Isaías 45:5 - Tupàn zeꞌeg

⁵ Xo ihe zo aiko Tupàn Tuweharupi Wiko Ma'e romo ihe. Naheta kwaw amo tupàn wà. Nahekwaw kwaw pe ne. Nezewe rehe we amono hekàgaw newe. A'e rupi erepuner neàmàtyry'ymar waneitykaw rehe.

Isaías 45:5 ပူးပေါင်းရင်းမြစ်များ

1 Reis 8:60

Nezewe mehe ywy nànànar ukwaw ma'e paw wazar romo heko haw a'e wà nehe. Naheta kwaw amo.

Esdras 1:2

— Ihe Xiru Pezi ywy rehe har wanuwihawete ihe, amume'u ko ma'e ihe. Tupàn Tuweharupi Wiko Ma'e ywak rehe har hemuigo kar ywy nànànar wanuwihawete romo a'e. — Ezapo kar heràpuzuhu Zeruzarez tawhu pe har Zuta ywy rehe har ihewe nehe, i'i ihewe.

Jó 12:18

Tupàn o'ok tuwihawete wanenaw wi a'e wà, Wamono pà zemunehew paw pe wà.

Jó 12:21

Nuwereko katu kwaw tuwihaw wà. Umumaw wapuner haw upuner ma'e wanuwi no.

Salmos 18:31

Tupàn Tuweharupi Wiko Ma'e wiko zanezar romo a'e. Naheta kwaw amo. Xo Tupàn zo wiko zanepyro har romo.

Salmos 18:32

A'e ae hemukàg kar har romo hekon a'e. Hemunyryk kar ikatu 'ymaw wi wyzài ywy rehe heho mehe.

Salmos 18:33

Hemuata katu kar hemu'ar kar 'ym pà a'e. Hemonokatu ywytyr rehe no.

Salmos 18:39

Eremur nekàgaw ihewe waàmàtyry'ym mehe ne. Eremur waneitykaw ihewe no.

Salmos 86:10

Ta'e nehua'u ne xe. Nekàg no. Xo ne zo ereiko Tupàn romo.

Êxodo 9:14

Aze neremuhem kar kwaw ne wà nehe, amu'ar kar putar iaiw ma'e nerehe nehe, tuwihaw nerehe we har wanehe nehe no, teko neremiaihu wanehe nehe no. Nezewe mehe erekwaw putar hekàgaw nehe. Naheta kwaw ikàg ma'e hezàwenugar ywy rehe wà.

Isaías 22:21

Amunehew kar putar tuwihaw kamir izupe nehe. Amono putar neku'aw har izupe nehe. Amono putar nepuner haw paw izupe nehe. Eriaki wiko putar Zeruzarez tawhu pe har wanu ài nehe, Zuta ywy rehe har wanu ài nehe no.

Isaías 37:20

O Tupàn Tuweharupi Wiko Ma'e urezar. Urepyro pe Axir wanuwi nehe kury. Nezewe mehe teko ywy nànànar ukwaw putar Tupàn Tuweharupi Wiko Ma'e romo nereko haw wà nehe, i'i izupe.

Isaías 43:10

Tupàn Tuweharupi Wiko Ma'e uze'eg. — Izaew wà, peiko putar heremiapo kwer imume'u har romo nehe. Peiko heremiruze'eg heremixamixak kwer romo. Azekwaw kar peme. Apumuzeruzar kar hezehe ihe. Xo pitài Tupànete zo heta. Aiko Tupànete romo ihe. Pekwaw hereko haw. Naheta kwaw tupàn herenataromo har wà. Naheta kwaw amo tupàn heraikweromo har wà nehe no.

Isaías 44:6

Tupàn Tuweharupi Wiko Ma'e Izaew wanuwihawete, Izaew wapyro har Tupàn Ikàg Wera'u Ma'e uze'eg a'e. — Izypy mehe arer romo aiko ihe. Iahykaw rehe àràm romo aiko ihe no. Xo ihe zo aiko Tupàn romo. Naheta kwaw amo.

Isaías 44:8

Heremiaihu wà, pekyze zo nehe. Pekyze wera'u zo nehe. Izypy mehe arer we amume'u uzeapo ma'e ràm paw peme. Pekwaw heremimume'u kwer. Aipo heta amo tupàn ikàg ma'e hezàwenugar. Nan. Naheta kwaw amo purehe uzekaiw ma'e. Nakwaw kwaw ni pitài ihe.

