Isaías 60:17 - Tupàn zeꞌeg

¹⁷ Narur kwaw itazu morog newe nehe, arur putar itazu or newe nehe. Narur kwaw itaper newe nehe, arur putar itaxig parat newe nehe. Arur putar itazu morog itaper rehe we nehe, ywyra hekuzaromo nehe, ita hekuzaromo nehe no. Zeàmàtyry'ym 'ymaw amuigo kar putar neruwihawete romo ihe nehe. Ureruze'eg kar putar ikatu haw pe ihe nehe no.

Isaías 60:17 ပူးပေါင်းရင်းမြစ်များ

1 Reis 6:30

Te ywy rehe omomog or pape zàwenugar a'e mokoz Tupàn henaw pupe wà.

Salmos 147:14

Numuixe kar kwaw waàmàtyry'ymar waywyzaw rupi wà. Omono arozràn ikatu wera'u ma'e wemiaihu wanupe wanemi'u ràm romo.

Salmos 72:3

Tuwe uhyk temi'u nehe, tuwe uhyk ma'e nehe no, teko ko ywy rehe har wanupe nehe, Ta'e teko uzapo ikatu ma'e waiko wà xe.

Isaías 1:26

Amono putar tuwihaw kwehe arer zàwenugar peme ihe wà nehe. Amono putar pureruze'eg ma'e ikatu ma'e kwehe arer zàwenugar peme ihe wà nehe no. A'e rupi teko uze'eg putar nezewe Zeruzarez pe wà nehe, — Tawhu ikatu haw heta haw, i'i putar izupe wà nehe. — Tawhu Tupàn rehe zeruzar haw heta haw, i'i putar izupe wà nehe, i'i Tupàn.

Isaías 30:26

Tupàn umukatu wemiaihu wamuahy kar awer nehe. Umuke'e putar wemiaihu waperew wemiapo kwer nehe no. A'e 'ar mehe zahy uhyape katu putar kwarahy ài nehe. Kwarahy uhyape katu wera'u 7 haw uhyape haw kwehe arer wi nehe. Pitài 'ar rehe ihyape katu haw nuzawy kwaw 7 'ar rehe ihyape katu awer nehe.

Isaías 55:13

Ko 'ar rehe xo xu zo heta a'e pe. Hezuz putar ywyra xipere her ma'e a'e pe nehe. Xo ka'a zo heta ko 'ar rehe. Uzexak kar putar ma'eputyr hyàkwegatu ma'e mur her ma'e a'e pe nehe no. A'e ma'e hexak mehe pekwaw putar heremiapo kwer nehe. Tuweharupi ukwaw kar hekatu haw peme nehe. Nukàzym pixik kwaw nehe.

Isaías 60:16

Amo ae ywy rehe har a'e wà nehe, wanuwihawete a'e wà nehe no, uzekaiw putar nerehe a'e wà nehe. Wiko putar kuzà umemyr pe ukamy imono har ài newe wà nehe. Nezewe mehe erekwaw putar Tupàn Tuweharupi Wiko Ma'e nepyro har romo hereko haw nehe. Erekwaw putar Izaew wazar Upuner Ma'e nemekuzar har romo hereko haw nehe no.

Isaías 60:18

Teko nuzuka pixik kwaw amo teko neywy rehe wà nehe. Zauxiapekwer numumaw pixik kwaw neywy wà nehe. Nuweityk pixik kwaw neràpuz wà nehe. — Purupyro haw, ere putar nepàrirogaw pe nehe. — Tupàn ikatu haw imume'u haw, ere putar nerukenaw pe nehe.

Daniel 11:20

Amo awa wiko putar tuwihawete romo hekuzaromo a'e nehe. A'e tuwihawete omono kar putar wemiruze'eg tuwihaw teko nànàn a'e nehe. A'e tuwihaw omono'og putar temetarer izupe nehe. Nezewe mehe hemetarer katu putar nehe. Ikàg putar nehe no. Nan kwehe tete amo uzuka putar a'e tuwihawete nehe. Nuzuka kwaw zeàmàtyry'ymawhu pe wà nehe.

Ageu 2:8

Parat ywy nànànar or ywy nànànar upaw hema'e romo wanekon a'e wà.

Zacarias 12:8

A'e 'ar mehe apyro putar Zeruzarez pe har waàmàtyry'ymar wanuwi wà nehe. Wainuromo har ikàg 'ym wera'u ma'e wiko putar ikàg ma'e romo tuwihawete Tawi ài wà nehe. Tawi izuapyapyr oho putar wanenataromo wà nehe. Nuzawy kwaw Tupàn Tuweharupi Wiko Ma'e heko haw pe har wà nehe. Nuzawy kwaw Tupàn wà nehe. Ikàg putar wà nehe. Teko uzeruze'egatu putar wanehe wà nehe.

2 Pedro 3:13

Xiàro ma'e Tupàn hemimume'u kwer zaiko zane. Umume'u ywak ipyahu ma'e iapo àwàm zanewe, umume'u ywy ipyahu ma'e iapo àwàm no. Tupàn wiko putar a'e pe nehe. Teko uzapo putar ikatu ma'e a'e pe wà nehe no.