Isaías 59:11 - Tupàn zeꞌeg

¹¹ Zakororo zàwàruhu uruxu her ma'e imukuhem kar pyrer ài zane. Zanekuhem pykahu ài no. Xiàro zanepyro àwàm. Iàrew tuwe a'e. Xiputar zanepytywà àwàm. Muite hekon zanewi a'e.

Isaías 59:11 ပူးပေါင်းရင်းမြစ်များ

Salmos 119:150

Teko iaiw ma'e herehe ipuruàmàtyry'ym wer ma'e uhem waiko heruwake wà. Teko neze'eg heruzar pixik 'ymar romo wanekon wà.

Salmos 119:155

Nerepyro kwaw ikatu 'ym ma'e ma'erahy wi ne wà, Ta'e nuzekaiw kwaw neze'eg rehe wà xe.

Salmos 38:8

Nazawy kwaw umàno etea'i ma'e ihe. Azemumikahy no. Hepy'a uzemumikahy. Hekuhekuhem herahy haw wi no.

Salmos 55:2

Ezeapyaka katu herehe nehe. Ewazar heze'eg nehe. Ma'erahy heremipuraraw nahemupytu'u kar kwaw a'e.

Salmos 85:9

Azeharomoete aze teko ukyze izuwi wà, aze umuwete katu wà, Tupàn ipurupyro wer a'e teko wanehe a'e. Nezewe mehe heko haw purupyro ma'e upyta putar zaneywy rehe nehe.

Isaías 38:14

Hekuhema'i wiriri ài. Hekuhem pyku'i ài. Hereha ikene'o, ta'e amumaw 'ar tetea'u ywak rehe heme'e pà heker 'ym pà ihe xe. O hezar, apuraraw ma'erahy tekoko ihe. Hepyro pe nehe, a'e izupe.

Isaías 51:20

Ko 'ar rehe nepupe har iàkàzym uma'uhez tà wà. U'ar nahu rupi pe za'akaw rehe wà. Nuzawy kwaw àràpuhàràn hehaite ma'e uzepyhykaw rehe har wà. U'ar a'e wà, ta'e Tupàn Tuweharupi Wiko Ma'e wikwahy wanupe a'e xe, ta'e izepyk wer wanehe a'e no xe.

Isaías 59:14

Urumunyryk kar ikatu haw urezewi. Ikatu ma'e iapo haw uruityk. Ze'eg azeharomoete har uzepyapi oho iko tuwihaw wanenataromo. Imunar 'ymaw temu'em 'ymaw nuhem pixik kwaw tuwihaw wanenataromo.

Isaías 59:8

Napekwaw kwaw pe zeàmàtyry'ym 'ymaw piar. Penemiapo paw upuraraw kar ikatu 'ymaw purupe. Peho wer pe ikatu 'ym ma'e rupi. A'e rupi naheta kwaw pepyro àwàm nehe.

Isaías 59:9

Tupàn nazanepyro kwaw a'e rihi, ta'e xiapo ikatu 'ym ma'e zaiko zane xe. A'e rupi iàrew zanepytywà àwàm iko. Xikar tatainy. Xo pytunaw zo xixak. Xikar ma'e hexak katu haw. Zaiko we pytunaw rehe zane rihi.

Jeremias 8:15

Xiàro zeàmàtyry'ym 'ymaw zane. Nur kwaw ikatu ma'e. Xo purumukyzeahy kar haw zo ur zanewe.

Jeremias 9:1

Aze mo heàkàg nuzawy iwer yzygwar, ikatu mo ihewe. Nezewe mehe hereha nuzawy iwer mo tehaykwer tetea'u imuhem kar haw. Nezewe mehe apuner mo hezai'o tetea'u haw rehe, 'aromo, pyhaw, heànàm izuka pyrer wanehe.

Lamentações de Jeremias 3:17

Nakwaw kwaw zeàmàtyry'ymaw heta 'ymaw ihe kury. Hereharaz turywete haw wi no.

Ezequiel 7:16

Pykahu ywyàpyznaw pe har oho ywytyruhu pe ikatu 'ymaw wi uhem pà wà. Amo teko uzàn putar ywytyruhu pe nezewegatete wà nehe. Paw rupi ikuhem putar wemiapo kwer ikatu 'ym ma'e rehe wà nehe.

Oséias 7:14

Wenoz mua'u ma'e ihewe wà. Ihewe uze'eg mehe uzemomor mua'u ywy rehe wà. Heiheihem tupàn a'ua'u wamuwete har wazàwe wà. Arozràn henoz mehe win henoz mehe uzekixikixi amo ae ywy rehe har wazàwe wà. A'e paw naheputar kwaw uzar romo wà.

Naum 2:7

Zauxiapekwer weraha wazar tupàn ua'u kuzà hagapaw a'e wi wà kury. Ixaxeto kuzà oho haikweromo uzai'o pà wà. Ikuhem pykahu ài wà. Ukwar upuxi'a rehe uzemumikahy haw hexak kar pà wà.

Naum 2:8

Teko Nin pe har uzàn a'e wi wà. Nuzawy kwaw 'y ypaw iapo pyrer wi uhem ma'e kwer wà. — Pepytu'u, pepytu'u, amo i'iahy purupe. Ni amo nupytu'u kwaw uzàwehem ire wà.