Isaías 5:9 - Tupàn zeꞌeg

⁹ Aenu Tupàn Tuweharupi Wiko Ma'e Ikàg Wera'u Ma'e ize'eg mehe. — Aityk putar tàpuzuhu uhua'u ma'e ihe wà nehe. Aityk putar tàpuzuhu ipuràg eteahy ma'e ihe wà nehe no. Ni amo nuiko kwaw wapupe wà nehe.

Isaías 5:9 ပူးပေါင်းရင်းမြစ်များ

2 Crônicas 36:21

A'e 'ym mehe Tupàn Tuweharupi Wiko Ma'e umume'u uzeapo ma'e ràm uze'eg imume'u har Zeremi pe a'e. — Ko ywy umumaw putar 70 kwarahy iaiw ma'e romo nehe. A'e kwarahy nànàn ko ywy upytu'u putar mytu'u haw 'ar nànàn nehe, i'i Tupàn Zeremi pe. Uzeapo ma'e ize'eg rupi katete.

Jó 15:28

A'e awa ikatu 'ym ma'e weityk tawhu tetea'u wà. Upyhyk teko uzàn ma'e kwer wanàpuz gwer wà no. A'e tawhu wà, a'e tàpuz wà no, Uzeapo putar ma'e heityk pyrer romo wà nehe.

Jó 20:21

Tuweharupi hemetarer wera'u oho iko, aze upuner. Nezewe rehe we hemetarer upaw putar izuwi nehe.

Provérbios 15:27

Aze amo uzeagaw hemetarer katu ma'e romo wiko pà a'e, ma'e rehe imunar pà a'e, omono wànàm zawaiw paw rehe a'e. Aze amo na'iakatuwawahy kwaw tuwihaw hemu'emaw ime'eg kar haw rehe a'e nehe, a'e teko umumaw wera'u putar kwarahy wiko pà nehe.

Isaías 22:14

Tupàn Tuweharupi Wiko Ma'e Ikàg Wera'u Ma'e uzexak kar ihewe uze'eg pà. — Nahereharaz kwaw a'e wanemiapo kwer ikatu 'ym ma'e wi ihe nehe, upaw rupi umàno putar wà nehe. Namunàn kwaw wanemiapo kwer wanuwi wamàno 'ym mehe nehe. Ihe teko wazar ihe, Tupàn Ikàg Wera'u Ma'e ihe, amume'u ko ze'eg kwez ihe kury, i'i Tupàn.

Isaías 27:10

Tawhu pàrirogawaiha pupe imim pyrer, uzeapo teko heta 'ymaw romo kury. Ni amo nuiko kwaw a'e pe wà kury. Nuzawy kwaw ywyxiguhu. Uzeapo tapi'ak wamai'u haw romo. Ma'ea'yr u'u ka'api'i a'e pe upytu'u pà wà.

Isaías 5:6

Kukwer romo uzeapo putar nehe. Ni amo nomonohok kwaw hàkà ikatu 'ym ma'e wà nehe. Ni amo nuweruwaruwak kwaw ywy wà nehe. Ka'a hezuz putar a'e pe xu rehe we nehe. Aze'eg putar ywàkun pe nehe. — Emugyr kar zo àmàn heko rehe nehe, a'e putar izupe nehe.

Amós 3:7

Aipo pezar Tupàn Tuweharupi Wiko Ma'e uzapo amo ma'e a'e ma'e hexak kar 'ym pà wemiruze'eg wanupe uze'eg imume'u har wanupe.

Amós 5:11

Pemunar hemetarer 'ym ma'e wama'e rehe. Arozràn ipo'o mehe pepyhyk e wanemi'u ràm pehegwer uhua'u ma'e arozràn izar wanuwi. A'e rupi napeiko kwaw tàpuzuhu hekuzar katu ma'e penemiapo kwer pupe nehe. Pezutym uwà tetea'u. Puràg eteahy kury. Nape'u kwaw uwà a'e ko pe har nehe.

Amós 6:11

Ta'e Tupàn Tuweharupi Wiko Ma'e uzapo kar putar ma'e a'e nehe xe. Na'e teko weityk putar tàpuz paw wamumaw pà wà nehe. Umumaw putar tàpuzuhu wà nehe. Umumaw putar tàpuz pixika'i wà nehe no.

Mateus 22:7

Wikwahy tuwe tuwihaw kury, wazuka awer henu re kury. Omono kar zauxiapekwer a'e pe a'e teko wazuka pà a'e wà, waneko haw hapy pà wanuwi wà.

Mateus 23:38

A'e rupi iaiw putar tuwe peneko haw nehe kury.

Tiago 5:4

Napemekuzar kwaw peko pe uma'ereko ma'e pe wà. A'e rupi uze'eg zemueteahy waiko penehe wà kury. Peko pe ma'e 'a kwer ipo'o har wà, uze'eg waiko Tupàn pe wà. — O Tupàn. Urezar upuraraw kar ma'erahy waiko urewe a'e wà. Ezepyk wanehe nehe. Ta'e numur kwaw urema'ereko awer hekuzar urewe a'e wà xe, i'i waiko Tupàn pe wà.