Isaías 65:14 - Tupàn zeꞌeg

¹⁴ Uzegar putar urywete romo wà nehe. Pekuhem putar pezemumikahy pà nehe. Pezai'o putar nehe. Pepy'a tynehem putar pezemumikahy haw pupe nehe.

Isaías 65:14 ပူးပေါင်းရင်းမြစ်များ

Mateus 8:12

Amo ae teko mez huwake iapyk wer ma'e a'e wà nehe, noho kwaw a'e pe wapyr a'e wà nehe. Tupàn omono kar putar a'e teko katu pe a'e wà nehe, ipytunaw pe a'e wà nehe. Uzai'o putar a'e pe wà nehe, wàzgyrygyryw pà wà nehe, ta'e uzemumikahy putar wà nehe xe, ta'e upuraraw putar ma'erahy wà nehe no xe.

Salmos 66:4

Ywy nànànar nemuwete katu wà. Umuzàg zegar haw nekatu haw rehe wà no. Teko paw umuzàg zegar haw nerer ikatu haw rehe a'e wà, peze Tupàn pe nehe.

Tiago 5:13

Aze amo pepyr har upuraraw ma'erahy iko nehe, tuwe uze'eg Tupàn pe nehe. Aze amo hurywete nehe, tuwe uzegar Tupàn pe nehe, ikatu haw imume'u pà izupe nehe.

Tiago 5:1

Pe hemetarer katu ma'e pe ty wà, pezeapyaka katu heze'eg rehe nehe. Pezemumikahy pezai'o pà nehe, ta'e pepuraraw putar ma'erahy nehe xe.

Lucas 13:28

A'e 'ar mehe nehe, pexak putar penàmuz pe wà nehe: Àmàrààw, Izak, Zako. Pexak putar Tupàn ze'eg imume'u har kwehe arer paw rupi pe wà nehe no. Wiko putar Tupàn heko haw pe a'e wà nehe. Napeixe kwaw wapyr nehe. Katu pe pezai'o katu putar penàzgyrygyryz pà nehe.

Mateus 22:13

Uze'eg tuwihaw wemiruze'eg wanupe kury. — Pezàpixi 'aw awa nehe ty wà, ipo rehe ipy rehe nehe ty wà. Peityk imonokatu pe ipytunaw pe nehe. Uzai'o putar a'e pe uhapukaz pà nehe, wàzgyrygyryw pà nehe, i'i wanupe.

Mateus 13:42

A'e re Tupàn heko haw pe har weityk putar tatahu pe a'e wà nehe. Heiheihem putar uzai'o pà wà nehe, wàzgyrygyryw pà wà nehe, ta'e hahy tuwe wanupe a'e nehe xe.

Jeremias 31:7

Uze'eg Tupàn Tuweharupi Wiko Ma'e. — Pezegar penurywete haw rehe nehe. Pezegar Izaew amo teko wanuwi uhua'u wera'u ma'e wanehe nehe. Pemuzàg ko zegar haw Tupàn ikatu haw imume'u pà nehe. — Tupàn Tuweharupi Wiko Ma'e upyro wemiaihu wà. Upyro teko Izaew wakurer wà no, peze nehe.

Isaías 24:14

Wikuwe ma'e uzegar putar urywete haw rehe wà nehe. Kwarahy heixe haw kutyr wiko ma'e umume'u putar Tupàn Tuweharupi Wiko Ma'e uhua'u haw a'e wà nehe.

Jó 29:13

Teko ma'e hereko 'ymar umur uze'egatu herehe wà. Kuzà imen umàno ma'e kwer hurywete wà, ta'e apytywà ihe wà xe.

Salmos 109:28

Upuner ze'egaiw herehe imur haw rehe wà. Ne eremur neze'egatu herehe nehe. Tuwe heàmàtyry'ymar uzeityk kar oho amo wanupe wà nehe. Ihe neremiruze'eg ihe, tuwe herurywete ihe nehe.

Isaías 9:3

Ne, O Tupàn, eremueta tetea'u kar a'e teko ne wà. Eremurywete kar tuwe ne wà. Teko hurywete arozràn ipo'o mehe wà. Nezewegatete a'e teko hurywete neremiapo kwer rehe wà. Teko hurywete ma'e tetea'u zeàmàtyry'ymawhu pe imono'og pyrer imuza'aza'ak mehe uzeupeupe wà. Nezewegatete a'e teko hurywete neremiapo kwer rehe wà.

Isaías 13:6

Pezai'o nehe. Pehapukaz nehe. Ta'e Tupàn Tuweharupi Wiko Ma'e i'ar uhem iko kury xe. Purumumaw pàwàm pureityk àwàm Tupàn Ikàg Wera'u Ma'e hemimur kar a'e, namuite kwaw a'e.

Isaías 51:11

Tupàn Tuweharupi Wiko Ma'e hemipyro ràm uzewyr putar weko awer pe wà nehe. Uzewyr Zeruzarez tawhu pe uzegar pà wà nehe. Wiko putar a'e pe tuweharupi urywete pà wà nehe. Turywete haw oho putar wanupi nehe. Wata putar urywete pà wà nehe. Naheta kwaw zemumikahy haw nehe. Nuzai'o kwaw wà nehe.

Isaías 50:11

Pe tata imunykar wà, pe u'yw ukaz ma'e hereko har wà, pe'ar putar tata penemimunyk pupe nehe. U'yw penemimuàgy'ygwer pekutuk putar pezuka pà a'e wà nehe. Tupàn Tuweharupi Wiko Ma'e umur kar putar ko zepykaw penehe nehe. Ma'erahy iaiwahy ma'e ipuraraw pàwàm penàro iko a'e.

Isaías 66:14

A'e ma'e izeapo haw hexak mehe nehe, penurywete putar nehe. Pekàg wi putar ka'a hezuz katu ma'e ài nehe. Ihe Tupàn Tuweharupi Wiko Ma'e azekaiw heremiruze'eg wanehe ihe. Pekwaw putar hezekaiw paw nehe. Hekwahy mehe azepyk heàmàtyry'ymar wanehe, i'i Tupàn.