Isaías 50:3 - Tupàn zeꞌeg

³ Apuner ywak imupihunaw rehe. Apuner kamirpuku umàno ma'e kwer itymaw rehe har imunehew kar pà izupe, i'i Tupàn.

Isaías 50:3 ပူးပေါင်းရင်းမြစ်များ

Êxodo 10:21

Uze'eg wi Tupàn Tuweharupi Wiko Ma'e Moizez pe. — Epyho nepo Ezit ywy kutyr kury. Nezewe mehe ipytunahy putar nehe kury. Ipytunahy putar azeharomoete nehe, i'i izupe.

Isaías 13:10

Zahytata paw upytu'u putar weny katu re wà nehe. Uhem ire na'arewahy kwarahy ipihun putar nehe. Zahy upytu'u weny katu re a'e nehe no.

Isaías 8:22

A'e re ume'e putar ywy rehe wà nehe no. Xo ma'erahy ipuraraw paw zo wexak putar wà nehe. Xo ipytunahy haw zo wexak putar wà nehe. Xo zemumikahy haw zo wexak putar wà nehe. Nupuner kwaw a'e iaiw paw wi uhemaw rehe wà nehe.

Jeremias 4:28

Ywy uzai'o putar nehe. Ywak ipihun putar nehe no. Ta'e Tupàn uze'eg a'e xe. Numume'u kwaw amo ae wemiapo ràm nehe. Umume'u a'e ma'e. Nuzewyr kwaw izuwi nehe.

Mateus 27:45

Kwarahy wapytepe hin mehe. Na'e ipytunahy kury. Ywy rehe ipytunahy paw rupi kury. Ipytunahy te karuk etea'u mehe.

Apocalipse 6:12

Na'e Àràpuhàràna'yr zàwenugar wexak kar amo pape pehegwer ihewe kury. 6 haw ma'erexak kar haw a'e pehegwer her romo a'e. Na'e ywy uryryryryz tuwe a'e kury. Kwarahy uwew a'e no. Ipytunahy pàn ipihun ma'e ài. Zahy ipiràg ma'eruwy kwer ài paw rupi a'e no.