Jeremias 17:18 - Tupàn zeꞌeg

¹⁸ Tuwe ma'erahy ihewe ipuraraw har wiko ikàg 'ym ma'e romo wà nehe. Tuwe ihe naiko kwaw ikàg 'ym ma'e romo wazàwe nehe. Tuwe tynehem ma'e wi kyzeahy haw pupe wà nehe. Tuwe nuzeapo kwaw nezewe haw ihewe nehe. Emu'ar kar iaiw paw wanehe nehe. Emumaw tuwe ne wà nehe.

Jeremias 17:18 ပူးပေါင်းရင်းမြစ်များ

Jó 16:14

Tupàn ur hekutyr zauxiapekwer ài. Werekoahy heretekwer ukwaukwar pà herehe.

Salmos 35:4

Tuwe amo weityk Herehe ipuruzuka wer ma'e a'e wà nehe. Tuwe wiko ikàg 'ym ma'e wazàwe wà nehe. Tuwe hezuka àwàm imume'u har uzàn oho umaranugar romo wà nehe.

Salmos 35:8

Nezewe rehe we, wamàno haw uhem putar wanupe hàro 'ym mehe nehe. Wanemiapo kwer miar zuka haw zàwenugar upyhyk putar a'e teko a'e wà nehe. U'ar putar ywykwar pupe wà nehe. Uzezuka kar putar ipupe wà nehe.

Salmos 40:14

Tuwe amo weityk herehe ipuruzuka wer ma'e wà nehe, ikàg 'ym ma'e romo wamuigo kar pà wà nehe. Tuwe hema'erahy rehe hurywete ma'e uzàn umaranugar romo wà nehe.

Salmos 70:2

Tuwe amo weityk Herehe ipuruzuka wer ma'e paw a'e wà nehe. Tuwe uzeapo ikàg 'ym ma'e romo wà nehe. Tuwe hema'erahy rehe hurywete ma'e uzàn umaranugar romo wà nehe.

Salmos 71:1

O Tupàn Tuweharupi Wiko Ma'e, ereiko hemimaw zàwenugar romo ne. Nahemumaranugar pixik kar kwaw pe ne, ta'e nahereityk kar kwaw heàmàtyry'ymar wanupe ne xe.

Jeremias 1:17

Zeremi, ezemuàgà'ym neho àwàm rehe nehe kury. Emume'u heze'eg paw eho wanupe nehe. Ekyze zo wanuwi nehe kury. Aze erekyze wanuwi ko 'ar rehe nehe, urumukyze kar wera'u putar wainuinuromo nereko mehe ihe nehe.

Jeremias 11:20

Na'e aze'eg Tupàn pe kury. — O Tupàn Tuweharupi Wiko Ma'e Upuner Wera'u Ma'e, ereiko teko wanemiapo kwer imume'u har ikatu ma'e romo ne. Ereme'e urema'enukwaw paw rehe. Erekwaw ureremimutar no. Tuwe aexak wanehe nezepyk àwàm nehe. Amono hereko haw kwez nepo pe kury.

Jeremias 12:3

Ne Tupàn Tuweharupi Wiko Ma'e hekwaw pe no. Erexak heremiapo. Uruamutar katu ihe. Erekwaw hereko haw. O Tupàn Tuweharupi Wiko Ma'e, emutyk 'aw teko àràpuhàràn hawitu ma'e wazuka haw pe oho ma'e ài ne wà nehe. Emonokatu wazuka àwàm 'ar pe nehe.

Jeremias 14:17

— Emume'u nezemumikahy haw teko wanupe nehe, i'i Tupàn ihewe. Aze'eg nezewe wanupe. — Tuwe hereha uzakook herehaykwer tuweharupi nehe, 'aromo nehe, pyhaw nehe no. Tuwe nupytu'u kwaw uzai'o re nehe. Ta'e heremiaihu ikàg 'ym ma'e upuraraw ma'erahy tetea'u wà xe. Nuzawy kwaw teko ikutuk pyrer ikixi pyrer wà.

Jeremias 16:18

Amekuzar kar putar wakatu 'ymaw wanupe mokoz haw ihe nehe, wanemiapo kwer ikatu 'ym ma'e imekuzar kar pà wanupe nehe no. Umuaiw heywy Tupàn a'ua'u wapupe wà. A'e tupàn a'ua'u wiko umàno ma'e kwer wazàwe wà. Umynehem heywy watupàn mua'u wapupe wà, i'i ihewe.

Jeremias 17:13

O Tupàn Tuweharupi Wiko Ma'e, ereiko teko Izaew izuapyapyr wanemiàro romo ne. Nereitykar paw wiko putar ikàg 'ym ma'e romo wà nehe. Ukàzym putar her ywyxig rehe imuapyk pyr ài wà nehe. Ta'e nereityk a'e wà xe, Tupàn Tuweharupi Wiko Ma'e, 'ytyzuzàmaw 'y ikatu ma'e imur har zàwenugar.

Jeremias 17:16

Hezar. — Emu'ar kar neze'egaiw wanehe nehe, na'e pixik kwaw newe ihe. — Tuwe zawaiw katu waneko àwàm nehe, na'e kwaw newe. O Tupàn, erekwaw ko ma'e ne. Erekwaw heremimume'u kwer.

Jeremias 17:19

Tupàn Tuweharupi Wiko Ma'e uze'eg ihewe. — Zeremi, i'i. — Epyta eho ukenawhu Teko her ma'e huwake nehe. Zuta ywy rehe har wanuwihawete wixe Zeruzarez pupe a'e ukenawhu rupi wà. Uhem a'e wi hupi wà no. A'e re eho amogwer Zeruzarez pàrirogawtàtà hukenawhu pe nehe no.

Jeremias 20:11

Ne Tupàn Tuweharupi Wiko Ma'e ereiko herehe we. Nekàg. Erepuner katu no. Herehe ipuruzuka wer ma'e uzepyapi putar wà nehe. Nuityk kwaw wàmàtyry'ymar wà nehe. Imaranugar tuwe u'ar awer rehe wà nehe. Waàiw paw nupaw pixik kwaw wanuwi nehe. Teko naheharaz pixik kwaw izuwi wà nehe.

Deuteronômio 33:11

O Tupàn, emono neze'egatu Erewi izuapyapyr wanehe nehe. Tuweharupi emukàg kar wiwi wera'u ne wà nehe. Tuwe wanemiapo paw ikatu newe nehe. Emumaw waàmàtyry'ymar ne wà nehe. Tuwe nuzeupir wi pixik kwaw wà nehe.

Apocalipse 18:6

A'e kuzà upuraraw kar ma'erahy kwer tetea'u Tupàn hemiruze'eg wanupe a'e. A'e rupi Tupàn upuraraw kar putar ma'erahy izupe a'e nehe no, nezewegatete a'e nehe no. Upuraraw kar ma'erahy peme a'e. Nezewegatete pepuraraw kar wera'u putar ma'erahy kwer a'e kuzà pe nehe no.