Isaías 41:22 - Tupàn zeꞌeg

²² Pezur uzeapo ma'e ràm imume'u pà urewe nehe. Pemume'u katu uzeapo ma'e ràm penemimume'u kwer kwehe arer nehe no. Nezewe mehe urukwaw putar pekàgaw nehe. — Aipo uzeapo tuwe ma'e peze'eg awer rupi, uru'e putar peme nehe. Pemume'u ma'e uzeapo ma'e ràm nehe. A'e mehe urexak putar nehe, aze uzeapo tuwe a'e ma'e nehe.

Isaías 41:22 ပူးပေါင်းရင်းမြစ်များ

Isaías 41:26

Aipo amo tupàn a'ua'u peinuromo har umume'u a'e ma'e izeapo àwàm wà. Aipo ukwaw kar hemiapo ràm urewe wà. Aipo amo tupàn umume'u a'e ma'e wà. Aze mo amo umume'u, — Azeharomoete ukwaw ma'e uzeapo ma'e ràm a'e, uru'e mo izupe. Ni amo tupàn a'ua'u hagapaw numume'u kwaw tur àwàm wà. Ni amo nuze'eg kwaw urewe wà. Nurenu kwaw ni pitài waze'egaw ure.

Isaías 42:9

Uze'eg Tupàn wemiaihu wanupe. — Heremimume'u kwer kwehe arer uzeapo kwez kury. Amume'u putar ipyahu ma'e peme nehe kury. Nezewe mehe pekwaw putar a'e ma'e wazeapo 'ym mehe we nehe, i'i wanupe.

Isaías 44:7

Aipo heta amo tupàn hezàwenugar. Aze heta, tuwe ur herenataromo nehe. Tuwe umume'u ukàgaw nehe. Tuwe wexak kar wemu'em 'ymaw nehe no. Mo umume'u ma'e uzeapo ma'e ràm paw a'e. Izypy mehe arer we te ko 'ar rehe, aipo heta amo uzeapo ma'e ràm imume'u tuwe har.

Isaías 45:21

Peze'eg na'arewahy nehe. Pemume'u penemiapo kwer. Peze'eg pezeupeupe nehe, aze peze'eg wer nehe. Mo umume'u ma'e uzeapo ma'e ràm kwehe mehe wà. Ihe Tupàn Tuweharupi Wiko Ma'e amume'u ihe. Naheta kwaw amo tupàn. Tupàn pitài romo aiko. Wemiaihu wanuwi utyryk 'ym ma'e romo aiko. Wemiaihu wapyro har romo aiko.

Isaías 45:22

Teko ywy nànànar wà, pezewyr ihewe nehe. A'e mehe apupyro putar ihe nehe. Ta'e aiko Tupàn romo ihe xe. Naheta kwaw amo.

Isaías 46:10

Izypy mehe arer we amume'u uzeapo ma'e ràm ihe. Kwehe mehe amume'u ma'e uzeapo ma'e ràm. — Uzeapo putar ma'e heze'eg rupi katete nehe, a'e purupe. Aze hepurapo wer ma'e rehe nehe, azapo putar a'e ma'e nehe, a'e purupe kwehe mehe.

Isaías 48:14

Pezemono'ono'og pezeapyaka pà upaw rupi nehe. Ni amo tupàn numume'u kwaw ko ma'e uzeapo ma'e ràm wà: Ihe Tupàn Tuweharupi Wiko Ma'e azamutar katu amo awa ihe. A'e awa heremiamutar uzapo putar heremiapo putar haw a'e nehe. Uzàmàtyry'ym putar Mawiron oho hepuner haw inuromo a'e wà nehe.

Isaías 48:3

Tupàn Tuweharupi Wiko Ma'e uze'eg iko peme. — Kwehe mehe aze'eg ma'e uzeapo ma'e ràm rehe ihe. Amume'u katu uzeapo ma'e ràm peme. Na'arewahy azapo ma'e ihe. Teko nuàro kwaw a'e ma'e iapo mehe wà. Uzeapo ma'e heze'eg awer rupi katete no.

João 13:19

Amume'u putar agwer ma'e uzeapo ma'e ràm peme ihe kury, izeapo 'ym mehe we ihe kury. A'e rupi izeapo mehe nehe, pezeruzar putar Tupàn romo hereko haw rehe nehe.

João 16:14

Ukwaw kar putar hekàgaw hepuràg eteahy haw peme nehe, ta'e umume'u putar heze'eg peme nehe xe.