Isaías 56:2 - Tupàn zeꞌeg

² Ze'eg mytu'u haw 'ar rehe har heruzar har hurywete putar wà nehe. Hurywete putar ikatu 'ym ma'e iapo 'ymar wà no.

Isaías 56:2 ပူးပေါင်းရင်းမြစ်များ

Neemias 13:17

Na'e aze'egahy Zutew wanuwihaw wanupe kury. — Pexak penemiapo ikatu 'ym ma'e nehe. Pemuaiw mytu'u haw 'ar peiko.

Salmos 106:3

Hurywete teko wà, aze wiko tuwe ikatu 'ym ma'e iapo 'ymar romo wà. Hurywete ikatu ma'e tuweharupi iapo har wà.

Salmos 112:1

Azeharomoete. Pemume'u Tupàn Tuweharupi Wiko Ma'e ikatu haw nehe. Hurywete Tupàn wi ukyze ma'e wà. Aze Tupàn ze'eg heruzar haw ikatu amo teko wanupe, hurywete a'e teko wà.

Salmos 119:101

Nata kwaw pe ikatu 'ymaw piar rupi ihe, Ta'e hepureruzar wer neze'eg rehe ihe xe.

Salmos 128:1

Hurywete Tupàn Tuweharupi Wiko Ma'e wi ukyze ma'e a'e, Hemimutar rupi wiko ma'e a'e.

Salmos 34:14

Petyryk ikatu 'ym ma'e wi nehe. Pezapo ikatu ma'e peho peiko nehe. Pekar zeàmàtyry'ym 'ymaw rehe peneko àwàm nehe. Pezapo ma'e paw katu haw hexak pà nehe.

Salmos 37:27

Etyryk katu 'ymaw wi nehe. Xo ikatu ma'e zo ezapo nehe. Nezewe mehe ereiko putar ywy imume'u pyrer rehe tuweharupi nehe.

Êxodo 20:10

7 haw 'ar pemonokatu ihewe mytu'u haw 'ar romo nehe, ta'e aiko Tupàn pezar romo ihe xe. A'e 'ar mehe pema'ereko zo nehe. Ni pe, ni pena'yr wà, ni penazyr wà, ni peme uma'ereko e ma'e awa wà, ni peme uma'ereko e ma'e kuzà wà, ni peneimaw wà, ni amo ae ywy rehe har peinuromo wiko ma'e wà. Pemuma'ereko kar zo a'e 'ar mehe pe wà nehe.

Êxodo 20:8

Pema'enukwaw katu mytu'u haw 'ar rehe nehe. Pemonokatu ihewe nehe.

Provérbios 14:16

Ma'e kwaw par uzekaiw weko haw rehe ikatu 'ymaw wi utyryk pà. Ma'e kwaw par 'ym nuzekaiw kwaw weko haw rehe. Uzapo e ma'e uma'enukwaw 'ym pà.

Provérbios 16:17

Teko imunar 'ym ma'e uhem pe ikatu 'ym ma'e wi wà. Wemiapo rehe uzekaiw ma'e uzepyro umàno haw wi.

Provérbios 16:6

Tupàn umunàn ikatu ma'e uzeruzar katu ma'e wanemiapo kwer a'e. Tupàn Tuweharupi Wiko Ma'e wi ukyze ma'e uhem putar ikatu 'ymaw wi wà nehe.

Provérbios 4:13

Tuweharupi nema'enukwaw ma'e rehe nezemu'e haw rehe nehe. Ikatu haw rehe neata haw uzeapo nereko haw romo. Emonokatu nehe. Eityk zo nehe.

Provérbios 4:27

Etyryk ikatu 'ymaw wi nehe. Tuweharupi eata nerenataromo nehe. Epia pixik zo nehe. Ehem zo pe ikatu ma'e wi nehe.

Eclesiastes 7:18

Eiko a'e ma'e wamyter pe nehe. Aze erekyze Tupàn wi nehe, neremiapo ràm paw ikatu putar nehe. Nereko haw ikatu putar nehe.

