Jeremias 15:16 - Tupàn zeꞌeg

¹⁶ Ereze'eg ihewe. Neze'eg mehe azekaiw neze'eg paw rehe nànàn ihe. O Tupàn Tuweharupi Wiko Ma'e Upuner Wera'u Ma'e, aiko neremiruze'eg romo ihe. A'e rupi neze'eg umynehem hepy'a turywete haw pupe a'e.

Jeremias 15:16 ပူးပေါင်းရင်းမြစ်များ

Neemias 8:12

Na'e teko paw oho weko haw pe wà. Umai'u urywete pà wà. Ui'u win pupe urywete pà wà no. Ma'e hereko har omono ma'e hereko 'ymar wanupe wà. Ta'e wenu katu Tupàn ze'eg wanupe imugeta pyrer a'e wà xe.

Jó 23:12

Aruzar Tupàn hemiapo kar. Azapo hemimutar tuweharupi. Nazapo kwaw heremimutar.

Salmos 119:111

Nepurumu'e haw nuzuawy kwaw temetarer tetea'u a'e. Areko putar tuweharupi nehe. Umurywete kar hepy'a.

Salmos 119:16

Neze'eg hemurywete kar a'e. Napytu'u kwaw neze'egaw rehe hema'enukwaw ire.

Salmos 119:72

Ze'eg neremimur kwer ikatu wera'u temetarer ywy nànànar paw wi ihewe, Ma'e ywy nànànar paw wi ihewe.

Salmos 119:97

Azamutar katu tuwe neze'eg ihe. Amumaw 'ar katu hehe hema'enukwaw pà.

Salmos 19:10

Ipurumu'e haw ikatu wera'u itazu or wi a'e. Aze heta or ikatuahy ma'e tetea'u newe nehe, Tupàn ipurumu'e haw ikatu wera'u putar a'e temetarer wi newe nehe. Hete katu wera'u hàir wi. Hàir ikatuahy ma'e wi hete katu wera'u a'e.

Jeremias 14:9

Màràzàwe tuwe ereiko awa imukuhemahy kar pyrer ài. Màràzàwe tuwe ereiko zauxiapekwer ikàg 'ym ma'e ài, amogwer wapytywà har 'ym ài. Ereiko ureinuinuromo ne, o Tupàn Tuweharupi Wiko Ma'e. Uruiko neremiaihu romo ure no. Urereityk zo pe nehe, i'i hemiaihu ihewe wà.

Ezequiel 2:8

Awa ta'yr, ezekaiw katu heze'eg rehe nehe. Eiko zo heze'eg heruzar 'ymar romo nehe. Eiko zo wazàwe nehe. Ezurupeka heremimono ràm i'u pà nehe.

Miquéias 2:7

Aipo Tupàn omono uze'egaiw Izaew wanehe. Aipo Tupàn Tuweharupi Wiko Ma'e wikwahy. Aipo nezewe haw uzapo wikwahy mehe, i'i ihewe wà. Tupàn Tuweharupi Wiko Ma'e uze'eg kury. — Azeharomoete ikatuahy heze'eg ikatu ma'e iapo har wanupe.