Isaías 57:4 - Tupàn zeꞌeg

⁴ Mo rehe pepuka peiko. Mo rehe peze'eg urywahyahy peiko penuwarurywete mua'u pà. Ikatu 'ym ma'e iapo har romo peiko. Peiko hemu'em ma'e romo.

Isaías 57:4 ပူးပေါင်းရင်းမြစ်များ

2 Crônicas 36:16

Teko upuka Tupàn ze'eg imume'u har wanehe wà. Nuzekaiw kwaw waze'eg rehe wà. Uze'eg urywahyahy wanupe wà. Iahykaw rehe Tupàn wikwahy tuwe wemiaihu wanupe kury. A'e rupi naheta kwaw wapyro haw.

Salmos 22:13

Zàwàruhu iriàw ài uzurupeka wà. Okororo hekutyr opor pà wà.

Salmos 22:17

Amo upuner hekàgwer paw wapapar haw rehe wà. Heàmàtyry'ymar ume'e herehe wà. Hekàg 'ymaw umurywete kar a'e wà xe.

Salmos 22:7

Teko herexakar paw uze'eg urywahyahy herehe wà. Uwapeku wexak kar ihewe uwàkàg heruwaruwak pà hemaranugar haw imume'u pà ihewe wà.

Salmos 35:21

— Uzapo ikatu 'ym ma'e a'e, i'i mua'u tuwihaw wanenataromo herehe uhapukaz tà wà. — Uruexak ikatu 'ym ma'e neremiapo kwer ure, i'i mua'u wà.

Salmos 69:12

Uze'eg herehe nahu rupi wà. Uka'u ma'e uzapo ze'eg puràg herehe har wà. Umume'u umyrypar wanupe herehe upuka pà wà.

Êxodo 9:17

Nerepytu'u kwaw ikàg ma'e ài nereko wer ire. Neremuhem kar kwaw ne wà rihi.

Isaías 1:4

Kwa, iaiw a'e teko ikatu 'ym ma'e wà. Tynehem wemiapo kwer ikatu 'ym ma'e pupe wà. Iaiw upaw rupi wà. Iaiw ma'e iapo haw ikatu wanupe upaw rupi. Utyryk Tupàn Tuweharupi Wiko Ma'e wi wà. Weityk Tupàn Ikatuahy Ma'e Izaew wazar wà. Weruwak ukupe kwer izupe wà.

Isaías 10:15

Aipo itazy ikàg wera'u uzar wi a'e ywyra imonohokar wi a'e. Aipo ywyrakixi haw ukixi ywyra uzar ipo pe wiko 'ym mehe. Aipo ywyra upuner awa hupir haw rehe. Nan.

Isaías 30:1

Tupàn Tuweharupi Wiko Ma'e uze'eg nezewe. — Pepuhareko hera'yr heàmàtyry'ymar pe wà nehe, herazyr heàmàtyry'ymar pe wà nehe no. Nuze'eg kwaw ihewe ma'e iapo 'ym mehe wà. Uzapokatu uze'egaw amo wanehe we herehe upuranu 'ym pà wà. A'e ma'e iapo mehe omono'ono'og wemiapo kwer ikatu 'ym ma'e wanereko amo wemiapo kwer ikatu 'ym ma'e i'aromo wà.

Isaías 30:9

Wiko Tupàn heruzar 'ymar romo wà. Hemu'em ma'e romo wanekon wà. Na'ipurenu wer kwaw Tupàn Tuweharupi Wiko Ma'e ize'eg rehe wà.

Isaías 37:23

Mo rehe ereze'eg zemueteahy. Mo rehe ereze'eg urywahyahy. Herehe ereze'eg nezewe. Aiko Tupàn Ikatuahy Ma'e Izaew wazar romo ihe.

Isaías 37:29

Akwaw newe hekatu 'ymaw. Akwaw nereko wera'u haw no. Amono putar iapu'a ma'e nexi rehe nehe. Amono putar amo nemupytu'u kar haw nezuru pupe nehe. Urumuzewyr kar putar pe nezur awer rupi ihe nehe, i'i Tupàn, ere Xenakeriw pe nehe, i'i Izai Ezeki pe.

Isaías 48:8

Akwaw penehe hezeruzar 'ymaw ihe. Akwaw hereruzar har 'ym tuweharupi har romo peneko haw no. A'e rupi napeinu pixik kwaw ko ma'e. Napekwaw kwaw ma'e wazeapo àwàm.

Isaías 57:5

Pepyta ywyra i'àgaw iwy pe. A'e pe pezemono iaiw ma'e iapo haw pe. Peker kuzàwyzài wapuhe tupàn a'ua'u wamurywete kar pà. — Nezewe mehe umuezuz kar zaneremi'u ràm wà nehe, peze pezeupe. — Nezewe mehe zanemupurumuzàg kar putar wà nehe no, peze pezeupe. Itakwaruhu yrykaw huwake har pupe pezuka pena'yr tupàn a'ua'u wamuwete pà pe wà.

