Isaías 50:9 - Tupàn zeꞌeg

⁹ Zanezar Tupàn Tuweharupi Wiko Ma'e hepytywà hepyro pà heàmàtyry'ymar wanuwi. A'e rupi ni amo nupuner kwaw herehe uzepykaw rehe wà nehe. Heàmàtyry'ymar paw ukàzym putar wà nehe. Nuzawy kwaw topoz ykyzu wanemi'u kwer wanemimumaw kwer a'e wà.

Isaías 50:9 ပူးပေါင်းရင်းမြစ်များ

Jó 13:19

Ni amo nupuner kwaw ma'e imume'u haw rehe tuwihaw wanenataromo herenataromo wà, aze i'i Tupàn ihewe nehe, A'e mehe apytu'u putar heze'eg ire nehe, hemàno pà nehe.

Jó 13:28

Nezewe mehe apaw aha iteko ywyra kupi'i hereko har ài. Nazawy kwaw kamir yhok tetea'u wanemi'u kwer no.

Salmos 102:26

Ywy a'e nehe, ywak a'e nehe no, upaw putar a'e wà nehe. Ne nerepaw pixik kwaw nehe. Ywy ywak izemàner putar kamir ài wà nehe. Aze kamir owok, xityk. Nezewegatete ereityk putar ywy ywak ne wà nehe no.

Salmos 39:11

Eremume'u ureremiapo kwer ikatu 'ym ma'e urewe. Nezewe erezepyk urerehe, ureremiapo kwer ikatu 'ym ma'e hekuzaromo. Ereiko pànàmiràn ài ne, ureremiamutar katu pe ne. Eremumaw a'e ma'e urewi. Azeharomoete teko wiko pytuhemaw ài wà.

Salmos 54:6

O Tupàn Tuweharupi Wiko Ma'e. Azuka kar putar ma'ea'yr neruwa rupi ihe wà nehe, ta'e heporomono wer wanehe newe ihe xe. Amume'u putar nekatu haw nehe, ta'e nekatuahy ne xe.

Isaías 41:10

Pekyze zo nehe ta'e aiko pepyr ihe xe. Pekyze wera'u zo nehe, ta'e aiko pezar romo ihe xe. Amono hekàgaw peme pepytywà pà. Apupyro ikatu 'ymaw wi hepo ikàg ma'e pupe.

Isaías 54:17

Ni amo puruzuka haw nupuner kwaw nereitykaw rehe wà. Aze amo oho tuwihaw wanenataromo neremiapo kwer ikatu 'ym ma'e imume'u pà nehe, tuwihaw numume'u kwaw nerehe uzepyk àwàm wà nehe. Azapo agwer ma'e heremiruze'eg wanupe ihe: Amono waàmàtyry'ymar waneitykaw wanupe ihe. Tupàn Tuweharupi Wiko Ma'e uze'eg kwez kury.

Tiago 5:2

Penemetarer upaw putar pewi nehe. Pema'e penemi'u ipuga putar nehe no. Ykyzu u'u putar pekamir pewi wà nehe no.