Isaías 42:12 - Tupàn zeꞌeg

¹² Tuwe teko umume'u Tupàn Tuweharupi Wiko Ma'e ikatu haw wà nehe. Tuwe umume'u ikàgaw ipuràgaw ywy nànàn wà nehe.

Isaías 42:12 ပူးပေါင်းရင်းမြစ်များ

Salmos 22:27

Teko ywy nànànar ima'enukwaw putar Tupàn Tuweharupi Wiko Ma'e rehe wà nehe. Teko ywy rehe har paw uzewyr putar izupe wà nehe. Teko hexakaw paw hereko har umuwete katu putar wà nehe.

Salmos 66:2

Pemuzàg zegar haw ikatu haw rehe har izupe nehe. Pemono ikatu haw rehe imume'u haw ipuràg eteahy ma'e nehe, izupe nehe.

Salmos 97:1

Tupàn Tuweharupi Wiko Ma'e wiko tuwihawete romo a'e. Nerurywete nehe, ywy. Penurywete nehe, yrypypo'o yryhu rehe har wà.

Isaías 12:4

A'e 'ar mehe teko paw umuzàg putar ko zegar haw wà nehe. — Pemume'u Tupàn Tuweharupi Wiko Ma'e ikatu haw nehe. Pehapukaz pepytywà àwàm henoz pà Tupàn pe nehe. Pemume'u hemiapo kwer teko paw wanupe nehe. Pemume'u uhua'u haw wanupe nehe no.

Isaías 42:4

Na'ikene'o kwaw nehe. Nuzemumikahy kwaw nehe. Umume'u wi wi putar heremiapo putar haw oho iko nehe. Ikàg putar imume'u mehe nehe. Teko ywy muite har nànànar wàro ipurumu'e haw henu haw waiko wà, i'i Tupàn.

Isaías 43:21

Azapo 'aw teko heremiaihu romo wamuigo kar pà ihe wà. A'e rupi umume'u putar hekatu haw a'e wà nehe, i'i Tupàn.

1 Samuel 6:5

Pezapo perew hagaw paw nehe. Pezapo aguza hagaw paw nehe no. Ta'e a'e ma'e umuaiw zaneywy a'e wà xe. Pemono kar a'e hagaw paw Tupàn Izaew wazar pe nehe. Nezewe mehe upytu'u putar penehe uzepyk ire ru'u nehe. Upytu'u putar pezar tupàn a'ua'u wanehe uzepyk ire nehe no, peywy rehe uzepyk ire nehe no.