Jeremias 20:8

Tuweharupi heze'eg mehe ahapukaz ze'eg imume'u pà ihe. — Puruzuka haw, a'e wanupe. — Ma'e imumaw paw, a'e wanupe. O Tupàn Tuweharupi Wiko Ma'e, aiko ikàg 'ym ma'e romo wanupe. Uze'eg uryweteahy herehe tuweharupi wà. Ta'e amume'u neze'eg wanupe ihe xe.

Ezequiel 2:4

Nahereruzar kwaw wà. Nuzeruze'eg kwaw herehe wà no. Ihe Tupàn Tuweharupi Wiko Ma'e wazar ihe, hepurumume'u wer amo ma'e rehe wanupe. Oromono kar wanupe ihe kury. Emume'u heze'eg wanupe nehe.

Oséias 10:9

Tupàn Tuweharupi Wiko Ma'e uze'eg nezewe. — Izaew Zimea ywy rehe wiko mehe, ràgypy uzapo ikatu 'ym ma'e a'e wà. A'e 'ar mehe arer we Izaew nupytu'u kwaw iapo re wà. A'e rupi zeàmàtyry'ym àwàm uhem putar Izaew Zimea pe har wanupe nehe.

Números 16:11

Àràw kutyr peze'egahy mehe peze'egahy peiko Tuweharupi Wiko Ma'e kutyr. Pezàmàtyry'ym Tupàn Tuweharupi Wiko Ma'e peiko.

Mateus 13:38

Ko ywy nuzawy kwaw ko a'e. Tupàn hemiruze'eg wiko aroz hà'yzgwer ài a'e wà. Zurupari hemiruze'eg wiko ka'akyr hà'yzgwer ài a'e wà no.

Mateus 27:29

Na'e uzapo xu iàkàg rehe har romo izupe wà kury, tuwihaw àkàg rehe har ài wà. Omono iàkàg rehe wà. Omono ywyra ipo pe wà no, ipo iawyze har rehe har pe wà. Uzeamumew mua'u henataromo wà, hehe uze'eg uryw ahyahy pà wà. — Tuwe Zutew wanuwihaw kwehe hekon nehe, i'i mua'u izupe wà.

Lucas 10:16

Na'e uze'eg wi wemimu'e wanupe kury. — Aze amo uzeapyaka katu peze'eg rehe a'e wà nehe, heze'eg rehe uzeapyaka ma'e romo wanekon a'e wà nehe no. Aze amo nuzekaiw kwaw peze'eg rehe a'e wà nehe, herehe uzekaiw 'ym ma'e romo wanekon a'e wà nehe no. Aze amo nuzekaiw kwaw herehe a'e wà nehe, hemur kar har rehe uzekaiw 'ym ma'e romo wanekon a'e wà nehe no.

Atos 9:4

U'ar Xawru ywy rehe kury. Wenu amo ize'eg mehe. — Xawru, Xawru, màràzàwe tuwe erepuraraw kar ma'erahy ihewe, i'i izupe.

Efésios 5:6

Aze awa hemu'em peme nehe, — Pezapo agwer ma'e nehe, ta'e Tupàn nuzepyk kwaw penehe nehe xe, aze i'i peme nehe, pezekaiw zo hehe nehe. Aze teko uzapo agwer ikatu 'ym ma'e wà nehe, Tupàn uzepyk putar tuwe wanehe nehe. Ta'e nuzeruzar kwaw ize'eg rehe wà xe.

Colossences 3:6

Tupàn uzepyk putar agwer ma'e iapo arer wanehe nehe, ta'e nuweruzar kwaw ize'eg a'e wà xe.

Josué 10:21

Zauxiapekwer Izaew paw uzewyr upytu'u haw Makena pe har pe wà, umàno 'ym pà wà. Ni amo teko nuze'eg zemueteahy kwaw Izaew wanehe wà kury.

2 Pedro 2:13

A'e awa upuraraw kar ma'erahy waiko uzeruzar ma'e wanupe wà. A'e rupi Tupàn upuraraw kar putar ma'erahy wanupe nehe no. Uzapo ikatu 'ym ma'e wemiapo putar haw tuweharupi wà, te 'aromo teko wanuwa rupi wà. Hurywete iapo mehe wà. Tuweharupi pezapo mai'u haw Zezuz imàno awer rehe pema'enukwaw pà. Pemai'u mehe a'e upurumu'e ma'e uzapo ikatu 'ym ma'e wà pepyr wà no. Aze zanekamir izipiw nehe, na'ikatu kwaw zanewe nehe. Nezewegatete a'e upurumu'e ma'e na'ikatu kwaw Tupàn pe wà no, ta'e uzapo ikatu 'ym ma'e pepyr wiko mehe wà xe.