Isaías 8:15 - Tupàn zeꞌeg

¹⁵ Teko tetea'u uzepyapi putar u'ar pà wà nehe. Zauxiapekwer uzuhazuhaw putar a'e teko a'e wà nehe. Uzepyhyk kar putar oho purupyhykaw zàwenugar pupe wà nehe.

Isaías 8:15 ပူးပေါင်းရင်းမြစ်များ

Isaías 28:13

A'e rupi Tupàn pemu'e putar zemu'e haw izypy mehe har rehe nehe. Penereko putar kwarer ài a'e nehe. Na'e pezeagaw putar peata pà nehe. Kwarera'i u'ar ukupe kutyr. Nezewegatete peneko haw iaiw wera'u putar nehe. Amo pemuahy kar putar wà nehe. Pe'ar putar ywykwar miar ipyhykaw pupe nehe. Pepyhyk putar pemunehew pà wà nehe.

Isaías 28:16

A'e rupi Tupàn Tuweharupi Wiko Ma'e Zanezar uze'eg nezewe kury. — Amuapyk amo ita hereko Xiàw rehe ihe kury. Ita hekuzar katu ma'e a'e. Aexaexak a'e ita ihe. A'e ita upyta putar amo ita heràpuzuhu wy pe har iahykaw rehe a'e nehe, imuàtà katu pà a'e nehe. Amuapyk ko ze'eg hehe. — Tupàn rehe uzeruzar ma'e nukyze kwaw wà, i'i ze'eg ita rehe har.

Isaías 59:10

Zapokok zaha zaiko pàrirogaw rehe hehàpyhà 'ym ma'e ài zane, heha 'ym ma'e ài zane. Kwarahy wamyter pe hin mehe zazepyapi zane. Nuzawy kwaw pyhaw zaneata haw zanewe. Zanetua'u mehe zanehya'u mehe zaiko umàno ma'e kwer ài.

Isaías 7:22

heta tetea'u putar wakamy kwer nehe. Ikurer hazahy putar. Teko u'u putar hazahy ma'e wà nehe. Wikuwe ma'e a'e ywy rehe har u'u putar ma'ekamy kwer hàir inuromo wà nehe.

Jeremias 6:21

Nezewe mehe ihe Tupàn Tuweharupi Wiko Ma'e amuzepyapi kar putar 'aw teko wamu'ar kar pà ihe wà nehe. Kwarer wanu umàno putar wà nehe. Wana'yr umàno putar wà nehe no. Wamyrypar wà nehe no, wanuwake wiko ma'e wà nehe no, i'i Tupàn.

Mateus 11:6

Aze teko uzeruzar katu herehe wà nehe, hurywete putar wà nehe.

Mateus 15:14

— Pezekaiw zo ze'eg kwehe arer kwaw par parizew her ma'e wanehe nehe ty wà. Pureruze'eg ma'e hehàpyhà 'ym ma'e romo wanekon a'e wà. Aze hehàpyhà 'ym ma'e uzeraha amo hehàpyhà 'ym ma'e pume wà nehe, uzawy putar wape oho wà nehe, ywykwar pupe u'ar pà wà nehe, i'i urewe.

Mateus 21:44

Ihe aiko a'e ita ài ihe. Aze ita u'ar awa 'aromo a'e nehe, uzuka putar a'e nehe. Nezewegatete azepyk putar heremiruze'eg 'ym wanehe ihe nehe no.

João 6:66

Ize'eg na'ikatu kwaw hemimu'e tetea'u wanupe a'e. A'e rupi a'e hemimu'e upuir izuwi wà kury. Upytu'u hupi wata re wà kury.

Romanos 9:32

Ta'e xo wazeruzar haw rehe zo Tupàn umuawyze teko uzeupe a'e wà xe. Numuawyze kwaw wanemiapo kwer rehe a'e wà. Zutew na'izeruzar wer kwaw Zezuz rehe wà. Aze teko wata waiko pe rupi wà nehe, aze ita a'e pe hin nehe, aze a'e teko nuexak kwaw a'e ita a'e wà nehe, a'e mehe uzepyapi putar hehe u'ar pà a'e wà nehe. Nezewegatete zutew a'e wà no. Na'izeruzar wer kwaw Zezuz rehe wà. A'e rupi Tupàn uzepyk putar wanehe nehe.

1 Coríntios 1:23

Zane zane kury. Ximume'u Zaneruwihawete ywyra kanetar rehe imàno awer zaha zaiko purupe zane. Zutew a'e wà, ipuruzukaiw henu mehe a'e wà. — Waze'eg nuzawy kwaw ma'e kwaw 'ymar ze'eg a'e wà, i'i zutew 'ym a'e wà, henu mehe a'e wà.