Jeremias 15:5 - Tupàn zeꞌeg

⁵ Uze'eg wi Tupàn. — Mo pepuhareko putar wà nehe, Zeruzarez pe har wà. Mo uzekaiw putar penehe wà nehe. Mo upytu'u a'u putar upuranu re wà nehe. — Pekatu aipo, aipo i'i putar amo peme wà nehe.

Jeremias 15:5 ပူးပေါင်းရင်းမြစ်များ

Jó 19:21

Hemyrypar wà, hepuhareko pe nehe. Ta'e Tupàn ipo a'e xe, hekutuk arer romo hekon a'e xe.

Salmos 69:20

Herehe waze'eg zemueteahy awer upei'ài'àg hepy'a a'e. Nàro kwaw hepyro àwàm kury. — Aze ru'u amo hepuhareko putar wà nehe, a'e wanupe. Àro e hepuhareko àwàm. Ni amo nahepuhareko kwaw wà. — Aze ru'u amo hemurywete kar putar wà wà nehe, a'e wanupe. Àro e hemurywete kar àwàm. Ni amo nuhem kwaw heruwake wà.

Êxodo 18:7

A'e rupi uwàxi Moizez watyw oho kury. Uzemumew upenàràg rehe wapyk pà henataromo imuwete pà. Uzurupyter. — Nekatu ty, nekatu ty, i'i uzeupeupe wà. Wixe tàpuzràn pupe wà.

Isaías 51:19

Mokoz iaiw paw erepuraraw: Neàmàtyry'ymar umuaiw neywy wà. Zeàmàtyry'ymawhu uzuka hehe har wà. Wama'uhez haw uzuka amogwer wà no. Mo nepuhareko a'e wà. Mo uzeagaw nemurywete kar pà wà.

Jeremias 13:14

Aze y'a u'ar amo y'a i'aromo nehe, uzeka putar nehe. Nezewegatete azuhazuhaw putar a'e teko paw rupi ihe wà nehe, tua'uhez ma'e wà nehe, kwàkwàmo wà nehe no, y'a uzeka ma'e ài ihe wà nehe. Amumaw putar 'aw teko wapuhareko 'ym pà ihe wà nehe. Napuhareko kwaw ihe wà nehe. Napuhareko kwaw wamumaw mehe ihe wà nehe.

Jeremias 16:5

Eixe zo tàpuz me teko uzai'o ma'e wapyr nehe. Ezemumikahy zo nehe. Ezai'o zo amo wanehe nehe. Ta'e ihe namono kwaw heze'egatu 'aw teko wanehe ihe nehe xe. Nuiko kwaw zeàmàtyry'ym 'ymaw rehe wà nehe. Napuruamutar kwaw nehe. Napupuhareko kwaw nehe no. Ihe Tupàn Tuweharupi Wiko Ma'e aiko ko ma'e imume'u har romo ihe.

Jeremias 21:7

Amo numàno kwaw zeàmàtyry'ymawhu pe wà, ni ma'uhez romo wà, ni ma'eahy haw pupe wà: tuwihawete Zeneki, amo tuwihaw hehe we har wà, amo teko wà. A'e teko paw apyhyk kar putar tuwihawete Namukononozor pe ihe wà nehe, amogwer waàmàtyry'ymar wanupe wanehe ipuruzuka wer ma'e wanupe ihe wà nehe. Namukononozor uzuka kar putar wà nehe. Nupuhareko kwaw wà nehe. Nupuhareko kwaw ni pitài wà nehe. Ihe Tupàn Tuweharupi Wiko Ma'e aze'eg nezewe ihe, i'i Tupàn ihewe, a'e wanupe.

Lamentações de Jeremias 1:17

Urupyho urepo. Nezewe rehe we ni amo na'urepytywà kwaw wà. Tupàn Tuweharupi Wiko Ma'e umur kar ureàmàtyry'ymar urekutyr ma'ema'e wi a'e wà. Urerereko ma'e purumuzewaru kar haw ài wà.

Naum 3:7

Nerexak arer paw uzàwehem putar newi wà nehe. — Heityk pyrer romo hekon Nin a'e kury, i'i putar nerehe wà nehe. Ni amo nanepuhareko kwaw wà nehe. Ni amo nanepytywà kwaw nezemumikahy mehe wà nehe.

Juízes 18:15

Na'e wixe Mika hàpuz me wà kury, a'e kwàkwàmo Eri izuapyr heko haw pe wà kury. — Zaneku'em, i'i izupe wà.

1 Samuel 10:4

— Nekatu pa, nekatu pa, i'i putar newe wà nehe. Umur putar a'e typy'ak newe wà nehe no. Epyhyk wanuwi nehe.

1 Samuel 17:22

Omono Tawi a'e temi'u ma'e rehe uzekaiw ma'e pe. Uzàn oho zeàmàtyry'ymaw pe kury. Uhem wyky'yr wanuwake. — Pekatu aipo ty wà, i'i wanupe.

1 Samuel 25:5

A'e rupi omono kar Tawi 10 kwàkwàmo Karamew pe wà. — Pekar Namaw nehe ty wà. — Nekatu pa, peze izupe herer rehe nehe, i'i wanupe.