Isaías 56:4

Tupàn Tuweharupi Wiko Ma'e uze'eg nezewe a'e awa wanupe a'e. — Peruzar heze'eg mytu'u haw 'ar rehe har nehe. Pezapo hemurywete kar haw nehe. Pezuhaw zo heze'egaw nehe.

Isaías 56:6

Tupàn Tuweharupi Wiko Ma'e uze'eg nezewe amo ywy rehe har Tupàn Tuweharupi Wiko Ma'e imuwete har wanupe, iamutar katu har wanupe, hemiapo putar haw tuweharupi iapo har wanupe. — Aze peruzar ze'eg mytu'u haw 'ar rehe har nehe, aze napezuhaw kwaw heze'egaw nehe,

Isaías 58:13

Uze'eg Tupàn Tuweharupi Wiko Ma'e nezewe a'e. — Peruzar ze'eg mytu'u haw 'ar rehe har nehe. Napeme'eg kwaw ma'e 'ar ihewe imonokatu pyrer rehe nehe. Napeme'eg kar kwaw ma'e a'e 'ar rehe nehe. Tuwe mytu'u haw 'ar uzeapo mynykaw 'ar ài peme nehe. Tuwe upyta 'ar Tupàn Tuweharupi Wiko Ma'e pe imonokatu pyr romo peme nehe. Pemuawate a'e 'ar nehe. Pepytu'u pema'ereko 'ym pà nehe. Peme'eg zo ma'e a'e 'ar rehe nehe. Peze'eze'eg e zo a'e 'ar mehe nehe.

Ezequiel 20:12

Ureze'egaw urezehezehe iapo katu pyrer hexak kar haw romo azapo kar amo ma'e wanupe. — Pepytu'u 7 haw 'ar nànàn nehe, a'e wanupe. — Pema'enukwaw ko ma'e rehe nehe no. Ihe Tupàn Tuweharupi Wiko Ma'e apumunyryk amo wanuwi hezeupe pemonokatu pà ihe, a'e wanupe.

Ezequiel 20:20

Pemonokatu mytu'u haw 'ar ihewe nehe. Nezewe mehe pexak kar putar ze'egaw zaneremiapo katu kwer nehe. Mytu'u haw 'ar pemuma'enukwaw kar putar Tupàn Tuweharupi Wiko Ma'e pezar romo herekuwe haw rehe nehe.

Levítico 19:30

Pepytu'u mytu'u haw 'ar mehe nehe. Ta'e 'ar ihewe imonokatu pyr romo a'e xe. Pezeruze'eg hemuwete haw rehe nehe. Aiko Tupàn Tuweharupi Wiko Ma'e romo.

Lucas 11:28

— Hurywete wera'u Tupàn ze'eg henu har a'e wà, heruzar har a'e wà, i'i Zezuz izupe, kuzà pe. — Ezapo ma'e Tupàn ikàgaw hexak kar pà urewe, i'i teko Zezuz pe wà.

Lucas 12:43

Aze uzapo a'e ma'e nehe, uzar ma'e rehe uzekaiw katu pà nehe, hurywete putar uzar tur mehe nehe.

João 13:17

Pekwaw ko ze'eg azeharomoete har kury. Aze peruzar nehe, penurywete putar tuwe nehe.

Romanos 12:9

Pepuruamutar tuwe nehe. Pezapo zo ikatu 'ym ma'e nehe. Tuwe ikatu 'ym ma'e iro peme nehe. Xo ikatuahy ma'e zo pezapo tuwe nehe.

Apocalipse 22:14

— Aze teko upuez ukamir nehe, xigatu putar ikamir nehe. Hurywete putar a'e teko a'e wà nehe. Ta'e upuner ma'ywa purumugweraw kar ma'e i'u haw rehe wà nehe xe. Upuner oho haw rehe tawhu uken rupi wà nehe no xe.