Isaías 45:4 - Tupàn zeꞌeg

⁴ Urenoz tekoko ihe. — Epytywà Izaew ne wà nehe, a'e newe. Teko heremixamixak kwer romo wanekon a'e wà. Nahekwaw kwaw pe ne. Nezewe rehe we tuwihawete teko wanemimuwete romo urumuigo kar ihe.

Isaías 45:4 ပူးပေါင်းရင်းမြစ်များ

Salmos 136:22

Omono a'e ywy a'e, wemiruze'eg Izaew izuapyapyr wanupe a'e. Ipuruamutar katu haw nupaw pixik kwaw nehe.

Isaías 43:1

Teko Izaew wà, ko 'ar rehe Tupàn peapo arer uze'eg nezewe kury. — Pekyze zo nehe, ta'e apupyro putar ihe nehe xe. Apuenoz pener rupi ihe. Peiko heremiruze'eg romo.

Isaías 43:14

Tupàn Tuweharupi Wiko Ma'e Izaew wazar Ikatuahy Ma'e purupyro ma'e a'e, uze'eg teko wanupe a'e. — Apuamutar katu ihe. A'e rupi amono kar putar zauxiapekwer tetea'u Mawiron ikutyr ihe wà nehe. Upyro putar Mawiron tawhu wanuwi wà nehe. — Urywete haw rehe Mawiron wanehapukaz taw uzeapo putar uzemumikahy haw rehe wazai'o haw romo nehe.

Isaías 44:1

Tupàn Tuweharupi Wiko Ma'e uze'eg kury. — Pezeapyaka katu nehe, Izaew wà. Peiko heremiruze'eg romo. Apuexaexak ihe.

Isaías 44:28

Ihe aze'eg tuwihawete Xiru pe. — Ereiko putar tuwihawete herer rehe nehe. Erezapo putar heremiapo putar haw nehe. Erezapo wi kar putar Zeruzarez tawhu nehe, Izaew wanupe nehe. Eremono kar putar tàpuzuhu wy pe har teko wanupe nehe no, a'e izupe.

Mateus 24:22

Nan kwehe tete upuraraw putar wà nehe. Na'arewahy ma'erahy ipuraraw paw upaw putar wanuwi a'e nehe. Ta'e Tupàn umumaw putar a'e nehe xe. Aze mo numumaw iwer, umàno mo teko paw rupi katete a'e wà. Umumaw putar ma'erahy ipuraraw paw a'e nehe, ta'e upuhareko putar wemiruze'eg wemixamixak kwer a'e wà nehe xe.

Marcos 13:20

Tupàn umupytu'u kar putar a'e ma'erahy a'e nehe. Aze mo numupytu'u kar iwer, teko paw ukàzym mo wà. Umupytu'u kar putar a'e ma'erahy kwer a'e nehe, ta'e upuhareko katu wemixamixak kwer a'e wà xe.

Atos 17:23

Taw rupi peneko haw rupi heata mehe aexak tupàn a'ua'u wanenaw kwez ihe. Aexak amo ze'eg tupàn a'ua'u henaw rehe imuapyk pyrer ihe no. Nezewe i'i a'e ze'eg. — Aze heta amo Tupàn zaneremigwaw 'ym a'e nehe, tuwe hekon xe a'e nehe, i'i a'e ze'eg, — Azeharomoete heta Tupàn penemigwaw 'ym a'e. Pemuwete katu peiko ikwaw 'ym pà pe. A'e Tupàn amume'u putar peme ihe nehe kury.

Romanos 11:7

Izaew izuapyapyr a'e wà, uzeagaw zepe uzemuawyze kar pà Tupàn pe wà. Nuzemuawyze kwaw wà. Tupàn wexaexak amo ae teko a'e wà. A'e zutew 'ym a'e wà, hexaexak pyrer a'e wà, uzemuawyze Tupàn pe a'e wà. Naheta tetea'u kwaw wà.

Romanos 9:6

— Tupàn nuzapo kwaw wemimume'u kwer a'e nehe, na'e kwaw izupe. Ta'e amo Izaew izuapyapyr nuiko kwaw Tupàn hemixamixak kwer romo a'e wà xe.

Efésios 2:12

A'e 'ar rehe naperuzar kwaw Zaneruwihawete ze'eg. Amo ae ywy rehe har ài peiko. Uiwy rehe wiko 'ym ma'e ài peiko. Napeiko kwaw Tupàn hemiruze'eg romo. Kwehe mehe Tupàn umume'u tuwe ma'e wemiruze'eg wanupe a'e, zutew wanupe a'e. Numume'u kwaw a'e ma'e peipy wanupe. A'e rupi peipy nuàro kwaw upyro àwàm a'e wà. Nuàro kwaw Tupàn pyr oho àwàm wà. Napeàro kwaw pe no. Napemuwete kwaw Tupàn peiko.