Isaías 49:14 - Tupàn zeꞌeg

¹⁴ Teko Xiàw ywytyr rehe har uze'eg nezewe wà. — Tupàn Tuweharupi Wiko Ma'e upuir zanewi a'e. Heharaz zanewi a'e, i'i wà.

Isaías 49:14 ပူးပေါင်းရင်းမြစ်များ

Salmos 13:1

O Tupàn Tuweharupi Wiko Ma'e, nereharaz hewi ne. Màràn mehe nema'enukwaw wi putar herehe nehe. Aipo nanema'enukwaw pixik kwaw herehe nehe. Màràn 'ar eremumaw putar neruwa ihewi ipyk pà nehe.

Salmos 22:1

Tupàn hezar, Tupàn hezar. Màràzàwe tuwe eretyryk ihewi ne. Màràzàwe tuwe erepyta muite ihewi ne. Màràzàwe tuwe naherenu kwaw pe hepytywà àwàm henoz mehe ne, newe herehapukaz mehe ne.

Salmos 31:22

Akyze ihe. — Hemono kar uzewi a'e, a'e hezeupe. Herenu herehapukaz mehe a'e. — Hepytywà pe nehe, a'e izupe. Wenu heze'eg mehe.

Isaías 40:27

Teko Izaew izuapyapyr wà: màràzàwe tuwe peze'eg pezemumikahy haw rupi. — Tupàn Tuweharupi Wiko Ma'e nuzekaiw kwaw zanerehe, peze peiko. — Tupàn Tuweharupi Wiko Ma'e nume'e kwaw zanereko haw rehe, peze peiko. Màràzàwe tuwe peze'eg nezewe.

Isaías 49:13

Pezegar nehe, ywak. Penurywete nehe, ywy. Ywytyr wà, penehapukaz penurywete haw rupi nehe, ta'e Tupàn Tuweharupi Wiko Ma'e umurywete kar wemiaihu wà xe. Upuhareko ma'erahy ipuraraw par wà no.

Isaías 49:15

Tupàn Tuweharupi Wiko Ma'e uwazar waze'eg wanupe. — Aipo kuzà upuner umemyr wi heharaz haw rehe. Aipo upuner umemyr iamutar katu re upytu'u haw rehe. Aze mo agwer ma'e uzeapo, nezewe rehe we nahereharaz pixik kwaw pewi ihe nehe.

Isaías 54:6

Aze awa upuir wemireko wi, a'e hemireko kwer uzemumikahy a'e. Nezewegatete erezemumikahy ne no, Zeruzarez tawhu. Tupàn Tuweharupi Wiko Ma'e nerenoz nerereko nemuzewyr kar pà a'e. Nezar uze'eg nezewe. — Aipo amo awa upuner wemireko imono kar pà uzewi a'e, aze wereko a'e kuzà ukwàkwàmo mehe a'e.

Jeremias 23:39

Azeharomoete apyhyk putar ihe wà nehe. Aityk putar muite hezewi nehe. Kwehe mehe amumaw waipy ihe wà. Amumaw putar tawhu wanupe heremimono kwer ihe nehe no.

Jeremias 31:3

azexak kar wanupe ihe. Teko Izaew izuapyapyr wà, tuweharupi apuamutar katu ihe. Apuamutar katu putar ihe nehe no. Tuweharupi aexak kar peamutar katu haw peme ihe.

Lamentações de Jeremias 5:20

Màràzàwe tuwe eremumaw kwarahy tetea'u urerehe nezekaiw 'ym pà. Aipo nema'enukwaw wi putar urerehe nehe.

Ezequiel 33:10

Tupàn Tuweharupi Wiko Ma'e uze'eg ihewe: — Awa ta'yr, Izaew umume'u ma'e oho waiko wà. Emume'u wi waze'eg wanupe nehe. — Zaneremiapo kwer ikatu 'ym ma'e a'e, zanekatu 'ymaw a'e no, ipuhuz katu zanewe wà. A'e rupi zapaw etea'i. Ma'e xiapo putar zanezepyro kar putar zanemàno haw wi nehe.