Isaías 42:5 - Tupàn zeꞌeg

⁵ Tupàn Tuweharupi Wiko Ma'e uzapo ywak a'e. Upupirar a'e. Uzapo ywy no. Uzapo hehe har paw wà no. Umuikuwe kar paw rupi wà. Umupytuhem kar paw rupi wà no. Ko 'ar rehe Tupàn Tuweharupi Wiko Ma'e uze'eg iko wemiruze'eg pe kury:

Isaías 42:5 ပူးပေါင်းရင်းမြစ်များ

Gênesis 1:1

Izypy mehe Tupàn uzapo ywak a'e, uzapo ywy a'e no.

Gênesis 2:7

Na'e Tupàn umuapu'a ywy ku'i kwer awa romo iapo pà a'e kury. Nuikuwe kwaw awa a'e rihi. Upy Tupàn awa iapygwar rupi ywytu purumuigo kar ma'e imono pà izupe kury. Nezewe mehe wiko wikuwe ma'e romo a'e kury.

Jó 12:10

Ma'ea'yr paw waneko haw upyta Tupàn ipo pe. A'e umuigo kar teko paw wanereko wà.

Jó 27:3

Ukàgaw ihewe imur mehe we, Hemupytuhem kar a'e,

Jó 33:4

Tupàn Hekwe heapo a'e. Tupàn purupy haw hemuigo kar.

Jó 34:14

Aze mo Tupàn uputar, Upuner mo zanepytuhemaw imuzewyr kar haw rehe uzeupe.

Salmos 136:6

Tupàn umuapyk ywy 'y typya'u ma'e i'aromo a'e. Ipuruamutar katu haw nupaw pixik kwaw nehe.

Salmos 33:6

Uze'eg Tupàn Tuweharupi Wiko Ma'e ywak iapo pà a'e. Umume'u wemimutar kwarahy iapo pà, zahy iapo pà no, zahytata iapo pà no.

Salmos 96:5

Ta'e amo ywy rehe har umuwete ywyra tupàn a'ua'u romo iapo pyrer a'e wà xe. Tupàn Tuweharupi Wiko Ma'e uzapo ywak a'e. Tupànete romo hekon a'e.

Isaías 37:16

— O Tupàn Tuweharupi Wiko Ma'e Izaew wazar Ikàg Wera'u ma'e. Ereapyk in nerenaw rehe. Kerumin wa'aromo hin. Xo ne zo ereiko Tupàn urezar romo. Ereiko tuwihaw ywy nànànar waneruze'egar romo. Erezapo ywak. Erezapo ywy no.

Isaías 40:12

Mo upapar 'y yryhu pe har opo pupe wà. Ni amo wà. Mo wexak ywak uhua'u haw ukwà pupe wà. Ni amo wà. Mo upapar ywy ywy nànànar heta haw kawaw pupe wà. Ni amo wà. Mo upapar ywytyruhu wà, mo upapar ywytyr wà, puhuz haw hagapaw pupe wà. Ni amo wà.

Isaías 40:22

Ma'e paw iapo har wapyk wenaw rehe ywate a'e. Muite ywy wi a'e. A'e rupi teko nuzawy kwaw tahyw izupe wà. A'e ae upupirar ywak pànuhu ài. Umuàgà'ym tàpuzràn ài weko àwàm romo.

Isaías 40:26

Peme'e ywate zahytata wanexak pà nehe. Mo uzapo wà. A'e ae umuata kar zahytata ywak rehe zauxiapekwer wazàwe wà. Ukwaw waneta haw. Ukwaw waner pitàitàigatu no. Ukwaw waner paw rupi wà. Ikàgaw uhua'u. Ipuner haw uhua'u. A'e rupi zahytata paw uwazar ize'eg izupe wà.

Isaías 40:28

Aipo napekwaw kwaw ko ma'e. Aipo ni amo numume'u kwaw peme wà. Tupàn Tuweharupi Wiko Ma'e uzapo ywy paw a'e. Tuweharupi upureruze'eg a'e no. Na'ikene'o kwaw. Nuiko pixik kwaw ikene'o ma'e romo. Ni amo nupuner kwaw ima'ekwaw paw uhua'u haw ikwaw paw rehe wà.

Isaías 44:24

Tupàn Tuweharupi Wiko Ma'e Izaew wapyro har uze'eg a'e. — Heremiaihu wà, aiko peapo arer romo ihe. Pezexak kar 'ym mehe we apuapo ihe. Ihe zutyka'i azapo ma'e paw ihe wà. Apupirar ywak. Azapo ywy no. Ni amo nahepytywà kwaw wà.

Isaías 45:12

Ihe azapo ywy kwehe mehe ihe. Azapo teko ihe wà, ywy rehe wiko ma'e ràm romo ihe wà. Hepo pupe apupirar ywak. — Pezexak kar nehe, a'e kwarahy pe, zahy pe no, zahytata wanupe no.

Isaías 45:18

Tupàn Tuweharupi Wiko Ma'e ywak iapo arer a'e, wiko Tupàn romo a'e. Xo pitài Tupàn heta. Uzapo ywy. Omono hexakaw ikwaw paw izupe no. Umuapyk henaw rehe no. Nuzapo kwaw ma'e heta 'ymaw romo. Uzapo uzehe wiko ma'e wanereko har romo. Uze'eg Tupàn Tuweharupi Wiko Ma'e nezewe. — Aiko Tupàn Tuweharupi Wiko Ma'e romo ihe. Naheta kwaw amo tupàn ihewi.

