Jeremias 12:6 - Tupàn zeꞌeg

⁶ Te nerywyr wà, neànàm wà, wiko neàmàtyry'ymar romo wà. Uze'eg zemueteahy nerehe nekupe kutyr wà. Ezeruzar zo wanehe nehe. Aze ur nemyrypar ài newe uze'eg pà wà nehe, nezewe rehe we ezeruzar zo wanehe nehe, i'i ihewe.

Jeremias 12:6 ပူးပေါင်းရင်းမြစ်များ

Jó 6:15

Pe hemyrypar pe, Nahepytywà kwaw pe. Azemumikahy peze'eg henu mehe. Peiko yrykaw kwarahy mehe typaw ma'e kwer ài ihewe.

Salmos 12:2

Teko paw hemu'em uzeupeupe wà. — Nekatuahy, i'i mua'u amo amo wanupe wà.

Salmos 12:3

O Tupàn Tuweharupi Wiko Ma'e, emupytu'u kar nezewe uze'eg ma'e waze'eg ire ne wà nehe. — Aiko wera'u amo wanuwi ihe, i'i amo wà. Emuze'eg kar zo ne wà nehe.

Salmos 69:8

Aiko amo ae ywy rehe har ài heryky'yr wanupe ihe, herywyr wanupe ihe. Aiko ikwaw pyr 'ym ài heànàm wanupe.

Provérbios 23:8

Nehuhuk wer putar nehe. Erehuhuk putar neremi'u kwer imuzewyr pà nehe. Neze'egatu awer paw ukàzym e.

Provérbios 26:25

Uze'egatu a'e. Ezeruzar zo ize'eg rehe nehe. Ta'e ipy'a tynehem iakatuwawahy 'ymaw pupe a'e xe.

Isaías 31:4

Tupàn Tuweharupi Wiko Ma'e uze'eg nezewe ihewe. — Zàwàruhu iriàw àràpuhàràn hawitu ma'e ipyhykar a'e, izuka har a'e, nukyze kwaw àràpuhàràn wamono'ogar wanur mehe a'e, wanehapukaz mehe a'e. Aze heta tetea'u wà, aze heiheihemahy wà, nezewe rehe we nuzàn kwaw zàwàruhu a'e awa wanuwi wà. Nezewegatete ihe, Tupàn Tuweharupi Wiko Ma'e Ikàg Wera'u Ma'e ihe no. Nakyze kwaw Xiàw ywytyr rehe heàmàtyry'ymar wakutyr hewezyw mehe nehe no.

Jeremias 11:19

Nazawy kwaw àràpuhàràn hawitu ma'e hehaite 'ym ma'e uzezuka haw pe heraha pyr ihe. Umume'u ikatu 'ym ma'e ihewe wemiapo ràm waiko wà. Nakwaw kwaw wanemimume'u ihe. Nezewe i'i wà. — Ximonohok ywyra heityk pà ikàg mehe we nehe. Xiuka Zeremi nehe. Nezewe mehe teko na'ima'enukwaw pixik kwaw hehe wà nehe.

Jeremias 11:21

Awa Anatot tawhu pe har ipurexak wer herehe umàno ma'e kwer romo a'e wà. — Aze eremume'u wiwi ma'e Tupàn her rehe nehe, uruzuka putar ure nehe, i'i ihewe wà.

Jeremias 20:10

Aenu teko tetea'u wanewowo mehe ihe wà. — Heta tetea'u kyzeahy haw zaneywyr, i'i wà. — Zazepyk Zeremi rehe nehe. Ximume'u hemiapo kwer nehe, i'i wà. Te hemyryparete wàro hezepyapi àwàm he'ar àwàm wà. — Aze ru'u u'ar putar miar zuka haw zàwenugar pupe nehe. A'e mehe zazepyk putar hehe nehe, i'i wà.

Jeremias 9:2

Aputar zepe hereko haw ywyxiguhu pe har. Nezewe mehe mo apuner mo muite hereko haw rehe heànàm wanuwi. Paw rupi nuzawy kwaw wemireko 'ym puhe oho ma'e wà. Wiko uwihaw izuka haw iputar har uzemono'og ma'e romo wà.

Jeremias 9:3

Tuweharupi ipurumume'u wer temu'emaw rehe wà. Munar haw wiko ko ywy rehe har wanuwihaw romo. Ze'eg azeharomoete har nuiko kwaw wanuwihaw romo. Tupàn Tuweharupi Wiko Ma'e uze'eg kury. — Heremiaihu uzapo ikatu 'ym ma'e amo ikatu 'ym ma'e rehe we wà. Naheputar kwaw wà.

Jeremias 9:4

Pitàitàigatu uzemupy'a umyrypar rehe wà. Ni amo nupuner kwaw uwywyr rehe uzeruzar haw rehe wà. Ta'e tywyr paw hemu'em umunar pà Zako ài wà xe. Paw rupi hemu'em oho waiko umyrypar wanehe wà.

Jeremias 9:5

Paw rupi hemu'em wemigwaw wanupe wà. Ni amo numume'u kwaw ze'eg azeharomoete har wà. Umu'e wapeku temu'emaw rehe wà. Uzapo ikatu 'ym ma'e wà. Nuityk kwaw ikatu 'ym ma'e wemiapo wà.

Mateus 10:21

Amo awa omono putar wyky'yr tuwihaw wanupe a'e wà nehe, wazuka kar pà wanupe a'e wà nehe. Amo awa omono putar wywyr tuwihaw wanupe a'e wà nehe, wazuka kar pà wanupe a'e wà nehe. Amo ae awa omono putar wa'yr tuwihaw wanupe a'e wà nehe no, omono putar wazyr tuwihaw wanupe a'e wà nehe no, wazuka kar pà wanupe a'e wà nehe no. Amo kwarer omono putar u tuwihaw wanupe a'e wà nehe, omono putar uhy tuwihaw wanupe wà nehe no, wazuka kar pà wanupe wà nehe no.

Marcos 12:12

Zutew wanuwihaw wenu Zezuz ima'emume'u mehe a'e wà kury. — Kwa, uze'eg zemueteahy zanerehe a'e pa, i'i uzeupeupe wà. A'e rupi ipurumunehew wer zepe hehe wà. Ukyze teko wanuwi wà. A'e rupi nupyhyk kwaw wà. Uhem oho a'e wi izuwi wà. Ta'e nupuner kwaw Zezuz ipyhyk haw rehe teko wanuwi wà xe. Nupuner kwaw imunehew paw rehe wanuwi wà xe.

João 7:5

Te tywyr nuzeruzar kwaw hehe a'e 'ar rehe a'e wà. — Nuiko kwaw Tuwihawete Purupyro Ma'e romo a'e, i'i uzeupeupe wà.

Atos 16:22

Teko tetea'u a'e pe uzemono'og a'e wà kury. — Azeharomoete, i'i teko tuwihaw wanupe wà no. A'e rupi tuwihaw wenuhem kar Pawru wakamir wanuwi wà kury. Upetepetek kar wà no.

Atos 18:12

Na'e Hom pe har wanuwihaw ikàg wera'u ma'e a'e, omono kar amo awa a'e pe a'e kury, Kere ywy rehe har wanuwihaw romo imuigo kar pà a'e kury. Kar her romo a'e. Na'e zutew a'e pe har uzemono'og wà a'e wà. Upyhyk Pawru oho wà, tuwihaw huwa rupi heraha pà wà.