Isaías 65:10 - Tupàn zeꞌeg

¹⁰ Aze heremiaihu uzeagaw heremimutar iapo pà wà nehe, ywy ywytyr heta 'ymaw Xarom her ma'e uzeapo putar waneimaw àràpuhàràn hawitu ma'e wamai'u haw romo nehe. Waneimaw tapi'ak u'u putar ka'api'i ywyàpyznaw Iaiw Paw her ma'e rehe wà nehe no.

Isaías 65:10 ပူးပေါင်းရင်းမြစ်များ

1 Crônicas 5:16

Wiko Màxà ywy rehe wà. Wiko Zireaz ywy rehe wà no. Wiko tawhu a'e ywy rehe har wapupe wà. Wiko Xarom ywy ka'api'i heta haw nànàn wà no.

Isaías 33:9

A'e ywy rehe har umumaw ywy ikatu haw hereko wà. Iaiw oho iko. Ywyra ywytyr rehe har Irimano ywy rehe har uxinig a'e. Ywyàpyznaw Xarom her ma'e uzeapo ywyxiguhu romo. Màxà ywy rehe Karamew ywytyr rehe ywyra u'ar wanuwer wà.

Isaías 35:2

Ywyxiguhu ma'eputyr pupe tynehem mehe uzegar putar urywete haw rupi nehe. Tupàn umupuràg eteahy kar putar ywytyruhu Irimano ywy rehe har ài nehe. Ma'e itym pyrer hezuz katu i'a katu Karamew ywytyr rehe, Xarom ywyàpyznaw rehe no. Nezewegatete ma'e itym pyrer hezuz katu putar nehe. I'a katu putar a'e ywyxiguhu rehe nehe no. Teko paw wexak putar Tupàn Tuweharupi Wiko Ma'e ikàgaw wà nehe. Wexak putar ipuràg eteahy haw wà nehe no. Wexak putar Zanezar uhua'u haw wà nehe.

Isaías 51:1

Tupàn Tuweharupi Wiko Ma'e uze'eg nezewe. — Pezeapyaka katu nehe, uzepyro àwàm hekar har wà, uzepytywà àwàm ihewe henoz har wà. Peiko itahu ipei'àg pyrer ài. Pema'enukwaw itahu rehe nehe. Apei'àg a'e itahu penenuhem pà izuwi ihe.

Isaías 55:6

Pekar Tupàn pezepytywà kar pà izupe nehe, hexakaw rehe pepuner mehe we nehe. Peze'eg Tupàn Tuweharupi Wiko Ma'e pe nehe, penuwake heko mehe we nehe no.

Jeremias 29:13

Herekar putar pe nehe. Herexak putar pe nehe no. Ta'e herekar putar pe pepy'a nànàn nehe xe.

Jeremias 33:12

Tupàn Tuweharupi Wiko Ma'e uze'eg a'e kury. — Ko ywy rehe naheta kwaw teko wà, ni ma'ea'yr wà. Heta putar ka'api'i amo 'ar mehe nehe. Àràpuhàràn wamono'ogar upuner weimaw wanerur haw rehe xe wà nehe.

Jeremias 50:19

Aruzewyr putar teko Izaew waiwy pe ihe wà nehe. U'u putar Karamew ywytyr Màxà ywy rehe har rehe hezuz ma'e wà nehe. U'u wemimutar paw Eparai ywy rehe har wà nehe, Zireaz ywy rehe har wà nehe no.

Oséias 2:15

A'e pe urereko mehe amuzewyr kar putar ikukwer uwà tyw kwer izupe nehe. Ywyàpyznaw Iaiw Paw her ma'e azapo putar ukenaw romo ma'e hàrogatu haw romo ihe nehe. A'e mehe uze'eg putar ihewe, uze'eg awer kwehe mehe arer kuzàwaza romo wiko mehe arer zàwenugar rupi katete nehe, Ezit ywy wi uhem mehe arer zàwenugar rupi katete nehe.

Atos 9:35

Iri taw pe har paw a'e wà, Xaron taw pe har paw a'e wà no, wexak iata mehe a'e wà. A'e rupi uzeruzar Zanezar rehe wà.