Jeremias 13:18 - Tupàn zeꞌeg

¹⁸ Tupàn umume'u ko ma'e a'e no. — Eze'eg eho tuwihawete pe nehe, ihy pe nehe no. — Pewezyw tuwihawete henaw wi nehe. Ta'e peàkàg rehe har ipuràg eteahy ma'e tuwihawete romo peneko haw hexak kar haw u'ar peàkàg wi a'e xe.

Jeremias 13:18 ပူးပေါင်းရင်းမြစ်များ

2 Reis 24:12

Tuwihawete Zoaki a'e, ihy a'e no, ta'yr a'e wà no, tuwihaw hehe we har a'e wà no, paw rupi katete uzemono Mawiron wanuwihawete pe wà. Tuwihawete romo wiko mehe 8 haw kwarahy rehe Namukononozor weraha Zoaki a'e wi wemipyhyk kwer romo.

2 Reis 24:15

Namukononozor weraha Zoaki Mawiron pe wemimunehew kwer romo. Weraha iànàm uzeupi wà no. Ihy, hemireko wà, tuwihaw hehe we har wà, Zuta rehe har ikàg wera'u ma'e wà.

2 Crônicas 33:12

Ma'erahy ipuraraw mehe Manaxe uze'eg tuwe Tupàn Tuweharupi Wiko Ma'e uzar pe kury. Heko wera'u haw uhem izuwi kury. Uzemumikahy wemiapo kwer rehe uwipy wazar henataromo kury.

2 Crônicas 33:19

Amo umuapyk amogwer Manaxe hemiapo kwer pape Tupàn ze'eg imume'u har wanemiapo kwer her ma'e rehe: Tupàn pe ize'eg awer, hemiapo kwer ikatu 'ym ma'e Tupàn pe uzewyr 'ym mehe we hemiapo kwer: tupàn a'ua'u imuwete katu awer, wamuwete katu haw iapo awer, ywyra tupàn a'ua'u hagapaw iapo awer, amo tupàn a'ua'u wanagapaw iapo awer. A'e ma'e paw umuapyk a'e pape rehe.

2 Crônicas 33:23

Tu uzewyr Tupàn pe. Amon nuzewyr kwaw izupe. Nuzemumikahy kwaw wemiapo kwer rehe. Tuweharupi hemiapo iaiw wi wi oho iko.

Êxodo 10:3

A'e rupi Moizez a'e, Àràw a'e no, uze'eg oho Parao pe a'e wà kury. — Tupàn Tuweharupi Wiko Ma'e Emerew wazar uze'eg nezewe newe kury. — Màràn 'ar eremumaw putar pezar 'ym romo hereko haw imume'u pà nehe. Emuhem kar heremiaihu xe wi ne wà nehe, ta'e ipurumuwete katu wer herehe muite xe wi a'e wà xe.

Êxodo 39:28

Amo ma'e uzapo wanupe wà no: àkàg àpixi haw, xapew, temyhar irin iapo pyrer

Provérbios 27:24

Ta'e neremetarer upaw putar amo 'ar mehe nehe. Neruwihawete umàno putar amo 'ar mehe nehe no xe.

Isaías 3:20

Upyro putar wazapew nehe. Upyro putar wamupuràgaw wazywa rehe har nehe no. Upyro putar waku'aw har nehe, pàn wanetekwer ahaw paw nehe no. Upyro putar kàpuhàg hyru por wanuwi nehe. Upyro putar ma'e tekwe henoz taw wanuwi nehe no.

Isaías 3:26

Tawhu pe har uzai'o putar wà nehe. Nuzawy kwaw kuzà heityk pyrer ywy rehe wapyk ma'e wà nehe.

Isaías 47:1

Tupàn Tuweharupi Wiko Ma'e uze'eg nezewe a'e. — Mawiron, ereapyk tuwihawete henaw rehe. Ewezyw a'e wi nehe. Eapyk ywy imuku'i pyrer rehe nehe. Ereiko kuzàwaza awa puhe oho 'ym ma'e ài, ipuràg eteahy ma'e ài, uma'ereko pixik 'ym ma'e ài. Ereiko heruze'eg pyr 'ym ài. Aze awa uzapo kar wazyr hemimutar paw izupe, umuaiw a'e. Peiko agwer kuzàwaza imuaiw pyrer ài kwehe mehe. Napeiko pixik kwaw nezewe nugar romo nehe kury.

Jeremias 22:24

Tupàn Tuweharupi Wiko Ma'e uze'eg Zoaki Zuta ywy rehe har wanuwihawete Zeoaki ta'yr pe kury. — Amume'uahy ko ma'e hereko haw rehe ihe kury. — Aze mo ereiko tuwihawete ikwà ku'aw har hepo awyze har pe har romo, urenuhem mo ihe.

Jeremias 22:26

Oromono kar putar ywy neremigwaw 'ym pe nehy rehe we nehe. Napezexak kar kwaw a'e pe. Pemàno putar a'e pe nehe.

