Isaías 9:3 - Tupàn zeꞌeg

³ Ne, O Tupàn, eremueta tetea'u kar a'e teko ne wà. Eremurywete kar tuwe ne wà. Teko hurywete arozràn ipo'o mehe wà. Nezewegatete a'e teko hurywete neremiapo kwer rehe wà. Teko hurywete ma'e tetea'u zeàmàtyry'ymawhu pe imono'og pyrer imuza'aza'ak mehe uzeupeupe wà. Nezewegatete a'e teko hurywete neremiapo kwer rehe wà.

Isaías 9:3 ပူးပေါင်းရင်းမြစ်များ

Neemias 9:23

Eremur wazuapyapyr wanupe wà. Wazuapyapyr waneta haw nuzuawy kwaw zahytata ywak rehe har waneta haw. Ererur xe ko ywy rehe wamuikuwe kar pà ne wà. Eremume'uahy ko ywy waipy wanupe kwehe mehe.

Jó 12:23

Tupàn umuhua'u teko imono'og pyrer ywy rehe har wà. Omono wapuner haw wanupe no. A'e re weityk a'e teko wamumaw pà wà.

Salmos 107:38

Tupàn omono uze'egatu wemiaihu wanehe a'e. Wa'yr tetea'u umuzàg wà. Numumaw kar pixik kwaw tapi'ak a'e pe wà.

Salmos 119:162

Herurywete tuwe neremimume'u kwer wanehe. Herurywete temetarer tetea'u ma'e hexak arer ài ihe.

Salmos 4:7

Temi'u tetea'u hereko har hurywete a'e wà. Herurywete wera'u wanuwi ihe, ta'e ne hemurywete kar pe ne xe.

Isaías 10:26

Ihe Tupàn Tuweharupi Wiko Ma'e Ikàg Wera'u Ma'e ihe, azepyk putar Axir wanehe hepurupetekaw pupe nehe. Kwehe mehe azapo nezewe haw Minià izuapyapyr wanupe, itahu Orew her ma'e huwake ihe. Azepyk Ezit rehe kwehe mehe. Azepyk putar Axir wanehe nezewegatete nehe no.

Isaías 12:1

A'e 'ar mehe teko paw uzegar putar nezewe wà nehe. — Amume'u nekatu haw, O Tupàn Tuweharupi Wiko Ma'e. Kwehe mehe erekwahy ihewe. Nekwahy haw upaw kury. Ko 'ar rehe hemurywete kar iko ne.

Isaías 14:5

Tupàn Tuweharupi Wiko Ma'e upyro wakàgaw a'e, ikatu 'ym ma'e wanuwi a'e. Uhaw tuwihaw purupe ma'erahy ipuraraw par wakàgaw a'e.

Isaías 25:9

A'e 'ar mehe teko paw uze'eg putar nezewe wà nehe. — Zanezar romo hekon a'e. Zazeruzar hehe. Zanepyro a'e. Wiko Tupàn Tuweharupi Wiko Ma'e romo. Zazeruzar hehe. Zazegar nehe. Zanerurywete nehe, ta'e zanepyro a'e xe.

Isaías 26:15

Ne Tupàn Tuweharupi Wiko Ma'e, uremueta tetea'u wera'u pe ne. Eremuhua'u wera'u ureywy no. A'e rupi teko ukwaw nekàgaw wà kury.

Isaías 35:10

Tupàn Tuweharupi Wiko Ma'e hemipyro kwer uzewyr putar weko haw pe wà nehe. Uzewyr putar Zeruzarez pe uzegar pà wà nehe. Wiko putar a'e pe tuweharupi urywete romo wà nehe. Turywete haw nehe, zemumikahy 'ymaw nehe, wainuinuromo wanuz tuweharupi wà nehe. Naheta kwaw zemumikahy haw a'e pe nehe. Teko nuzai'o kwaw a'e pe wà nehe.

