Isaías 43:3 - Tupàn zeꞌeg

³ Ta'e aiko Tupàn Tuweharupi Wiko Ma'e pezar romo ihe xe. Aiko Izaew wazar Ikatuahy Ma'e romo. Aiko pepyro har romo. Amono na'iruz ywy penekuzaromo: Exio, Ezit, Xema. Nezewe mehe peiko hema'e romo. Aiko pezar romo.

Isaías 43:3 ပူးပေါင်းရင်းမြစ်များ

Gênesis 10:7

Na'aw Kuxi ta'yr waner xe wà kury: Xewa, Awira, Xawita, Hama, Xateka. Na'aw Hama ta'yr waner wà: Xama, Nenà.

Salmos 72:10

Tuwihawete Epàn ywy rehe har umur putar ma'e izupe wà nehe. Yrypypo'o rehe har nezewegatete wà no. Tuwihawete Araw ywy rehe har wà nehe no, tuwihawete Exio rehe har wà nehe no, umur putar ma'e izupe wà nehe no.

Êxodo 10:7

Tuwihaw Parao rehe we har upuranu hehe a'e wà kury. — Màràn 'ar a'e awa umumaw putar ikatu 'ym ma'e zanewe iapo haw rehe upuner ma'e romo wiko pà a'e nehe. Emuhem kar a'e teko xe wi ne wà nehe ty. Tuwe umuwete katu uzar Tupàn Tuweharupi Wiko Ma'e a'e wà nehe. Umuaiw Ezit a'e. Aipo nerekwaw kwaw hemiapo kwer. Aipo nerexak kwaw imuaiw pawer, i'i izupe wà.

Êxodo 20:2

— Aiko Tupàn Tuweharupi Wiko Ma'e pezar romo ihe. Apuerur Ezit ywy wi ihe. Peiko uma'ereko e ma'e romo a'e ywy rehe har wanupe. Apupyro wanuwi.

Provérbios 11:8

Awa imunar 'ym ma'e uhem zemumikahy haw wi. Ikatu 'ym ma'e upyhyk a'e zemumikahy haw hekuzaromo a'e.

Provérbios 21:18

Teko imunar 'ym ma'e uzepyro ma'e wi ukyze katu haw wi wà. Ikatu 'ym ma'e upuraraw ma'erahy wanekuzaromo wà.

Isaías 19:20

Uzapo putar a'e ma'e Tupàn Tuweharupi Wiko Ma'e Ikàg Wera'u Ma'e Ezit ywy rehe heko haw hexak kar pà purupe wà nehe. Aze amo uzàmàtyry'ym Ezit oho wà nehe, aze Ezit wenoz upyro àwàm Tupàn Tuweharupi Wiko Ma'e pe wà nehe, Tupàn omono kar putar wapyro àràm wanupe nehe. Omono kar putar wapytywà har wanupe wà nehe no. Upyro putar wàmàtyry'ymar wanuwi wà nehe.

Isaías 20:3

Aenoz tawhu heityk ire Tupàn Tuweharupi Wiko Ma'e uze'eg nezewe kury. — Heremiruze'eg Izai umumaw na'iruz kwarahy ukamir 'ym pà uxapat 'ym pà a'e. Wexak kar Ezit pe Exio pe uzeapo ma'e ràm purupe nezewe.

Isaías 30:11

— Peho xe wi urewi ty wà, i'i ahyahy wanupe wà. Pepytu'u ureputupyk ire kury ty wà. Pepytu'u Tupàn Ikatuahy Ma'e Izaew wazar rehe peze'eg ire kury, i'i wanupe wà.

Isaías 41:14

Tupàn Tuweharupi Wiko Ma'e uze'eg wemiaihu wanupe. — Napeneta tetea'u kwaw. Napekàg kwaw. Nezewe rehe we pekyze zo nehe, ta'e ihe Tupàn Izaew wazar Ikatuahy Ma'e ihe xe, aiko pepyro har romo ihe xe. Apupyro putar ikatu 'ymaw wi nehe.

Isaías 42:8

Aiko Tupàn Tuweharupi Wiko Ma'e romo ihe. Tupàn Tuweharupi Wiko Ma'e herer romo ihe. Tuwe teko hemuwete katu wà nehe, amo imuwete 'ym pà nehe. Namuwete katu kar kwaw tupàn a'ua'u wanagaw paw teko wanupe ihe. Xo ihe zo aiko wanemimuwete katu romo ihe, i'i Tupàn.

Isaías 43:11

Xo ihe zo Tupàn Tuweharupi Wiko Ma'e romo aiko ihe. Xo ihe zo apuner pepyro haw rehe.

Isaías 45:14

Uze'eg Tupàn Tuweharupi Wiko Ma'e wemiaihu Izaew wanupe kury. — Pepyhyk putar Ezit ywy rehe har wanemetarer nehe. Pepyhyk putar Exio ywy rehe har wanemetarer nehe no. Pepyhyk putar Xewa rehe har wanemetarer nehe no. Iaiha katu Xewa rehe har wà. Peityk putar pe wà nehe. Wiko putar peme uma'ereko e ma'e romo wà nehe. Pezàpixipixi putar kyhàhàm tàtà pupe pe wà nehe, wamuata kar pà penaikwerupi pe wà nehe. Wapyk putar upenàràg rehe penenataromo wà nehe. Uze'eg putar peme ikàg 'ym ma'e romo wà nehe. — Tupàn wiko penehe we a'e. Naheta kwaw amo. Xo a'e zo.

Isaías 45:15

Tupàn Izaew wazar a'e, wemiaihu wapyro har a'e, uzeàmim teko wanuwi a'e.

