Isaías 42:22 - Tupàn zeꞌeg

²² Waàmàtyry'ymar upetek hemiaihu wà. Imunar wama'e rehe wà no. Umunehew kar zemunehew paw pe wà. Naheta kwaw ipupyaikaw pyrer wi wamuhem kar àràm wà, zemunehew paw wi wà. Naheta kwaw wamuhem kar àràm wà.

Isaías 42:22 ပူးပေါင်းရင်းမြစ်များ

Salmos 102:20

Wenu imunehew pyrer wakuhem mehe wà. Zaneàmàtyry'ymar umume'u amo zaneànàm wamàno àwàm wà. Tupàn upyro a'e izuka pyràm wà.

Salmos 50:22

Peneharaz ihewi. Pema'enukwaw katu penemiapo kwer rehe nehe. Aze napema'enukwaw kwaw wanehe nehe, apumumaw putar ihe nehe. Ni amo nupuner kwaw pepyro haw rehe wà nehe.

Isaías 1:7

Peywy iaiw. Tata umumaw tawhu peneko haw wà. Penenataromo amo ywy rehe har umuaiw peywy wà. Naheta kwaw ikatu ma'e a'e ywy rehe kury. Amo ywy rehe har umumaw peywy wà.

Isaías 14:17

Aipo ko awa wiko ywy ywyxiguhu iapo arer romo a'e. Weityk tawhu waukauka pà. Numuzewyr kar kwaw teko wemipyhyk kwer waneko awer pe wà. Aipo ko awa wiko a'e ma'e iapo arer romo azeharomoete, i'i putar uzeupeupe wà.

Isaías 18:2

A'e ywy rehe har umur kar uze'eg herur har zanewe wà. Wezyw oho yrykawhu Niru her ma'e rupi kanuhu ka'api'i popok iapo pyrer pupe wà. Ze'eg herur har uzàn ma'e wà, pezewyr peywy rehe nehe. Pezewyr peànàm ikàg ma'e upuner ma'e wanupe nehe. Iaiha katu a'e peànàm wà. Heny katu wapir. Amogwer teko ywy nànànar ukyze wanuwi wà. Wiko ywy yrykawhu tetea'u heta haw rehe wà.

Isaías 24:18

Uzemi'ikar ma'e wanuwi uhem ma'e kwer u'ar putar ywykwar pupe nehe. Ywykwar wi uhem ma'e kwer uzepyhyk kar putar miar izepyhykaw zàwenugar pupe nehe. Ukyr etea'u putar àmàn nehe. Nuzawy kwaw ypaw wanehe izakookaw nehe. Uryryryryz putar ywy uwy pe har rehe nehe no.

Isaías 24:22

Omono'og putar ywykwar pupe waneityk pà nehe. Upyta putar a'e pe uhem 'ym pà kwarahy tetea'u wamumaw pà wà nehe. A'e re Tupàn uzepyk putar wanehe nehe.

Isaías 24:3

Umuaiw putar ywy paw nehe. Umumaw putar ywy paw nehe, ta'e Tupàn Tuweharupi Wiko Ma'e umume'u a'e ma'e wemiapo ràm a'e xe.

Isaías 36:1

Ezeki Zuta ywy rehe har wanuwihawete romo heko mehe 14 haw kwarahy mehe, Xenakeriw Axir ywy rehe har wanuwihawete uzàmàtyry'ym tawhu Zuta ywy rehe har pàrirogawaiha hereko har paw oho a'e wà kury. Upyhyk waneityk pà paw rupi wà.

Isaías 42:23

Aze mo amo penehe we har uzekaiw heze'eg rehe, Aze mo ko 'ar henataromo amo uzeapyaka katu, upuner mo ikatu ma'e iapo haw rehe.

Isaías 42:7

Eremuehazawok putar hehàpyhà 'ym ma'e ne wà nehe. Eremuhem kar putar iàpixipixi pyrer wazemunehew paw wi ne wà nehe. Eremuhem kar putar zemunehew paw ipytunahy ma'e pe wiko ma'e wamono ne wà nehe.

Isaías 45:13

Ihe amuzypyrog kar Xiru ma'e iapo kar pà izupe ihe. — Ereityk putar ywy tetea'u rehe har ne wà nehe, Amumew putar hape ràm henataromo ihe nehe. Uzapo wi putar Zeruzarez tawhu hereko haw romo a'e nehe no. Umuhem kar putar heremiaihu wamunehew paw wi a'e wà nehe. Nuenoz kwaw temetarer wamuhem kar haw hekuzaromo nehe. Ihe Tupàn Tuweharupi Wiko Ma'e Ikàg Wera'u ma'e amume'u ko ze'eg tekoko ihe, i'i Tupàn.

Isaías 5:29

A'e zauxiapekwer okororo zàwàruhu iriàw her ma'e ài wà, zàwàruhu ipuruzukaiw ma'e miar izuka har ài wà. Upuze wemizuka kwer imonokatu àwàm me uzemuakyr pà wà. Ni amo nupuner kwaw hemizuka kwer ipyro haw rehe izuwi wà nehe.

Isaías 51:23

Amono putar ko kanek neàmàtyry'ymar wanupe nehe, ta'e uze'eg nezewe newe a'e wà xe. — E'aw ywy rehe nehe. Urupyropyrog putar nerehe ure nehe, i'i newe wà. Ere'aw. Upyropyrog nerehe wà. Ywy imuku'i pyrer pe rupi har ài nerereko wà.

Isaías 56:9

Tupàn Tuweharupi Wiko Ma'e uze'eg nezewe. — Pezur nehe, miar hehaite ma'e wà. Pe'u hereimaw pezuwà nehe.

Jeremias 50:17

Tupàn Tuweharupi Wiko Ma'e uze'eg kury. — Teko Izaew izuapyapyr nuzawy kwaw àràpuhàràn hawitu ma'e wà. Zàwàruhu iriàw oho wanaikweromo wamuhàmuhàz pà wà. Izypy mehe Axir wanuwihawete uzàmàtyry'ym Izaew wà. A'e re Namukononozor Mawiron wanuwihawete uxi'uxi'u wàkàgwer wà.

Jeremias 52:31

Mawiron wanuwihawete romo uzeapo haw kwarahy rehe Emiw-Meronak ikatu Zoaki Zuta ywy rehe har wanuwihawete pe. Umuhem kar zemunehew paw wi. Umumaw 37 kwarahy 11 zahy 5 'ar ipyhyk pyrer romo wiko pà.