Isaías 41:5 - Tupàn zeꞌeg

⁵ Teko ywy muite har wexak ma'e izeapo mehe wà. Teko ywy nànànar uryryryryz ukyze pà wà. A'e rupi ur xe uzemono'og pà wà.

Isaías 41:5 ပူးပေါင်းရင်းမြစ်များ

Gênesis 10:5

Zape izuapyapyr a'e wà, uzapo weko haw oho yryhu iwyr a'e wà, yrypypo'o rehe a'e wà no. Teko pitàitàigatu a'e wà, uzeànàànàm ma'e kwer a'e wà no, upyhyk uiwy oho a'e wà, a'e pe weko haw iapo pà a'e wà, uze'eg rupi uze'eg pà a'e pe a'e wà.

Salmos 65:8

Ywy nànànar ukyze newi wà, Neremiapo kwer uhua'u ma'e iapo awer ikwaw mehe wà. Wexak neremiapo kwer ikatuahy ma'e wà. A'e rupi uhapukaz urywete haw rupi ywy nànàn wà.

Salmos 65:9

Eremugyr kar àmàn. Nezewe mehe erexak kar ywy rehe nezekaiw paw purupe. Eremukatu ywy. Hezuz ma'e tetea'u hehe. Ne, o Tupàn, eremugyr kar àmàn. Nezewe mehe eremynehem yrykaw 'y pupe. Ywy umuezuz temi'u a'e, ta'e eremuàgà'ym a'e rupi ne xe.

Salmos 66:3

Peze'eg nezewe Tupàn pe nehe. — Neremiapo kwer umupytuhegatu kar teko a'e wà. Nekàgaw uhua'u tuwe no. Te neàmàtyry'ymar ukyze newi uzeamumew pà nerenataromo wà.

Salmos 67:7

Umur uze'egatu zanerehe. Tuwe teko ywy nànànar ukyze izuwi wà nehe.

Êxodo 15:14

Teko amogwer ywy rehe har uryryryryz waiko ukyze pà wà. Piri ywy rehe har ukyze katu wà.

Isaías 41:1

Nezewe uze'eg Tupàn Tuweharupi Wiko Ma'e. — Teko ywy muite har rehe har wà, Pepytu'u peze'eg ire. Pezeapyaka katu nehe. Pemupyahu pekàgaw nehe. Pezur penemiapo kwer ikatu ma'e imume'u àwàm rehe pezemuàgà'ym pà nehe. Zazemono'og nehe. — Mo ikatu, za'e putar zanezehezehe zanepuranu pà nehe.

Isaías 41:6

Ma'e hagapaw iapo har uzepytywàtywà wà. Pitàitàigatu uzeagaw uzehe we har imurywete kar pà wà.

Ezequiel 26:18

Kutàri tawhu i'ar awer 'ar mehe yrypypo'o uryryryryz paw rupi wà. Wanehe har ukyzeahy ma'e tetea'u imumaw pawer hexak ire wà.

Josué 2:10

Tupàn pezar umuxinig 'y Yryhupiràg pupe har peme a'e. Uruenu imuxinig awer imume'u haw. A'e rupi pepuner Ezit ywy wi pehemaw rehe. Pezuka mokoz tuwihawete pe wà no, Amohe ywy rehe har peata mehe wà no. Xeom, Og, tuwihawete waner romo wà. Pemumaw wanemiruze'eg awer paw pe wà no. Zotàw yrykaw ywaz rehe arer kwarahy hemaw kutyr arer romo wanekon wà.

Josué 5:1

Amohe wanuwihaw a'e wà, Zotàw yrykaw kwarahy heixe haw kutyr har wà, Kànàà ywy rehe har wanuwihaw yryhu Mezitehàn her ma'e waz har a'e wà no, wenu Tupàn Izaew wanenataromo Zotàw yrykaw imuypaw ire imume'u haw a'e wà kury. Ta'e Tupàn umupytu'u kar iwyryk ire urerenataromo a'e xe, hahaw zanune a'e xe. A'e ma'e henu re tuwihawete ukyze katu urewi a'e wà kury. Ukàzym wakàgaw wanuwi. Na'ipuruàmàtyry'ym wer kwaw urerehe wà.