Isaías 35:2

Ywyxiguhu ma'eputyr pupe tynehem mehe uzegar putar urywete haw rupi nehe. Tupàn umupuràg eteahy kar putar ywytyruhu Irimano ywy rehe har ài nehe. Ma'e itym pyrer hezuz katu i'a katu Karamew ywytyr rehe, Xarom ywyàpyznaw rehe no. Nezewegatete ma'e itym pyrer hezuz katu putar nehe. I'a katu putar a'e ywyxiguhu rehe nehe no. Teko paw wexak putar Tupàn Tuweharupi Wiko Ma'e ikàgaw wà nehe. Wexak putar ipuràg eteahy haw wà nehe no. Wexak putar Zanezar uhua'u haw wà nehe.

Isaías 54:1

Zeruzarez, nanera'yr pixik kwaw ne. Nanememyrahy pixik kwaw. Ezegar nehe kury. Ehapukaz nerurywete romo nehe no, ta'e Tupàn Tuweharupi Wiko Ma'e uze'eg nezewe kury xe. — Kuzà hezar pyrer imemyr wera'u putar kuzà umen ipyr wiko ma'e wi a'e nehe i'i Tupàn.

Isaías 55:12

Pehem putar Mawiron wi penurywete romo nehe. Apueraha putar peywy rehe nehe. Zauxiapekwer napeàmàtyry'ym kwaw peata mehe wà nehe. Ywytyruhu uzegar putar urywete romo wà. Ywytyr hurywete putar uzegar pà wà. Ywyra paw uzepopetepetek putar wà nehe.

Isaías 61:10

Zanerurywete putar nehe. Ximuzàg putar zegar haw Tupàn ikatu haw imume'u haw nehe, ta'e Tupàn Tuweharupi Wiko Ma'e Zanezar uzapo ikatuahy ma'e a'e xe. Umunehew kar purupyro haw zanewe kamir ài a'e. Umunehew kar zaneàmàtyry'ymar waneitykaw zanewe kamirpuku iànàm ma'e ài no. Zaiko awa hemireko ma'e ràm pàn ipuràg ma'e uwàkàg rehe har imunehew har ài zane. Zaiko kuzà imen ma'e ràm ita hekuzar katu ma'e pupe imupuràg eteahy pyrer ài no.

Isaías 61:7

Pemaranugar. Aiw paw rehe peiko no. Penemipuraraw kwer iaiw wera'u penemiapo kwer ikatu 'ym ma'e wi. Ko 'ar rehe peiko putar peywy rehe nehe kury. Penemetarer katu wera'u putar nehe kury. Penurywete putar tuweharupi nehe.

Isaías 65:14

Uzegar putar urywete romo wà nehe. Pekuhem putar pezemumikahy pà nehe. Pezai'o putar nehe. Pepy'a tynehem putar pezemumikahy haw pupe nehe.

Isaías 65:18

Penurywete nehe. Peiko hurywete ma'e romo tuweharupi heremiapo ràm hexak mehe nehe. Ta'e amynehem putar Zeruzarez tawhu turywete haw pupe ihe nehe xe. Amono putar turywete haw tetea'u ipupe har wanupe nehe no.

Isaías 66:10

Zeruzarez tawhu iamutar katu har paw wà, penurywete hehe we nehe. Pemuzàg hekatu haw rehe zegar haw nehe. Hehe uzai'o ma'e wà, penurywete Zeruzarez rehe we nehe.

Jeremias 31:7

Uze'eg Tupàn Tuweharupi Wiko Ma'e. — Pezegar penurywete haw rehe nehe. Pezegar Izaew amo teko wanuwi uhua'u wera'u ma'e wanehe nehe. Pemuzàg ko zegar haw Tupàn ikatu haw imume'u pà nehe. — Tupàn Tuweharupi Wiko Ma'e upyro wemiaihu wà. Upyro teko Izaew wakurer wà no, peze nehe.