Isaías 48:13

Hepo pupe amuapyk ywy henaw rehe kwehe mehe ihe. Apupirar ywak ihe no. Amume'u waneta àwàm ihe. A'e 'ar 'ym mehe we naheta kwaw. A'e 'ar mehe we heta.

Isaías 57:16

Namume'u wi wi kwaw heremiaihu wanemiapo kwer ikatu 'ym ma'e ihe nehe, wanupe ihe nehe. Naiko kwaw wikwahy ma'e romo tuweharupi hepytu'u 'ym pà nehe. Aze mo aikwahy hepytu'u 'ym pà, umàno mo wikuwe ma'e heremiapo kwer upaw rupi wà. Ihe ae azupy wanehe wamuigo kar pà wikuwe ma'e romo upaw rupi ihe.

Jeremias 10:12

Tupàn Tuweharupi Wiko Ma'e uzapo ywy upuner haw rupi. Uma'e kwaw katu haw pupe uzapo ywy paw rupi. Uma'e kwaw paw pupe upupirar ywak pàn teko izewànaw ài.

Jeremias 27:5

— Apuner katu ihe. Hekàg katu no. Azapo ma'e paw hepuner haw rupi ihe wà: ywy, teko wà, miar ywy rehe wiko ma'e paw wà. Apuner wamono haw rehe wyzài amo wanupe heremimutar rupi ihe wà.

Jeremias 32:17

O Tupàn Tuweharupi Wiko Ma'e, erezapo ywy ywak rehe we nepuner haw uhua'u ma'e rupi ne, nekàgaw rupi ne no. Erepuner wyzài ma'e iapo haw rehe. Naheta kwaw ma'e iapo haw rehe nepuner 'ymaw.

Jeremias 38:16

Na'e tuwihawete Zeneki umume'uahy wemiapo ràm ihewe kury. Amogwer nuenu kwaw ize'eg mehe wà. — Amume'uahy nezuka 'ym àwàm newe Tupàn Tuweharupi Wiko Ma'e zanemuigo kar har henataromo ihe kury. Noromono kwaw awa nerehe ipuruzuka wer ma'e wanupe nehe no, i'i ihewe.

Ezequiel 18:4

Ta'e aiko teko wanekuwe haw paw wazar romo ihe xe. Tu waneko haw, ta'yr waneko haw no, aiko wazar romo paw rupi ihe. Aze wyzài teko uzapo ikatu 'ym ma'e nehe, umàno putar nehe.

Daniel 5:23

— Apuner wera'u ywak rehe har wanuwihawete wi ihe, ere nezeupe. Ererur kar kanek Tupàn ràpuzuhu wi herur pyrer ne. — Ihe ihe, hereminoz wà nehe no, wanemireko wà nehe no, wanemirekoagaw wà nehe no, ximono putar win a'e kanek pupe i'u pà zane nehe, ere wanupe. Eremuwete netupàn a'ua'u ne wà no: parat iapo pyrer wà, or iapo pyrer wà no, morog iapo pyrer wà no, itaper iapo pyrer wà no, ywyra iapo pyrer wà no, ita iapo pyrer wà no. Nuexak kwaw ma'e wà. Nuenu kwaw ma'e wà. Nukwaw kwaw ma'e wà. Neremume'u kwaw Tupàn ikatu haw. Neremume'u kwaw ipuràg eteahy haw. A'e ae upuner a'e. Upuner teko wazuka haw rehe. Upuner wamuigo kar haw rehe. A'e ae umume'u newe uzeapo ma'e ràm a'e no.

Amós 9:6

Tupàn uzapo wàpuz ywak rehe. Omono ywak ywy 'aromo no. Wenoz 'y yryhu pe har uzeupe. Uzakook a'e 'y ywy rehe. Tupàn Tuweharupi Wiko Ma'e her romo a'e.

Zacarias 12:1

Na'aw Tupàn Tuweharupi Wiko Ma'e ize'eg Izaew wanehe xe kury. Tupàn Tuweharupi Wiko Ma'e ywak iapo har a'e, uzapo ywy a'e no, ma'e paw wamuikuwe kar pà a'e. Nezewe uze'eg kury.

Atos 17:24

— Tupàn a'e, kwehe mehe uzapo ywy a'e, uzapo ma'e ywy rehe har paw rupi katete a'e no. Ywak rehe har wanuwihaw romo hekon a'e. Ywy rehe har wanuwihaw romo hekon a'e no. Nuiko kwaw tàpuz awa wanemiapo kwer pupe.

Atos 17:25

Nuputar kwaw ma'e teko wanemiapo kwer iko a'e, ta'e a'e ae umuigo kar ma'e paw rupi katete iko a'e wà xe, ta'e a'e ae umupytuhem kar wikuwe ma'e paw rupi katete iko a'e wà no xe. Ma'e paw rupi katete omono teko wanupe a'e.

Hebreus 1:2

Ko 'ar rehe kury, Tupàn uze'eg iko purupe kury, wa'yr imono kar pà uze'eg imume'u har romo kury. Uzapo kar ywy ywak wa'yr pe. Iahykaw rehe ta'yr wereko putar ma'e paw rupi katete a'e nehe no. Wiko putar teko wazar romo nehe no, ta'e Tupàn hemixak kwer romo hekon a'e xe.