Isaías 57:21 - Tupàn zeꞌeg

²¹ Naheta kwaw wapyro àwàm a'e ikatu 'ym ma'e wanupe nehe. I'i Tupàn hezar kwez a'e kury.

Isaías 57:21 ပူးပေါင်းရင်းမြစ်များ

2 Reis 9:22

— Aipo erezur hemyrypar romo ne, i'i izupe. Uwazar Zeu ize'eg izupe. — Nazapuner kwaw zanemyryparypar romo zanereko haw rehe. Ta'e erezapo kar wiwi iaiw ma'e paze ma'e wanupe ne xe. Eremuwete katu wiwi tupàn a'ua'u ne wà xe. Nehy Zezamew uzypyrog a'e tupàn a'ua'u wamuwete haw ko ywy rehe a'e, i'i Zeu Zoràw pe.

Isaías 3:11

Tuwe ikatu 'ym ma'e uzemumikahy wà nehe. Waneko haw na'ikatu kwaw nehe. Uzapo ikatu 'ym ma'e amogwer wanupe wà. Nezewegatete amogwer uzapo putar ikatu 'ym ma'e wanupe wà nehe no.

Isaías 48:22

Nezewe uze'eg Tupàn Tuweharupi Wiko Ma'e ikatu 'ym ma'e 'ar nànàn iapo har wanupe. — Naheta kwaw pepyro àwàm peme nehe, i'i Tupàn.

Isaías 49:4

Ihe aze'eg hezeupe ihe. — Ama'ereko tetea'u ihe. Nezewe rehe we Izaew nuzewyr kwaw Tupàn pe wà. Heremiapo kwer paw nahekuzar kwaw, a'e hezeupe. Nezewe rehe we akwaw Tupàn Tuweharupi Wiko Ma'e ihewe hekuzar imur àwàm ihe. Umekuzar putar hema'ereko awer a'e nehe.

Isaías 59:8

Napekwaw kwaw pe zeàmàtyry'ym 'ymaw piar. Penemiapo paw upuraraw kar ikatu 'ymaw purupe. Peho wer pe ikatu 'ym ma'e rupi. A'e rupi naheta kwaw pepyro àwàm nehe.

Ezequiel 13:16

— Oho katu zanereko haw, i'i mua'u heze'eg imume'u har Zeruzarez pe wà. Azeharomoete noho katu kwaw. Imume'u har nuzawy kwaw pàrirogawtàtà ipyw ma'e imuhymar wà. Ihe Tupàn Tuweharupi Wiko Ma'e aze'eg kwez kury.