Isaías 57:1 - Tupàn zeꞌeg

¹ Teko ikatu ma'e umàno wà. Ni amo nuzekaiw kwaw wamàno haw rehe wà. Ikatu ma'e ukàzym wà. Ni amo nuexak kwaw waho haw wà. Ikatu 'ymaw nupuner kwaw ikatu 'ym ma'e iapo haw rehe wanupe.

Isaías 57:1 ပူးပေါင်းရင်းမြစ်များ

1 Reis 14:13

Teko Izaew paw uzai'o putar hehe wà nehe. Uzutym putar hetekwer wà nehe. Xo ta'yr zo, xo a'e Zeromoàw iànàm zo, xo a'e zo utym putar wà nehe. Ta'e xo a'e zo ikatu Tupàn Tuweharupi Wiko Ma'e Izaew wazar pe a'e xe. Amogwer Zeromoàw iànàm iro izupe wà.

2 Reis 22:20

A'e rupi xo nemàno re zo azepyk putar Zeruzarez rehe ihe nehe. Erepuner nemàno haw rehe katu haw rehe nehe, i'i Tupàn newe, i'i Una a'e awa wanupe. Na'e umume'u a'e awa a'e ze'eg oho tuwihawete pe wà kury.

2 Crônicas 32:33

Ezeki umàno a'e. Uzutym hetekwer tuwihawete Tawi izuapyapyr watym awer i'aromo har pupe wà. Imàno mehe Zuta ywy rehe har wà, Zeruzarez pe har wà no, uzapo ikatu haw imume'u haw wà. Ta'yr Manaxe wiko tuwihawete romo hekuzaromo.

2 Crônicas 34:28

A'e rupi xo nemàno re zo azepyk putar Zeruzarez rehe nehe, ipupe har wanehe nehe. Urumumàno kar putar zeàmàtyry'ym 'ymaw rehe nehe, i'i Tupàn iko tuwihawete pe, i'i Tupàn ze'eg imume'u har wanupe. Na'e a'e awa weraha a'e ze'eg tuwihawete pe wà kury.

2 Crônicas 35:24

Tuwihaw wenuhem tuwihawete izywyramawa wi wà, amo izywyramawa pupe imono pà wà, Zeruzarez pe heraha pà wà. Umàno Zuzi a'e pe. Uzutym hetekwer tuwihawete watym awer pe wà. Teko Zuta ywy rehe har paw wà, Zeruzarez pe har paw wà no, uzai'o imàno awer rehe wà.

Salmos 12:1

Urepyro pe nehe, o Tupàn Tuweharupi Wiko Ma'e. Ta'e naheta kwaw teko imunar 'ym ma'e hemu'em 'ym ma'e wà xe. Teko nerehe uzeruzar ma'e ukàzym ywy wi wà.

Salmos 37:37

Eme'egatu ikatu ma'e wanehe nehe. Eme'e imunar 'ym ma'e hemu'em 'ym ma'e wanehe nehe. Heta wazuapyapyr zeàmàtyry'ym 'ymaw iamutar har wanupe wà. Erexak putar waneta haw nehe.

Isaías 42:25

A'e rupi uzakook wekwahy haw zanerehe. Uzepyk zanerehe zeàmàtyry'ymawhu herur pà zanewe. Ikwahy haw ukaz tata ài ureiwyr. Nezewe rehe we ni amo nuzekaiw kwaw hehe wà. Ni amo zanerehe we har nuzemu'e kwaw ma'e rehe wà. Nukwaw kwaw ma'e wà.

Isaías 47:11

A'e rupi iaiw paw u'ar putar penehe a'e nehe kury. Tekwe ikatu 'ym ma'e wanupe peze'egaw napepyro kwaw a'e iaiw haw wi nehe. Pemumaw pàwàm uhem iko. Napepuner kwaw izuwi pehemaw rehe nehe. Uhua'u putar a'e iaiw haw nehe. Napepuner kwaw hehe pema'enukwaw paw rehe nehe. — Nur kwaw nehe, peze putar amo 'ar mehe nehe. A'e 'ar mehe uhem putar nehe.

Isaías 47:7

— Uruiko ywy nànànar wanuwihawete kuzà romo tuweharupi ure nehe, peze pezeupe. Napezekaiw kwaw uzeapo ma'e a'e 'ar rehe arer rehe. Napema'enukwaw kwaw pemumaw pàwàm rehe.

Isaías 57:11

Pekyze tuwe a'e tupàn a'ua'u wanuwi. Mo romo wanekon wà. Màràzàwe tuwe penemu'em ihewe. Màràzàwe tuwe peneharaz tuwe ihewi. Amumaw kwarahy tetea'u heze'eg 'ym pà. Aipo a'e rupi peneharaz ihewi. Aipo a'e rupi napekyze kwaw ihewi.

Jeremias 18:11

A'e rupi, Zeremi, emume'u ko ma'e Zuta ywy rehe har wanupe nehe, Zeruzarez pe har wanupe nehe no. — Tupàn uzapo putar ikatu 'ym ma'e peme a'e nehe. Uzemuàgà'ym penehe uzepyk pà a'e nehe no. Pepytu'u ikatu 'ym ma'e iapo re nehe. Peiko ikatu ma'e romo nehe, ere wanupe nehe, i'i Tupàn ihewe.

Jeremias 22:10

Teko Zuta ywy rehe har wà, Pezai'o zo tuwihawete Zuzi rehe nehe. Pezemumikahy zo imàno awer rehe nehe. Pezai'oahy ta'yr Zeoakaz rehe nehe. Weraha putar xe wi wà no. Nuzewyr pixik kwaw xe nehe. Nuexak pixik kwaw ywy uzexak kar awer nehe.

Ezequiel 21:3

— Ihe Tupàn Tuweharupi Wiko Ma'e amume'u ko ma'e teko peme kury. — Aiko peàmàtyry'ymar romo ihe. Anuhem putar hetakihepuku ihe nehe. Azuka putar teko paw ihe wà nehe, ikatu ma'e ihe wà nehe, ikatu 'ym ma'e ihe wà nehe no.

Miquéias 7:2

Naheta kwaw ni pitài teko imunar 'ym ma'e hemu'em 'ym ma'e ko ywy rehe wà. Naheta kwaw ni pitài Tupàn heruzar har wà. A'e paw uzeagaw amogwer wazuka pà wà. Pitàitàigatu uzeagaw wapihar zemunehew paw pupe imunehew kar pà wà.

Malaquias 2:2

Aze naperuzar kwaw heze'eg nehe, aze nahemuwete katu kwaw pe nehe, amu'ar kar putar heze'egaiw penehe nehe. Heze'egaiw u'ar putar pema'e pema'ereko haw hekuzar ràm nànàn nehe. Amono heze'egaiw kwez penehe kury. Ta'e napepurumuwete wer kwaw herehe pe xe.

Números 23:10

Zako izuapyapyr nuzawy kwaw ywy ku'i kwer wà. Heta tetea'u wà. Ni amo nupuner kwaw wapapar haw rehe wà. Aze mo aiko Tupàn hemiaihu romo a'e teko wainuinuromo hemàno mehe, A'e mehe mo ikatu mo ihewe. Hereko katu wer teko imunar 'ym ma'e wazàwe ihe, i'i Màrààw.