Isaías 9:4 - Tupàn zeꞌeg

⁴ Wiko amo pe uma'ereko e ma'e romo wà. Eremonohok kyhàhàm tàtà ma'e wàpixipixi haw ne. Wazar unupà ywyra pupe wà. Erezuhaw a'e ywyra ne. Wàmàtyry'ymar wiko wazar romo wà. Eremumaw wazar ne wà. Nezewegatete kwehe mehe eremumaw Minià izuapyapyr wà.

Isaías 9:4 ပူးပေါင်းရင်းမြစ်များ

Gênesis 27:40

Takihepuku pupe puruzuka ma'e romo ereiko putar nehe. Nerywyr pe uma'ereko ma'e romo ereiko putar nehe. Amo 'ar mehe nereko haw iro putar newe nehe. A'e mehe erehem putar izuwi nehe, izupe uma'ereko ma'e romo nereko re nepytu'u pà nehe, i'i izupe.

Salmos 125:3

Amo 'ar mehe ikatu 'ym ma'e upytu'u putar Tupàn hemiaihu waywy izar romo wiko re wà nehe. Aze mo nupytu'u iwer, a'e mehe mo te ikatu ma'e uzypyrog mo ikatu 'ym ma'e iapo pà wà no.

Salmos 81:6

Nezewe i'i a'e 'ar mehe a'e. — Azo'ok penemiraha ipuhuz katu ma'e pekupe wi ihe. Kok ywy imuàtà pyrer pupe tynehem ma'e peraha peiko a'e mehe. Apupyro a'e ma'e penemiupir wi ihe.

Isaías 10:16

A'e rupi zanezar Tupàn Tuweharupi Wiko Ma'e Ikàg Wera'u Ma'e omono kar putar amo ma'eahy haw zauxiapekwer Axir parer ikàg ma'e wanehe nehe. Upyro putar wakàgaw wanuwi nehe. Omono kar putar haku haw tata zàwenugar wanehe nehe. Ukaz putar wanetekwer wà nehe.

Isaías 10:5

Tupàn Tuweharupi Wiko Ma'e uze'eg nezewe. — Tuwe Axir ywy rehe har wanuwihawete uzemumikahy nehe. Nuzawy kwaw ywyràihàg hepo pe har. Aikwahy heremiaihu wanupe. Anupànupà putar heremiaihu ipupe nehe, ta'e aikwahy wanupe xe.

Isaías 14:25

Amumaw putar Axir ihe wà nehe. Ko 'ar rehe Axir wiko heywy Izaew rehe wà. Apyropyrog putar wanehe ywytyruhu herenaw pe ihe wà nehe. Apyro putar heremiaihu Axir wanuwi ihe wà nehe. Axir uzàpixipixi heremiaihu kyhàhàmtàtà pupe wà. Amonohok putar a'e kyhàhàmtàtà nehe, heremiaihu wapyro pà wamuhem kar pà nehe. Aupir putar ma'e ipuhuz katu ma'e wakupe pe har ihe nehe, wanuwi ipyhyk pà ihe nehe.

Isaías 16:4

Uruzàwehem oroho urereko haw Moaw wi ure. Pezur urepyro pà urerehe ipuruzuka wer ma'e wanuwi nehe. Tuwe urumàno xe peywy rehe nehe, i'i wà. Upaw putar puruzuka haw nehe. Puruzuka ma'e uhem putar oho ko ywy wi nehe.

Isaías 47:6

Aikwahy heremiaihu wanupe ihe, heremiruze'eg heremixamixak kwer wanupe ihe. A'e rupi amuigo kar teko ikàg 'ym ma'e romo ihe wà. Amono pepo pe ihe wà no. Napekatu kwaw heremiaihu wanupe. Nan. Te tua'uhez ma'e wanupe te ihya'uhez ma'e wanupe pepuraraw kar ma'erahy.

Isaías 49:26

A'u kar putar wo'o kwer peàmàtyry'ymar wanupe nehe. A'u kar putar uwykwer wanupe win ài nehe no. Nezewe mehe teko paw ukwaw putar ihe Tupàn Tuweharupi Wiko Ma'e romo hereko haw wà nehe. Pepyro har romo hereko haw ukwaw putar wà nehe no. Ihe Izaew wazar upuner ma'e ihe, aiko penekuzar imono har romo. Ukwaw putar hereko haw wà nehe no.

Isaías 51:13

Ta'e heharaz Tupàn Tuweharupi Wiko Ma'e wapo arer wi wà xe. Heharaz ywak ipupirar arer wi wà, ywy imuapyk arer wi wà. Màràzàwe tuwe pekyze peàmàtyry'ymar purupe ma'erahy ipuraraw par wanuwi. Oho penaikweromo wà, ta'e ipuruzuka wer penehe wà xe. Wakwahy haw nupuner kwaw ma'e iapo haw rehe peme.

Isaías 52:2

O Xiàw, tawhu ipuràg eteahy ma'e. Ipyhyk pyrer romo ereiko, ko 'ar rehe ereapyk ywy rehe. Emonohok kyhàhàm tàtà ma'e heityk pà nehe. Epu'àm nehe, emutuhutuhug ywy ywy ku'i kwer neropoz wi nehe. Eapyk nerenaw rehe nehe, tuwihawete henaw rehe nehe.

Isaías 54:14

A'e pe har wiko putar ikatu ma'e iapo har romo heze'eg heruzar pà wà nehe. A'e rupi nuzeapo kwaw ikatu 'ym ma'e newe nehe. Teko ikatu 'ym ma'e nuzuka kwaw nepupe har wà nehe. Nepupe har nukyze kwaw ma'e wi wà nehe.

Isaías 9:5

Tata umumaw putar zauxiapekwer waxapat wànoànog ma'e paw rupi nehe. Imumaw paw pemurywete kar pà nehe. Umumaw putar wakamir tuwykwer hereko har paw rupi nehe no.

Jeremias 30:8

Tupàn Tuweharupi Wiko Ma'e upuner wera'u ma'e uze'eg wi kury. — A'e 'ar ihem mehe azuhazuhaw kawaru kupe pe har zàwenugar watuwa rehe har ihe nehe. Azo'ok putar kyhàhàm tàtà wanuwi ihe nehe no. A'e mehe nuiko kwaw amo ywy rehe har wanupe uma'ereko e ma'e romo wà nehe.

Jeremias 48:17

Pe Moaw wanuwake wiko ma'e, pepuhareko pe wà nehe. Wakàgaw ikwaw par wà, pepuhareko pe wà nehe. — Wapuner katu haw upaw kwez kury. Wapuràg eteahy haw wakàgaw ukàzym, peze nehe.

Levítico 26:13

Aiko Tuweharupi Wiko Ma'e romo pezar romo ihe. Apupyro Ezit ywy wi. Nezewe mehe napeiko kwaw a'e ywy rehe har wanupe uma'ereko e ma'e romo. Apupyro pemunehew pawer wi. Apumuata kar uzurupu'àm ma'e romo ihe.

Naum 1:13

Apupyro putar Axir wakàgaw ihe nehe. Apueraha putar uma'erekoahy e ma'e romo peneko haw wi nehe, i'i Tupàn wanupe.