Isaías 64:12 - Tupàn zeꞌeg

¹² Erexak a'e ma'e paw, O Tupàn Tuweharupi Wiko Ma'e. Aipo nerezapo kwaw ma'e nehe. Aipo nereze'eg kwaw nehe. Aipo erezepyk wiwi putar urerehe nehe.

Isaías 64:12 ပူးပေါင်းရင်းမြစ်များ

Salmos 10:1

O Tupàn Tuweharupi Wiko Ma'e, màràzàwe tuwe ereiko muite urewi. Màràzàwe tuwe erezeàmim urewi ma'erahy ipuraraw mehe.

Salmos 79:5

O Tupàn Tuweharupi Wiko Ma'e, màràn kwarahy eremumaw putar urewe nekwahy pà nehe. Aipo nerepytu'u pixik kwaw nehe. Aipo nekwahy haw ukaz wiwi putar tata ài nehe.

Salmos 83:1

O Tupàn, epyta zo urewe neze'eg 'ym pà nehe. Epytu'u zo neze'eg ire nehe. Epytu'u zo ikatu ma'e urewe iapo re nehe, o Tupàn.

Isaías 42:14

Uze'eg Tupàn Tuweharupi Wiko Ma'e kury. — Amumaw kwarahy tetea'u heze'eg 'ym pà ihe. Namume'u kwaw ma'e. Nawazar kwaw amo waze'eg wanupe. Ko 'ar rehe ahapukaz putar kuzà imemyrahy ma'e ài nehe kury. Azai'o putar ma'erahy haw rehe nehe.

Isaías 63:15

O Tupàn, eme'e urerehe ywak wi nehe, nereko haw ikatu ma'e ipuràg eteahy ma'e wi nehe. Ma'e pe eremono nepuner haw. Màràzàwe tuwe nerezekaiw kwaw urerehe kury. Ezo'ok zo ureamutar katu haw urewi nehe. Emunyryk zo urepuhareko katu haw urewi nehe,

Isaías 65:6

Amuapyk wanemiapo kwer paw hepape rehe ihe. Napytu'u kwaw wanehe hezepyk 'ym mehe we ihe nehe. Amekuzar kar putar wanemiapo kwer ikatu 'ym ma'e wanupe ihe nehe.

Zacarias 1:12

Na'e Tupàn Tuweharupi Wiko Ma'e heko haw pe har uze'eg kury. — O Tupàn Ikàg Wera'u Ma'e ne. Eremumaw 70 kwarahy Zeruzarez rehe amogwer tawhu Zuta ywy rehe har wanehe nekwahy pà ne. Màràn kwarahy eremumaw wi putar nekwahy wi pà nehe. Màràn mehe erepuhareko katu putar ne wà nehe, i'i izupe.

Apocalipse 6:10

Na'e wanekwe uhapukaz wahyhaw rupi a'e wà kury. — Urezar ikàg wera'u ma'e ne, nekatuahy ne, erezemonokatu ikatu 'ym ma'e wi netyryk pà ne. Nerezapo pixik kwaw ikatu 'ym ma'e ne, i'i izupe wà. — Erezapo ma'e neze'eg rupi tuweharupi ne, i'i izupe wà. — Ma'e 'ar mehe erezepyk putar urezuka arer wanehe nehe, i'i izupe wà. Iàrew tuwe wanehe nezepykaw, i'i izupe wà.