Jeremias 29:2

Uhem teko tetea'u Zeruzarez wi wà: tuwihawete Zoaki, ihy, tuwihaw uwihawete hàpuzuhu pe har wà, tuwihaw Zuta ywy rehe har wà, tuwihaw Zeruzarez pe har wà, ywyra pinar wà, amo zawaiw ma'e iapo har wà. Ko ma'e uzeapo a'e ma'e izeapo re.

Jeremias 36:16

A'e ma'e paw henu re ume'e uzehezehe ukyze pà wà kury, Maruk pe uze'eg pà wà kury. — Ximume'u ko ma'e tuwihawete pe nehe kury, i'i uzeupeupe wà.

Lamentações de Jeremias 1:6

Zeruzarez ipuràg eteahy haw upaw. Ipupe har wanuwihaw nuzawy kwaw miar wà. Nuzawy kwaw miar ima'uhez ma'e ikàg 'ym ma'e wà. Uzàwehem uzuka àràm wanuwi wà.

Lamentações de Jeremias 1:9

Hemiapo kwer ikatu 'ym ma'e nuzawy kwaw ipihunaw ikamir rehe har. Nazawaiw kwaw hexakaw. Zeruzarez na'ima'enukwaw kwaw uzeapo ma'e ràm rehe. U'araiwete tuwe. Naheta kwaw imurywete kar àràm. Iàmàtyry'ymar weityk wà. — Hepuhareko pe nehe, i'i Tupàn Tuweharupi Wiko Ma'e pe.

Lamentações de Jeremias 2:10

Zeruzarez pe har tua'u wera'u ma'e a'e wà, wapyk ywy rehe uze'eg 'ym pà wà. Umur ywy wàkàg rehe uzemumikahy haw hexak kar pà wà. Umunehew ma'eryru pàn iànàm ma'e iapo pyrer ukamir romo wà. Kuzàwaza wapyk uzemumew pà upenàràg rehe wà. Umuhyk wàkàg ywy rehe wà no.

Lamentações de Jeremias 5:16

Ni urekàgaw ipixika'i nupyta kwaw. Uruzapo ikatu 'ym ma'e ure. A'e rupi Tupàn umume'u urerehe uzepykaw a'e.

Ezequiel 16:12

Amono amo iapu'a ma'e nexi rehe har newe. Amono nenami por newe no. Amono neàkàg rehe har ipuràg eteahy ma'e newe no.

Ezequiel 21:26

Anuhem putar neàkàg rehe har newi nehe. Anuhem putar neàkàg iwànaw newi nehe no. Nereiko kwaw tuwihawete romo nehe. Hemetarer 'ym ma'e wiko putar upuner ma'e romo wà nehe. Tuwihaw wiko putar ikàg 'ym ma'e romo wà nehe.

Ezequiel 24:17

Einu kar zo nekuhemaw amo wanupe nehe. Eata zo nezapew 'ym nezemumikahy haw hexak kar pà purupe nehe. Eata zo nexapat 'ym nehe. Ezupyk zo neruwa nehe. Teko omono temi'u umàno ma'e kwer itymaw pe wà. E'u zo a'e temi'u nehe, i'i ihewe.

Ezequiel 24:23

Napeata kwaw pezapew 'ym nehe. Napeata kwaw pexapat 'ym nehe no. Napezemumikahy kwaw nehe. Napezai'o kwaw nehe. Pepaw putar ta'e ikatu 'ym ma'e pezapo pe xe. Pezemono'og putar pekuhem pà nehe.

Ezequiel 44:18

Tuwe umunehew wàkàg iwànaw irin iapo pyrer wà nehe. Tuwe umunehew wemyhar irin iapo pyrer wà nehe no. Numunehew kwaw uku'aw har wà nehe. Nezewe mehe na'ipirakor kwaw wà nehe.

Daniel 5:20

— Aiko wera'u amo wanuwi ihe, i'i uzeupe. — Naruzar kwaw amo. Xo ihe apuner ihe, i'i uzeupe. A'e rupi Tupàn weityk. O'ok ipuner haw izuwi. O'ok ipuràg eteahy haw izuwi.

Jonas 3:6

Amo umume'u a'e ma'e oho Nin tawhu pe har wanuwihaw pe wà. Upu'àm tuwihawete wenawhu wi. Wenuhem ukamir puku hekuzar katu ma'e uzewi. Umunehew pàn ma'eryru iapo pyr ukamir romo uzemumikahy haw hexak kar pà. Wapyk oho tanimuk rehe no.

Mateus 18:4

Aze awa wiko ko kwarer ài nehe, aze ikàg 'ym ma'e ài hekon nehe, xo a'e mehe zo wiko putar tuwihaw romo Tupàn pureruze'eg mehe nehe.

Tiago 4:10

— Ikatu 'ym ma'e iapo har romo aiko ihe, peze Tupàn pe nehe. A'e mehe — Ikatu 'ym ma'e iapo 'ymar ài peiko putar ihewe nehe, i'i putar peme a'e nehe.

1 Pedro 5:6

— Naiko wera'u kwaw amo wanuwi ihe, peze tuwe Tupàn pe nehe. Ikàg tuwe a'e. A'e mehe amo 'ar mehe nehe, iputar mehe nehe, pemukàg putar a'e nehe.