Isaías 6:10 - Tupàn zeꞌeg

¹⁰ Izai, ewàpytym ko teko wama'enukwaw paw nehe. Emuigo kar ma'e henu 'ymar romo ne wà nehe. Emuigo kar ma'e hexak 'ymar romo ne wà nehe. Nezewe mehe nupuner kwaw ma'e hexakaw rehe wà nehe. Nupuner kwaw ma'e henu haw rehe wà nehe. Nupuner kwaw ma'e kwaw paw rehe wà nehe. Aze mo upuner wà, uzewyr mo ihewe wà. Amukatu mo ihe wà.

Isaías 6:10 ပူးပေါင်းရင်းမြစ်များ

Salmos 119:70

Tàtàahy a'e teko upy'a pe wà. Nuzekaiw kwaw neze'eg rehe wà. Ihe herurywete neze'eg rehe ihe.

Salmos 17:10

Napuhareko kwaw ni pitài wà. Uze'eg ukatu wera'u haw rupi wà no.

Salmos 69:23

Emuigo kar hehàpyhà 'ym ma'e romo ne wà nehe. Ezo'ok wakàgaw paw wanuwi nehe no.

Êxodo 10:27

Nezewe rehe we Tupàn Tuweharupi Wiko Ma'e uzapo wi uma'ereko haw Parao ipy'a pupe. A'e rupi na'ipureruzar wer kwaw ize'eg rehe. Na'ipurumuhem kar wer kwaw wanehe a'e wi.

Êxodo 11:10

A'e ma'e purumupytuhegatu kar haw Moizez uzapo Parao henataromo Àràw rehe we. Tupàn uzapo wi uma'ereko haw Parao ipy'a pupe. A'e rupi na'ipureruzar wer kwaw ize'eg rehe. A'e rupi numuhem kar kwaw Izaew izuapyapyr uiwy wi wà.

Êxodo 14:17

Ama'ereko putar Ezit ywy rehe har wapy'a pupe ihe nehe. A'e rupi oho putar Izaew wanaikweromo yryhu pupe wà nehe. Aexak kar putar hekàgaw nehe, iaiw ma'e iapo pà Parao pe nehe, hemiruze'eg zauxiapekwer wanupe nehe no, ywyramawa wanupe nehe, hemiruze'eg kawaru kupe pe har wà no.

Êxodo 7:3

— Amuigo kar putar Parao hereruzar har 'ym romo ihe nehe. Azapo putar hexak pixik pyr 'ym tetea'u Ezit ywy rehe nehe, azapo putar purumupytuhegatu kar haw tetea'u nehe no.

Provérbios 16:30

Ezemupy'a iaiw paw rupi upuka ma'e rehe nehe, weha imuwàri har rehe nehe no. Agwer teko ipuruapo wer ikatu 'ym ma'e rehe wà.

Eclesiastes 3:3

Puruzuka ma'e uzuka teko puruzuka haw 'ar mehe wà. Ximukatu teko wamukatu haw 'ar mehe zane wà no. Xityk tàpuz heitykaw 'ar mehe. Xiapo tàpuz iapo haw 'ar mehe.

Isaías 19:22

Tupàn Tuweharupi Wiko Ma'e umuahy kar putar Ezit rehe har wà nehe. A'e re umukatu putar wà nehe. Ezit uzemumikahy putar wemiapo kwer rehe wà nehe. Uzewyr putar Tupàn Tuweharupi Wiko Ma'e pe wà nehe. Tupàn wenu putar waneminoz nehe. Umukatu putar wà nehe.

Isaías 28:13

A'e rupi Tupàn pemu'e putar zemu'e haw izypy mehe har rehe nehe. Penereko putar kwarer ài a'e nehe. Na'e pezeagaw putar peata pà nehe. Kwarera'i u'ar ukupe kutyr. Nezewegatete peneko haw iaiw wera'u putar nehe. Amo pemuahy kar putar wà nehe. Pe'ar putar ywykwar miar ipyhykaw pupe nehe. Pepyhyk putar pemunehew pà wà nehe.