Isaías 45:1

Tupàn Tuweharupi Wiko Ma'e umuigo kar Xiru tuwihawete romo a'e. Upyhyk ipo awyze har rehe. Omono ukàgaw izupe. A'e rupi upuner ywy tetea'u rehe har wapyhykaw rehe. Upuner tuwihawete waneitykaw rehe no. Tupàn Tuweharupi Wiko Ma'e uwàpytymawok tawhu hukenaw a'e. A'e rupi Xiru upuner tawhu pupe wixe haw rehe. Ni amo nupuner kwaw iwàpytym wi haw rehe wà nehe. Tupàn Tuweharupi Wiko Ma'e uze'eg nezewe Xiru pe:

Isaías 45:6

Azapo nezewe haw ihe. Nezewe mehe teko ywy nànànar wà, ywy kwarahy hemaw rehe har wà, ywy kwarahy heixe haw rehe har wà no, upaw rupi ukwaw Tupàn romo hereko haw wà. Ukwaw amo tupàn heta 'ymaw wà no. Xo ihe zo aiko Tupàn Tuweharupi Wiko Ma'e romo ihe.

Isaías 46:9

Pema'enukwaw ma'e kwehe mehe uzeapo ma'e kwer rehe nehe. Xo ihe zutyka'i aiko Tupàn romo ihe. Pekwaw hereko haw. Naheta kwaw amo hezàwenugar.

Isaías 47:8

Pezamutar katu ikatu 'ym ma'e iapo haw. — Ni amo nuzepyk kwaw zanerehe wà nehe, peze pezeupe. — Naheta kwaw amo upuner ma'e zanezàwenugar a'e wà, peze pezeupe. — Naheta kwaw zanezàwenugar wà. Nazaiko pixik kwaw kuzà imen umàno ma'e kwer ài nehe. Ni pitài zanera'yr numàno kwaw wà nehe, peze pezeupe. Pezeapyaka katu heze'eg rehe nehe kury.

Ezequiel 30:24

Na'e amukàg putar Mawiron wanuwihawete izywa nehe. Amono putar hetakihepuku ipo pe nehe. Nezewe rehe we azuhaw putar Ezit wanuwihawete izywa nehe. Ikuhem putar nehe. Umàno putar wàmàtyry'ymar henataromo nehe.

Joel 2:27

Pekwaw putar penehe we hereko haw nehe. Pekwaw putar Tupàn Tuweharupi Wiko Ma'e pezar romo hereko haw nehe no. Pekwaw putar amo ae tupàn heta 'ymaw nehe no. Heremiaihu na'imaranugar wi pixik kwaw wà nehe, i'i Tupàn.

João 1:1

Ywy iapo 'ym mehe we Zaneruwihawete wiko a'e. — Tupàn ze'eg, za'e izupe, ta'e ukwaw kar Tupàn (zaneru) ima'enukwaw paw zanewe a'e xe. Tupàn zaneru ipyr hekon izypy mehe a'e, (ta'e nur kwaw ywy rehe a'e rihi xe). Tupàn romo hekon a'e no.

Deuteronômio 32:39

Pe paw rupi nehe, pekwaw ko ma'e nehe. Xo ihe zo aiko Tupàn romo ihe. Naheta kwaw amo tupàn wà. Apuruzuka ihe. Apurumuigo kar ihe no. Apurukutuk no. Apurumukatu no. Aze hepurapo wer amo ma'e rehe nehe, ni amo nupuner kwaw hemupytu'u kar haw rehe iapo re wà nehe.

Deuteronômio 4:35

Tupàn wexak kar a'e ma'e paw a'e, Tupàn Tuweharupi Wiko Ma'e pezar romo heko haw ikwaw kar pà peme a'e. Naheta kwaw amo tupàn. Xo a'e zo.

Deuteronômio 4:39

Pekwaw ko ma'e kury. Peneharaz zo izuwi nehe. Xo Tupàn Tuweharupi Wiko Ma'e wiko Tupàn Zanezar romo a'e, ywate, xe ywy rehe no. Naheta kwaw amo tupàn.