Isaías 64:3 - Tupàn zeꞌeg

³ Ikatuahy ma'e purumupytuhegatu kar haw iapo mehe, ma'e ureremiàro 'ym iapo mehe, erewezyw ywak wi ne. Ywytyruhu uryryryryz nerenataromo wà.

Isaías 64:3 ပူးပေါင်းရင်းမြစ်များ

2 Samuel 7:23

Naheta kwaw amo ae teko ywy rehe wà, neremiaihu Izaew wazàwenugar wà. Erepyro paw ne wà, neremiaihu romo wamuigo kar pà ne wà. Erezeapo ikwaw katu pyr romo teko wanupe. Erezapo ikatuahy ma'e purumupytuhegatu kar haw neremiaihu wanupe. Erepyro neremiaihu Ezit ywy wi kwehe mehe ne wà. Eremuhem kar amogwer teko ko ywy wi, watupàn a'ua'u rehe we ne wà. Aze neremiaihu uhem amo ywy pehegwer pe wà, eremuhem kar amogwer teko a'e ywy wi neremiaihu wanenataromo ne wà.

Salmos 106:22

Azeharomoete uzapo ikatuahy ma'e a'e pe. Azeharomoete uzapo purumupytuhegatu kar haw Yryhupiràg pe no.

Salmos 66:3

Peze'eg nezewe Tupàn pe nehe. — Neremiapo kwer umupytuhegatu kar teko a'e wà. Nekàgaw uhua'u tuwe no. Te neàmàtyry'ymar ukyze newi uzeamumew pà nerenataromo wà.

Salmos 66:5

Pezur Tupàn hemiapo kwer hexak pà nehe. Pepytuhegatu ikatuahy ma'e teko wanupe iapo pyrer hexak mehe nehe.

Salmos 68:8

Ywy uryryryryz a'e. Ywak uzakook àmàn a'e no, Ta'e ne Tupàn Xinaz rehe har ne xe, Izaew wazar ne xe, erezur a'e pe ne xe.

Salmos 76:12

Tuwihaw amo wanuwi wiko wera'u ma'e a'e wà, Tupàn umuigo kar ma'e hereko 'ymar romo a'e wà. Umukyze kar tuwe ywy rehe har wanuwihawete wà no.

Êxodo 34:10

Uze'eg Tupàn Tuweharupi Wiko Ma'e izupe. — Amume'uahy putar heremiapo ràm peme nehe kury, heze'egaw iapokatu pà penehe we nehe kury. Neremiruze'eg wanenataromo azapo putar ma'e temixak 'ym ihe nehe. Ni amo ywy rehe har nuexak kwaw agwer ma'e heremiapo ràm zàwenugar wà. Peiko amo teko wainuromo. A'e teko wexak putar peme heremiapo ràm wà nehe. Ipytuhegatu putar hexak mehe wà nehe.

Isaías 5:25

A'e rupi Tupàn Tuweharupi Wiko Ma'e wikwahy wemiaihu wanupe. Upyho opo wanehe uzepyk pà. Ywytyruhu uryryryryz wà. Zauxiapekwer wezar umàno ma'e kwer wanetekwer nahu rupi heityk pyrer ài wà. Nezewe rehe we Tupàn ikwahy haw nupytu'u kwaw. Upyho opo iko wanehe uzepyk àwàm rehe rihi.

Isaías 64:1

Aze mo eremu'i ywak, aze mo erewezyw, ikatuahy mo urewe. Aze mo eremuryryryryz kar ywytyruhu nerenataromo, ikatu mo urewe.

Habacuque 3:3

Tupàn ur iko Enom ywy wi. Tupàn Ikatuahy Ma'e ur iko Pàrà ywytyr wi. Ikàgaw uhyape katu ma'e upyk ywak a'e. Ywy rehe har paw umume'u ikatu haw wà.

Habacuque 3:6

Aze upytu'u, ywy uryryryryz a'e. Ume'e teko ywy nànànar wanehe. Ukyze katu a'e teko a'e mehe wà. Ywytyr kwehe arer otohotohog wà. Ywytyruhu kwehe arer u'au'ar wà. Izypy mehe arer we Tupàn wata a'e ywytyruhu rehe.

Deuteronômio 10:21

Pemume'u Tupàn ikatu haw izupe nehe. Wiko Zanezar romo a'e. Tupàn uzapo purumupytuhegatu kar haw pepyro pà a'e. Uhua'u a'e ma'e. Pexak iapo mehe peneha pupe.

Deuteronômio 4:34

— Tupàn Tuweharupi Wiko Ma'e urepyro amo teko wamyter wi a'e, wemiruze'eg romo uremuigo kar pà a'e. Wiko tuwe urezar romo a'e. Aipo pexak agwer ma'e, peze wanupe nehe. Pexak ipuner haw hexak kar awer. Pexak ikàgaw. Uzapo ma'e tetea'u pepyro pà a'e wi a'e. Omono iaiw haw Ezit ywy rehe. Uzapo purumupytuhegatu kar haw tetea'u. Werur zeàmàtyry'ymawhu wanupe. Uzapo purumukyze kar haw. Pepyro a'e wi nezewe mehe.