Isaías 29:10

Ta'e Tupàn Tuweharupi Wiko Ma'e pemuger kar tuwe a'e xe. Upyk peàkàg. Pemuzeàpumi kar a'e. Peàkàg a'e wà, peneha a'e wà no, wiko Tupàn ze'eg imume'u har romo a'e wà. Tupàn wexak kar zepe ma'e puahu pe har zàwenugar a'e awa wanupe a'e. Nuexak kwaw wà.

Isaías 29:14

A'e rupi amupytuhegatu kar wi putar ko teko ihe wà nehe. Azapo putar ma'e ikwaw pyr 'ym wainuinuromo nehe, azapo putar iaiw ma'e wainuinuromo nehe no. Ukwaw katu ma'e wà. Nezewe rehe we nupuner kwaw a'e ma'e imume'u haw rehe wà nehe. Nukwaw kwaw a'e ma'e heremiapo ràm wà nehe. Teko ma'e tetea'u rehe imu'e pyrer nukwaw kwaw a'e wà nehe no, i'i Zanezar.

Isaías 29:9

Peiko wiwi iranaiwa'u ma'e romo nehe, aze peneko wer nehe. Peiko wiwi hehàpyhà 'ym ma'e romo nehe, aze ikatu wera'u nezewe haw peme nehe. Aze pei'u win pupe nehe, aze pei'u kàwiahy pupe nehe, peka'u he'o ma'e ài peata e pà nehe.

Isaías 44:18

Agwer teko nukwaw katu kwaw ma'e wà. Uzeàpumi wà. Nupuner kwaw ma'e hexakaw rehe wà. Uwàpytym uma'enukwaw paw wà no. Nukwaw kwaw ma'e wà.

Isaías 63:17

O Tupàn, màràzàwe tuwe uremupiaw kar nerape wi. Màràzàwe tuwe eremuàtà urepy'a newe urekyze re uremupytu'u kar pà. Ezewyr urewe nehe, o Tupàn, ta'e uruiko neremiruze'eg romo ure xe. Uruiko teko neremixamixak kwer romo ure.

Jeremias 17:9

Mo upuner teko wapy'a ikwaw paw rehe wà. Naheta kwaw purupe hemu'em ma'e wazàwenugar wà. Nuzawy kwaw ima'eahy tetea'u ma'e. Naheta kwaw imukatu àwàm.

Jeremias 5:21

— Pezekaiw katu ko ze'eg rehe nehe, teko iranaiwahy ma'e wà, teko ma'e kwaw par 'ym wà. Heta peneha peme. Napeixak kwaw ma'e. Heta peapyakwar peme no. Napeinu kwaw ma'e.

Jeremias 6:10

Awazar ize'eg izupe ihe. — Mo pe aze'eg putar nehe. Aze aze'eg nehe, ni amo nuzekaiw kwaw heze'eg rehe wà nehe. Upyk wapyakwar wà. Ta'e na'izekaiw wer kwaw hehe wà xe. Na'ipurenu wer kwaw neze'eg rehe wà. Upuka neze'eg rehe wà.

Lamentações de Jeremias 3:65

Emono neze'egaiw wanehe nehe. Emu'ar kar iaiw haw rehe ne wà nehe no.

Zacarias 11:15

Na'e Tupàn Tuweharupi Wiko Ma'e uze'eg ihewe kury. — Eiko àràpuhàràn hawitu ma'e mono'ogar ikatu 'ym ma'e zàwenugar romo nehe kury.

Zacarias 7:11

Naheputar kwaw uzar romo a'e wà. Na'ipureruzar wer kwaw heze'eg rehe wà. Upuir ihewi wà. Upyk wapyakwar wà. Ta'e na'ipurenu wer kwaw heze'eg rehe wà xe.

Mateus 13:15

Ta'e pema'enukwaw paw uzewàpytym a'e xe. Ta'e pepytu'u ma'e henu re pe xe. Pewàpytym peneha no. Aze mo napezapo iwer nezewe haw, A'e mehe mo penehàpyhàgatu mo, A'e mehe mo peapyha katu mo, A'e mehe mo pekwaw katu mo ma'e, A'e mehe mo pezewyr mo ihewe, A'e mehe mo apumukatu mo ihe, I'i Tupàn.