Isaías 45:21

Peze'eg na'arewahy nehe. Pemume'u penemiapo kwer. Peze'eg pezeupeupe nehe, aze peze'eg wer nehe. Mo umume'u ma'e uzeapo ma'e ràm kwehe mehe wà. Ihe Tupàn Tuweharupi Wiko Ma'e amume'u ihe. Naheta kwaw amo tupàn. Tupàn pitài romo aiko. Wemiaihu wanuwi utyryk 'ym ma'e romo aiko. Wemiaihu wapyro har romo aiko.

Isaías 49:26

A'u kar putar wo'o kwer peàmàtyry'ymar wanupe nehe. A'u kar putar uwykwer wanupe win ài nehe no. Nezewe mehe teko paw ukwaw putar ihe Tupàn Tuweharupi Wiko Ma'e romo hereko haw wà nehe. Pepyro har romo hereko haw ukwaw putar wà nehe no. Ihe Izaew wazar upuner ma'e ihe, aiko penekuzar imono har romo. Ukwaw putar hereko haw wà nehe no.

Isaías 60:16

Amo ae ywy rehe har a'e wà nehe, wanuwihawete a'e wà nehe no, uzekaiw putar nerehe a'e wà nehe. Wiko putar kuzà umemyr pe ukamy imono har ài newe wà nehe. Nezewe mehe erekwaw putar Tupàn Tuweharupi Wiko Ma'e nepyro har romo hereko haw nehe. Erekwaw putar Izaew wazar Upuner Ma'e nemekuzar har romo hereko haw nehe no.

Isaías 63:8

Tupàn Tuweharupi Wiko Ma'e uze'eg kury. — Wiko heremiaihu romo wà. Hera'yr ikatu 'ym ma'e ihewe iapo pixik 'ym àràm romo wanekon wà, i'i.

Jeremias 14:8

Xo nerehe zo Izaew uzeruzar wà. Ereiko urepyro har romo urereko haw zawaiw katu mehe. Màràzàwe tuwe ereiko amo ae ywy rehe har ài ureywy rehe. Màràzàwe tuwe ereiko wata ma'e ài pitài haw uker ma'e ài.

Jeremias 16:21

Uze'eg Tupàn ihewe kury. — A'e rupi akwaw kar putar hekàgaw wanupe ihe nehe, hepuner haw wanupe ihe nehe no. Ukwaw putar tuweharupi wà nehe. Nupytu'u kwaw ikwaw ire wà nehe. Tupàn Tuweharupi Wiko Ma'e herer romo ihe. Ukwaw putar herer wà nehe, i'i Tupàn.

Ezequiel 39:7

Akwaw kar putar herer ikatuahy ma'e heremiaihu Izaew wanupe nehe. Teko nuze'eg zemueteahy pixik kwaw herer rehe wà nehe. Ihe Tupàn Tuweharupi Wiko Ma'e ihe aiko Izaew wazar ikatuahy ma'e romo ihe. Teko ywy nànànar ukwaw putar herekuwe haw wà nehe.

Oséias 13:4

Tupàn Tuweharupi Wiko Ma'e uze'eg nezewe. — Ihe Tupàn Tuweharupi Wiko Ma'e ihe, aiko pezar romo ihe. Ezit ywy wi penerur arer 'ar mehe arer we aiko pezar romo ihe. Xo ihe zo hekwaw pe. Napekwaw kwaw amo. Xo ihe zo apupyro ihe. Ni amo napepyro kwaw wà.

Levítico 11:44

Aiko Tupàn Tuweharupi Wiko Ma'e romo ihe. Pezemonokatu ihewe no. Aiko pezar romo ihe. Hereruzar katu pe nehe. Ta'e aiko ikatuahy ma'e romo ihe xe. Peiko zo ikatu 'ym ma'e romo wyzài ma'ea'yr ywy rehe upuze ma'e i'u pà nehe.

Amós 9:7

Tupàn Tuweharupi Wiko Ma'e uze'eg nezewe kury. — Teko Izaew wà, azamutar katu teko Exio ywy rehe har ihe wà. Apuamutar katu ihe no. Wamutar katu haw nuzawy kwaw peamutar katu haw. Apuerur Ezit ywy wi ihe. Nezewegatete arur Piri ywy rehe har Kereta yrypypo'o wi ihe wà no. Arur Aram izuapyapyr Kir ywy wi ihe wà no.

Zacarias 9:9

Penurywete nehe, teko Xiàw rehe har wà. Zeruzarez pe har wà, pezegar penurywete haw rehe nehe. Ta'e penuwihawete uhem wà iko kury xe. Ukàgaw rupi tur iko. Weityk wàmàtyry'ymar wà. Nuiko wera'u kwaw a'e. Zumen iku'az ur iko. Zumeta'i zumen imemyr iku'az tur iko.

Judas 1:25

Pitài zo a'e. Zanepyro ikatu 'ym ma'e wi tatahu wi. Zanererur putar uwa rupi a'e nehe, ta'e Zezuz Zaneruwihawete Zanezar umàno zanerekuzaromo a'e xe. Tuwe teko umuwete katu Tupàn a'e wà nehe. Tuwihawete romo hekon a'e, ikàg wera'u ma'e romo hekon a'e no. Weruze'eg amogwer paw rupi a'e wà. Izypy mehe arer we, ko 'ar rehe no, tuweharupi nehe no, awyzeharupi nehe no. Nupaw pixik kwaw ipureruze'egaw a'e nehe. Azeharomoete. Upaw kwez kury. Zut.