Jeremias 17:14 - Tupàn zeꞌeg

¹⁴ O Tupàn Tuweharupi Wiko Ma'e, hemukatu pe nehe. Nezewe mehe hekatu putar nehe. Hepyro pe nehe no. Nezewe mehe amuzàg putar zegar haw nekatu haw imume'u har ihe nehe no.

Jeremias 17:14 ပူးပေါင်းရင်းမြစ်များ

Salmos 106:47

O Tupàn Tuweharupi Wiko Ma'e urezar, urepyro pe nehe. Uremunyryk kar pe urereraha nerehe uzeruzar 'ym ma'e wamyter wi nehe. Urereraha pe, urereruzewyr pà ureywy pe nehe. Nezewe mehe urumume'u putar neremiapo ikatu haw newe nehe. Urerurywete haw rupi urumume'u putar nerer ikatu ma'e ikatu haw nehe.

Salmos 109:1

Amume'u nekatu haw, o Tupàn. Epyta zo neze'eg 'ym pà nehe.

Salmos 119:94

Hepyro pe heàmàtyry'ymar wanuwi nehe, ta'e aiko neremiruze'eg romo ihe xe. Azeagaw neremiapo kar heruzar pà tuweharupi ihe.

Salmos 12:4

— Uruityk putar amogwer ureze'eg pupe nehe, I'i wà. — Ni amo na'uremupytu'u kar kwaw ureze'eg ire wà nehe, i'i wà. — Ni amo nupuner kwaw ma'e iapo kar haw rehe urewe wà, i'i wà.

Salmos 148:14

Umukàg kar teko wemiaihu wà. A'e rupi hemiruze'eg izuwi upuir 'y ma'e paw umume'u ikatu haw wà. Teko Izaew izuapyapyr Tupàn hemiamutar katu wà, umume'u putar ikatu haw wà nehe. Pemume'u Tupàn Tuweharupi Wiko Ma'e ikatu haw nehe.

Salmos 54:1

O Tupàn, hepyro pe nekàgaw pupe nehe. Hemunyryk kar pe katu 'ymaw wi nekàgaw pupe nehe.

Salmos 6:2

Hepuhareko pe nehe, ta'e nahekàg kwaw ihe xe. Hemukatu pe nehe, ta'e hema'eahy ihe xe.

Salmos 6:3

Herekwe uzemumikahy a'e. O Tupàn, ma'e 'ar mehe erezur putar hemukatu pà nehe.

Salmos 6:4

Ezur hepyro pà màno haw wi nehe, o Tupàn Tuweharupi Wiko Ma'e. Heamutar katu pe ne. A'e rupi hepyro hemàno àwàm wi nehe.

Salmos 60:5

Urepyro pe nekàgaw pupe nehe. Erewazar newe ureze'eg ma'e henoz mehe nehe. Nezewe mehe erepyro putar teko neremiamutar ne wà nehe.

Isaías 6:10

Izai, ewàpytym ko teko wama'enukwaw paw nehe. Emuigo kar ma'e henu 'ymar romo ne wà nehe. Emuigo kar ma'e hexak 'ymar romo ne wà nehe. Nezewe mehe nupuner kwaw ma'e hexakaw rehe wà nehe. Nupuner kwaw ma'e henu haw rehe wà nehe. Nupuner kwaw ma'e kwaw paw rehe wà nehe. Aze mo upuner wà, uzewyr mo ihewe wà. Amukatu mo ihe wà.

Jeremias 15:20

Urumuigo kar putar pàrirogawtàtà itazu morog iapo pyrer zàwenugar nehe, 'aw teko wanupe nehe. Neàmàtyry'ym putar wà nehe. Nezewe rehe we nanereityk kwaw wà nehe. Ta'e aiko putar nerehe we nerehe hezekaiw pà ihe nehe xe, nepyro pà ihe nehe xe.

Jeremias 3:23

— Urumuwete tupàn a'ua'u nerehe uzeruzar 'ym ma'e wazar ure wà, wanupe urerehapukaz pà ywytyr apyr ure wà. Na'urepytywà kwaw wà. Xo Tupàn Tuweharupi Wiko Ma'e urezar zo upuner Izaew izuapyapyr wapytywà haw rehe a'e.

