Isaías 7:20 - Tupàn zeꞌeg

²⁰ A'e 'ar mehe Tupàn Tuweharupi Wiko Ma'e werur kar putar amo yrykaw Ewparat ikupe pe har a'e nehe. Axir wanuwihawete romo hekon a'e. Nuzawy kwaw amutaw ipinar Izaew wanupe nehe. Ur putar wamutaw ipin pà nehe, i'aw ipin pà nehe no, hawer hetekwer rehe har ipin pà nehe no.

Isaías 7:20 ပူးပေါင်းရင်းမြစ်များ

Isaías 1:5

Màràzàwe tuwe pezapo wiwi ikatu 'ym ma'e peiko. Aipo peputar wera'u penehe Tupàn izepyk àwàm. Heta peperew peàkàg rehe. Upaw rupi pezemumikahy.

Isaías 10:15

Aipo itazy ikàg wera'u uzar wi a'e ywyra imonohokar wi a'e. Aipo ywyrakixi haw ukixi ywyra uzar ipo pe wiko 'ym mehe. Aipo ywyra upuner awa hupir haw rehe. Nan.

Isaías 11:15

Tupàn Tuweharupi Wiko Ma'e umuwipaw putar yryhu Xuwez her ma'e nehe. Omono kar putar ywytuaiw yrykawhu Ewparat her ma'e kutyr nehe, imumaw pà nehe. Xo 7 yrykaw zo heta we putar wà nehe. Natypy kwaw wà nehe. Wyzài teko upuner putar wanahaw paw rehe wata pà wà nehe.

Isaías 36:1

Ezeki Zuta ywy rehe har wanuwihawete romo heko mehe 14 haw kwarahy mehe, Xenakeriw Axir ywy rehe har wanuwihawete uzàmàtyry'ym tawhu Zuta ywy rehe har pàrirogawaiha hereko har paw oho a'e wà kury. Upyhyk waneityk pà paw rupi wà.

Isaías 8:7

A'e rupi ihe Tupàn Tuweharupi Wiko Ma'e ihe, arur putar Axir wanuwihawete xe ihe nehe. Arur putar hemiruze'eg zauxiapekwer ikàg ma'e xe ihe wà nehe no. Uzàmàtyry'ym putar 'aw teko wà wà nehe. Wanur haw nuzawy kwaw Ewparat yrykawhu tynehemaw nehe. Tynehem putar 'y yrykaw a'e yrykawhu kutyr uwyryk ma'e paw wa'aromo nehe.

Isaías 9:13

Tupàn Tuweharupi Wiko Ma'e Ikàg Wera'u Ma'e uzepyk wemiaihu wanehe. Nezewe rehe we nuweityk kwaw ukatu 'ymaw wà. Nuzewyr kwaw Tupàn pe wà.

Jeremias 2:18

Peho putar Ezit ywy rehe 'y Niru yrykaw pupe pei'u pà nehe kury. Ma'en peputar nezewe iapo pà ko 'ar rehe nehe kury. Peho putar Axir ywy rehe 'y Ewparat yrykaw pupe pei'u pà nehe kury. Ma'en peputar nezewe iapo pà ko 'ar rehe nehe kury.

Ezequiel 29:18

— Awa ta'yr, ezeapyaka katu nehe. Namukononozor Mawiron wanuwihawete uzàmàtyry'ym Xir tawhu kwez kury. Weraha kar ipuhuz katu ma'e wemiruze'eg zauxiapekwer wanupe. Te wa'aw ukuz wanuwi. Wapir uhem waxi'i wanuwi. Nezewe rehe we ni tuwihawete a'e, ni zauxiapekwer a'e wà, nupyhyk kwaw ma'e uma'ereko awer hekuzaromo wà. Uzàmàtyry'ym e a'e tawhu wà.

Ezequiel 29:20

Amono putar Ezit Namukononozor pe nehe, ta'e uzapo ma'e ihewe a'e xe. Hemiruze'eg zauxiapekwer uma'ereko waiko ihewe wà. Ihe nezar Tuweharupi Wiko Ma'e aiko ko ma'e imume'u har romo ihe.