Oséias 4:7

Heta tetea'u xaxeto wanemiapo kwer ikatu 'ym ma'e, ta'e heta tetea'u xaxeto wà xe. A'e rupi wakàgaw azapo putar wakàg 'ymaw romo nehe, iaiw paw romo nehe.

Levítico 26:13

Aiko Tuweharupi Wiko Ma'e romo pezar romo ihe. Apupyro Ezit ywy wi. Nezewe mehe napeiko kwaw a'e ywy rehe har wanupe uma'ereko e ma'e romo. Apupyro pemunehew pawer wi. Apumuata kar uzurupu'àm ma'e romo ihe.

Zacarias 10:8

Aenoz putar heremiaihu ihe wà nehe. Amono'og putar ihe wà nehe. Arur wi putar waiwy pe wà nehe. Waneta àwàm nuzawy kwaw waneta awer nehe.

Zacarias 2:11

A'e 'ar mehe teko ywy tetea'u rehe har uzemono'og putar wà Tupàn Tuweharupi Wiko Ma'e hehe we wà nehe. Wiko putar hemiruze'eg romo wà nehe. Wiko putar wapyr nehe, wanehe we nehe. A'e mehe Izaew ukwaw putar Tupàn Ikàg Wera'u Ma'e hemono kar arer romo heko haw a'e wà nehe.

Zacarias 8:23

A'e 'ar rehe 10 amo ae ywy rehe har upyhyk putar pitài Zutew wà nehe, izupe uze'eg pà wà nehe. — Urepurumuwete katu wer Tupàn nezar rehe ure. Ta'e urenu Tupàn penehe we heko haw imume'u awer ure xe, i'i putar izupe wà nehe.

Lucas 11:22

Aze ur awa ikàg wera'u ma'e a'e nehe, aze uzàmàtyry'ym tàpuz izar heityk pà nehe, a'e awa ikàg wera'u ma'e weraha putar ima'e izuwi a'e nehe.

Atos 8:8

A'e rupi Xamari ywy rehe har hurywete tuwe paw rupi wà kury.

Filipenses 4:4

Zanezar a'e, tuwe pemurywete kar a'e nehe, tuweharupi a'e nehe. — Penurywete nehe, a'e wiwi peme kury.

1 Pedro 1:8

Pezamutar katu Zezuz peiko. Napexak pixik kwaw. Pezeruzar hehe no. Napexak kwaw no. A'e rupi penurywete kury. Uhua'u penurywete haw. Napepuner kwaw penurywete haw paw imume'u haw rehe, ta'e penurywete azeharomoete xe.

Juízes 5:3

Pezeapyaka katu nehe, tuwihawete wà. Peme'egatu nehe, tuwihawete wà. Azegar putar Tupàn pe nehe. Azegar putar hehe nehe. Azupy putar hexi'àm henataromo nehe, Tupàn Izaew wazar henataromo nehe.

Juízes 7:22

A'e 300 awa uxi'àm ipy mehe we Tupàn umuzeàmàtyry'ym kar zauxiapekwer wà, takihepuku pupe wà. Uzàn oho Zerera tawhu kutyr wà. Oho Mete-Xita pe wà, Apew Meora ywyzaw pe wà, Tamat tawhu kutyr wà.

Juízes 8:12

Tuwihawete Zema a'e, hehe we har Xaramun a'e no, uzàn oho Izaew wanuwi wà. Uzàn Zineàw oho wanaikweromo. Upyhyk wà. Weityk wanemiruze'eg zauxiapekwer paw rupi wà no.

1 Samuel 30:16

A'e rupi weraha kwàkwàmo Tawi Amarek izuapyapyr wanaikweromo kury. Heta tetea'u Amarek izuapyapyr a'e ywy rehe wà. Umai'u waiko wà. U'u uwà tykwer waiko wà. Upynyk waiko wà. Ta'e upyhyk ma'e tetea'u Piri ywy rehe har waiwy rehe har wanuwi Zuta waiwy rehe har wanuwi wà xe.