João 12:40

Tupàn a'e, numuehàpyhà kar kwaw waneha a'e wà. Nukwaw kar kwaw ma'e wanupe a'e. A'e rupi nahehàpyhà kwaw wà kury. Nukwaw kwaw ma'e wà kury. Naheko wer kwaw heremiruze'eg romo a'e wà. A'e rupi namukatu kwaw ihe wà nehe, i'i Tupàn wanupe, i'i Izai kwehe mehe.

Atos 28:27

Ta'e 'aw teko nukwaw katu kwaw ma'e a'e wà xe. Uwàpytym upyakwar kwez wà. Uzeàpumi kwez wà. Aze mo nuiko iwer nezewe wà, a'e mehe mo iapyha katu mo wà. A'e mehe mo ukwaw katu mo ma'e wà. Uzewyr mo ihewe wà. Amukatu mo ihe wà, i'i Tupàn.

Atos 3:19

Pezemumikahy penemiapo kwer ikatu 'ym ma'e rehe nehe, iapo re pepytu'u pà nehe. Peruzar Tupàn ze'eg nehe, peiko hemiruze'eg romo nehe. Nezewe mehe umunàn putar penemiapo kwer ikatu 'ym ma'e a'e nehe, izuwi heharaz pà nehe. Nuzepyk kwaw penehe nehe.

2 Coríntios 2:16

Inem ma'e puruzuka ma'e ài zaiko tatahu pe oho ma'e ràm wanupe. (Aze teko nuzeruzar kwaw Zezuz rehe wà nehe, oho putar tatahu pe wà nehe. A'e rupi zawaiw katu Tupàn ze'eg imume'u haw ihewe.) Mo upuner imukatu haw rehe a'e. Mo henu har upuner tatahu pe waho àwàm imume'u haw rehe a'e.

Deuteronômio 2:30

Tuwihawete Xeom nuwahaw kar kwaw uiwy zanewe. Ta'e Tupàn Tuweharupi Wiko Ma'e Zanezar umuàtà Xeom ipy'a a'e xe. Nuweruzar kar kwaw uze'eg izupe. Uzapo nezewe haw a'e, ta'e ipureityk kar wer tuwihawete Xeom rehe zanewe a'e xe. Ipurupyhyk kar wer iziwy zanewe no. Te kutàri zaiko a'e ywy izar romo.

Deuteronômio 29:3

Pexak hemiapo kwer ma'eahy wyzàizài no. Pexak hemiapo kwer ma'e temixak pixik 'ym no. Pexak hemiapo kwer purumupytuhegatu kar haw no.

Deuteronômio 29:4

Te ko 'ar rehe Tupàn Tuweharupi Wiko Ma'e nuexak kar kwaw a'e ma'e paw peme. Nuenu kar kwaw a'e ma'e paw peme. Nukwaw katu kar kwaw a'e ma'e paw peme.

Deuteronômio 31:20

Araha putar heremiaihu a'e ywy rehe ihe wà nehe. Ikatu a'e. Umuezuz katu ma'e no. Amume'u a'e ywy waipy wanupe. Uhyk putar ma'e paw a'e pe wanupe nehe, a'e wanupe. Wiko putar hemetarer katu ma'e romo a'e pe wà nehe, a'e wanupe. A'e mehe hereityk putar wà nehe, amo tupàn wamuwete pà wà nehe. Nezewe mehe uzuhaw putar ze'egaw wanehe we heremiapo katu kwer wà nehe.

Deuteronômio 32:15

Teko Tupàn hemixak kwer wiko hemetarer katu ma'e romo wà. Nezewe rehe we uzàmàtyry'ym Tupàn wà. Hemetarer katu wà. Waneko haw ikatu. Hurywete wà no. Nezewe rehe we weityk wapo arer Tupàn wà. Upuir uzehe uzekaiw ma'e omonokatu har wi wà. Weityk upyro har wà.