peiko imunar 'ymaw rehe uzeagaw ma'e wanupe. Katu haw uhem pewi a'e. A'e rupi peneko haw iro Tupàn pe a'e.

Jeremias 11:3

— Ihe Tupàn Tuweharupi Wiko Ma'e Izaew wazar ihe, amono putar heze'egaiw wyzài teko wanehe ihe nehe, aze a'e teko nuweruzar kwaw ko ze'egaw iapo katu pyrer wà nehe.

Ezequiel 6:9

Zauxiapekwer weraha putar a'e teko weko haw pe wemipyhyk kwer romo wà nehe. A'e pe wiko mehe ima'enukwaw putar herehe wà nehe. — Azeharomoete uzepyk zanerehe a'e, i'i putar ihewe wà nehe. — Zanemumaranugar kar a'e, i'i putar ihewe wà nehe no. Ta'e wapy'a uzeruzar 'ym ma'e hereityk a'e wà xe. Nahemuwete kwaw wà. Umuwete katu tupàn a'ua'u wà. Na'iakatuwawahy kwaw uzehe a'e wà nehe, ta'e iaiw a'e wà xe. Uzapo purumuhuhuk kar ma'e wà.

Oséias 1:2

Tupàn Izaew wanupe uze'eg mehe, Ozez pe izypy mehe arer rehe uze'eg mehe, uze'eg nezewe izupe. — Exaexak amo kuzàwyzài tàpuzuhu tupàn a'ua'u imuwete haw pe har neremireko ràm romo nehe. Ereko neremireko romo nehe. Nera'yr a'e kuzà hehe we àràm wiko putar kuzàwyzài imemyr romo a'e wà nehe. Ta'e teko Izaew nuzawy kwaw kuzàwyzài ihewe a'e wà xe. Izaew nuiko kwaw heremireko ikatu ma'e zàwe wà. Izaew upuir ihewi wà.