Jeremias 30:17

Peàmàtyry'ymar uze'eg nezewe wà. — Xiàw uzeapo ikàg 'ym ma'e romo a'e. Ni amo nuzekaiw kwaw hehe wà, i'i penehe wà. Amono wi putar penuhàgaw peme nehe. Amuke'e putar peperew nehe no. Ihe Tupàn Tuweharupi Wiko Ma'e aze'eg kwez kury.

Jeremias 31:18

Teko Izaew umume'u uzeapo ma'e kwer ikatu 'ym ma'e wà. Aenu waze'eg mehe ihe wà. — O Tupàn, uruiko tapi'aka'yr imugakwaw pyr 'ym ài ure. Ne uremu'e pe nereruzar haw rehe. Uremuzewyr kar pe nehe, o Tupàn. A'e mehe uruzewyr putar newe nehe. Ta'e ereiko Tupàn Tuweharupi Wiko Ma'e romo urezar romo ne xe.

Jeremias 33:6

Nezewe rehe we amukatu putar 'aw tawhu ihe nehe. Amukatu putar teko ipupe har ihe wà nehe no. Amumaw kar putar kwarahy tetea'u xe zeàmàtyry'ym 'ymaw rehe ihe wà nehe. Ni amo nuzapo kwaw ikatu 'ym ma'e wanupe wà nehe.

Números 12:13

Na'e Moizez uze'eg Tupàn Tuweharupi Wiko Ma'e pe kury. — O Tupàn, ainoz imukatu àwàm newe kury, i'i izupe.

Mateus 14:30

Na'e wexak ykotok kury. Ukyze a'e mehe. Uzypyrog 'y pupe uzeapypyk pà. — Hepyro pe nehe ty hezar, hepyro pe nehe ty hezar, i'i izupe.

Mateus 8:25

Oho hemimu'e huwakea'i wà, imume'e kar pà wà. — Urezar, urepyro pe ty, i'i izupe wà. — Zàmàno putar kury ty, i'i izupe wà.

Lucas 4:18

Zanezar Hekwe wiko herehe a'e. Ta'e herexak a'e xe, uze'eg puràg imume'u kar pà ihewe a'e xe. — Emume'u heze'eg puràg ma'e hereko 'ymar wanupe nehe, i'i ihewe. — Ikatu 'ym ma'e iapo har a'e wà, zemunehew paw pe wiko ma'e ài wanekon a'e wà. Emume'u heze'eg puràg wanupe nehe no, a'e mehe zemunehew paw wi uhem ma'e kwer ài wanekon putar wà nehe, aze uzeruzar hehe wà nehe, i'i ihewe. — Ikatu 'ym ma'e iapo har a'e wà, hehàpyhà 'ym ma'e ài wanekon a'e wà. Emume'u heze'eg puràg wanupe nehe, a'e mehe wiko putar hehàpyhàgatu ma'e romo a'e wà nehe, i'i ihewe. — Ikatu 'ym ma'e iapo har a'e wà, uzemumikahy a'e wà. Emume'u heze'eg puràg wanupe nehe. A'e mehe hurywete putar wà nehe, i'i ihewe.

Deuteronômio 10:21

Pemume'u Tupàn ikatu haw izupe nehe. Wiko Zanezar romo a'e. Tupàn uzapo purumupytuhegatu kar haw pepyro pà a'e. Uhua'u a'e ma'e. Pexak iapo mehe peneha pupe.

Deuteronômio 32:39

Pe paw rupi nehe, pekwaw ko ma'e nehe. Xo ihe zo aiko Tupàn romo ihe. Naheta kwaw amo tupàn wà. Apuruzuka ihe. Apurumuigo kar ihe no. Apurukutuk no. Apurumukatu no. Aze hepurapo wer amo ma'e rehe nehe, ni amo nupuner kwaw hemupytu'u kar haw rehe iapo re wà nehe.