Isaías 45:9 - Tupàn zeꞌeg

⁹ Ywy'a nuzàmàtyry'ym kwaw wapo arer a'e. — Ma'e erezapo iko, ni'i kwaw ywy umuapu'apu'a har pe. — Nerekwaw kwaw nema'ereko haw, ni'i kwaw izupe.

Isaías 45:9 ပူးပေါင်းရင်းမြစ်များ

Jó 10:9

Nema'enukwaw ko ma'e rehe nehe. Heapo pe ywyzuwa ima'ema'e pà. Aipo ywy imuku'i pyrer romo hemuigo kar wi putar pe nehe no.

Jó 33:13

Màràzàwe tuwe eremume'u ikatu 'ym ma'e Tupàn hemiapo kwer. — Tupàn nuzekaiw kwaw zanerehe a'e, aze ximume'u ikatu 'ym ma'e izeapo awer izupe zane, ere wanupe. Màràzàwe tuwe ereze'eg nezewe.

Jó 40:2

Izo, aiko Tupàn upuner wera'u ma'e romo ihe. Nezewe rehe we heàmàtyry'ym pe ne. Aipo erepytu'u putar nehe. Aipo erewazar putar heze'eg ihewe nehe.

Jó 9:12

Aze Tupàn ipurupyhyk wer amo ma'e rehe nehe, Mo upuner ipyro haw rehe izuwi nehe. — Ma'e erezapo iko, ni'i kwaw amo izupe wà, ta'e upuner wera'u wanuwi a'e xe.

Jó 9:4

Ohoete ima'e kwaw katu haw 'yryhu ài. Ipuner haw uhua'u a'e no. Mo upuner iàmàtyry'ymaw rehe wà. Mo upuner heitykaw rehe wà.

Provérbios 21:30

Tupàn Tuweharupi Wiko Ma'e a'e, ikàg wera'u ma'ekwaw katu haw wi a'e, ma'e kwaw paw wi a'e no.

Eclesiastes 6:10

Ma'e ko ywy rehe uzeapo ma'e ràm paw uzekwaw kwehe mehe a'e. Amo teko izexak kar 'ym mehe we, amo umume'u heko àwàm a'e wà. Xikwaw ko ma'e zane. Nazapuner kwaw zaneze'eg tetea'u haw rehe zanewi ikàg wera'u ma'e wanupe.

Isaías 10:15

Aipo itazy ikàg wera'u uzar wi a'e ywyra imonohokar wi a'e. Aipo ywyrakixi haw ukixi ywyra uzar ipo pe wiko 'ym mehe. Aipo ywyra upuner awa hupir haw rehe. Nan.

Isaías 29:16

Pemono ikatu 'ym ma'e ikatu ma'e hekuzaromo. Aipo ywyzuwa ikatu wera'u ima'ema'e har zapepo iapo har wi. Zapepo nuze'eg kwaw nezewe wapo arer pe. — Naheapo kwaw pe ne, ni'i kwaw. — Nerekwaw kwaw ma'e iapo haw, ni'i kwaw ywy'a wapo arer pe.

Isaías 45:10

Kwarer nuze'eg kwaw nezewe u pe uhy pe. — Màràzàwe tuwe hemur kar pe ko ywy rehe, ni'i kwaw wanupe.

Isaías 64:7

Naheta kwaw newe uze'eg ma'e wà. Ni amo nuekar kwaw upytywà àwàm nerehe wà. Erezeàmim urewi. Erepuir urewi, ta'e uruzapo ikatu 'ym ma'e tetea'u ure xe.

Isaías 64:8

Nezewe rehe we, o Tupàn Tuweharupi Wiko Ma'e, ereiko ureru romo ne. Uruiko ywyzuwa romo. Ereiko ywyzuwa ima'ema'e har romo ywy'a iapo har romo. Ureapo pe upaw rupi ne.

Jeremias 18:6

— Y'a iapo har uma'ema'e ywyzuwa y'a ikatu 'ym ma'e rehe arer y'a ikatu ma'e iapo pà a'e. Aipo napuner kwaw nezewe haw iapo haw ihe no. Y'a iapo har upyhyk ywyzuwa opo pe. Nezewegatete apupyhyk hepo pe no. Ihe Tupàn Tuweharupi Wiko Ma'e aiko ko ma'e imume'u har romo ihe.

Jeremias 36:29

— Emume'u ko ma'e tuwihawete pe kury. — Tuwihawete Zeoaki, ereapy a'e pape nezehe nepuranu pà. — Mawiron wanuwihawete ur putar ko ywy imumaw pà a'e nehe. Uzuka putar teko hehe har wà nehe no. Uzuka putar ma'ea'yr hehe we har wà nehe no, i'i Zeremi a'e ze'eg pape rehe imuapyk pà. Màràzàwe tuwe uze'eg nezewe, ere nezeupe.

Jeremias 50:24

Ne Mawiron ere'ar hepuruzuka haw pupe ikwaw 'ym pà ne. Nepyhyk nemumaw pà wà, ta'e heàmàtyry'ym pe ne xe.

Daniel 4:35

Teko nuzawy kwaw heityk pyrer izupe wà. Wiko weko haw pe har paw wanuwihawete romo. Wiko ywy nànànar wanuwihawete romo no. Naheta kwaw wemimutar iapo re imupytu'u kar har wà. Ni amo nupuner kwaw hemiapo imume'u kar haw rehe izupe wà, a'e izupe.

1 Coríntios 10:22

Aze erezapo nezewe haw nehe, Tupàn hewyrowyroahy putar a'e nehe, wikwahy putar a'e nehe. Nanekàg wera'u kwaw izuwi. Uzepyk putar tuwe nerehe nehe.