Jeremias 14:4 - Tupàn zeꞌeg

⁴ Uma'ereko ma'e upyk wàkàg a'e wà no. Hehaite wà, ta'e nukyr kwaw àmàn xe. Uxinig ywy.

Jeremias 14:4 ပူးပေါင်းရင်းမြစ်များ

Jeremias 2:37

Pezewyr Axir wi ikàg 'ym ma'e romo. Nezewegatete pezewyr putar Ezit wi pemaranugar romo nehe no. Pezeruzar amo wanehe. Ihe Tupàn Tuweharupi Wiko Ma'e aityk a'e teko ihe wà. Aze pepyta wainuinuromo nehe, napepyhyk kwaw ikatu ma'e nehe.

Jeremias 3:3

A'e rupi àmàn umumaw 'ar tetea'u ukyr 'ym pà. Ni àmàn u'ar mehe har izypy mehe har nukyr kwaw. Te peneko haw nuzawy kwaw kuzà wyzài waneko haw. Pexak kar pemaranugar 'ymaw purupe wazàwe.

Joel 1:11

Pezemumikahy nehe, ko pe uma'ereko ma'e wà. Pezai'o nehe, uwà tyw wanehe uzekaiw ma'e wà, ta'e naheta kwaw arozràn xirik her ma'e a'e kury xe. Ta'e naheta kwaw arozràn xewar her ma'e a'e no xe. Tukur umumaw temi'u ipo'o pyràm upaw rupi katete wà.

Joel 1:17

Ko uxinig ma'e rehe nahezuz kwaw ma'eà'yz. Teko nopo'o kwaw arozràn wà. Tàpuz arozràn imonokatu haw u'ar uzekazeka pà wà.

Levítico 26:18

A'e re, aze nahereruzar kwaw pe nehe, aze pezapo wiwi ikatu 'ym ma'e nehe, amono kar putar penehe hezepykaw 7 haw iaiw wera'u ma'e penehe nehe.

Amós 4:8

Teko wata oho taw nànàn 'y hekar pà wà. Xo pixika'i wexak wà. Iziwez wiwi wà. Nezewe rehe we napezewyr kwaw ihewe. Ihe Tupàn Tuweharupi Wiko Ma'e amume'u ko ma'e teko ihe kury.

Deuteronômio 29:23

Peywy uzeapo putar ywyxiguhu romo nehe. Ywyzu ukaz ma'e upyk putar nehe. Xa upyk putar nehe no. Naheta kwaw ma'etymaw nehe. Napemono'og kwaw arozràn nehe. Ni amo ka'akyr nahezuz kwaw a'e pe nehe. A'e ywy nuzawy kwaw tawhu Tupàn Tuweharupi Wiko Ma'e hemimumaw kwer nehe. Wikwahy wanupe a'e, a'e rupi umumaw wà. Na'aw waner xe wà: Xotom, Komor, Anima, Zemoim.