Isaías 54:2 - Tupàn zeꞌeg

² Emuhua'u neràpuzràn nehe. Ezapo nereko haw uhua'u wera'u ma'e romo nehe. Nerekyty'ym zo iapo mehe nehe. Emupukua'u kar neràpuzràn ihàm nehe, emonoete kar izyta nehe no.

Isaías 54:2 ပူးပေါင်းရင်းမြစ်များ

Gênesis 26:22

Uhem Izak a'e wi. Uzapo amo 'yzygwar. A'e ywy rehe har nur kwaw waàmàtyry'ym pà wà kury. A'e rupi Izak omono amo her a'e 'yzygwar pe kury. — Zanewe ywy heta tete haw, i'i izupe. — Tupàn Tuweharupi Wiko Ma'e umur ywy tetea'u zanewe kury, zanereko àwàm romo kury. A'e rupi zaiko katu putar xe zane nehe, i'i wemiaihu wanupe.

Êxodo 35:18

tàpuzràn izyta, ihàm no, izywyr katu haw izyta no, ihàm no,

Êxodo 39:40

Weraha pànuhu tàpuz izywyr ikatu haw pe har izupe wà no, wa'yw wà no, wapy wà no. Weraha pànuhu tàpuz izywyr ikatu haw ukenaw rehe har izupe wà, ihàm wanehe we wà no. Weraha tàpuzràn i'yw wà, ma'e ipupe àràm paw wà no.

Isaías 26:15

Ne Tupàn Tuweharupi Wiko Ma'e, uremueta tetea'u wera'u pe ne. Eremuhua'u wera'u ureywy no. A'e rupi teko ukwaw nekàgaw wà kury.

Isaías 33:20

Pexak Xiàw tawhu zanepynykawhu iapo awer nehe. Zeruzarez uzeapo putar tawhu ikàg ma'e romo nehe. Zauxiapekwer nuixe pixik kwaw ipupe wà nehe. Pema'enukwaw amo tàpuzràn ikàg ma'e rehe nehe. Teko nupuner kwaw imunyrykaw rehe henaw wi wà. Zeruzarez nuzawy kwaw a'e tàpuzràn nehe. Teko no'ok kwaw izyta wà nehe. Teko nomonohok kwaw ihàm wà nehe.

Jeremias 10:20

Umumaw putar ureràpuzràn wà nehe. Ureràpuzràn ihàm ohok a'e. Urera'yr uhem oho wà. Paw rupi oho xe wi wà. Nupyta kwaw teko ureràpuzràn imupu'àm wi àràm wà. Naheta kwaw amo pànuhu imuzaiko àràm wà no, i'i wà.

Miquéias 7:11

Teko Zeruzarez pe har wà. Uhem tawhu pàrirogaw iapo katu wi haw 'ar iko kury. Uhem zaneiwy zaw imunyrykaw 'ar iko no. Ximuhua'u wera'u zaneiwy nehe kury.