Isaías 40:4 - Tupàn zeꞌeg

⁴ Umynehem putar ywyàpyznaw ywy pupe wà nehe. Umumew putar ywytyr wà nehe no. Ywy iaiha ma'e uzemumew putar nehe. Ywy ipew ma'e uzeupir putar uzemuhym pà nehe no. Ywy ywytyruhu hereko har uzeapo putar ihym ma'e romo nehe.

Isaías 40:4 ပူးပေါင်းရင်းမြစ်များ

Provérbios 2:15

A'e teko wiko imunar ma'e romo wà. Ni amo nupuner kwaw wanehe uzeruzar haw rehe wà.

Isaías 40:3

Amo uhapukaz iko. — Pemuàgà'ym amo pe ywyxiguhu rehe Tupàn Tuweharupi Wiko Ma'e pe nehe. Pezapo pe hy'ygatu ma'e zanezar iho àwàm romo nehe.

Isaías 40:5

Na'e Tupàn Tuweharupi Wiko Ma'e wexak kar putar ukàgaw upuràgaw a'e nehe. Teko paw wexak putar wà nehe. Tupàn Tuweharupi Wiko Ma'e ae umume'u a'e ma'e iapo àwàm a'e.

Isaías 42:11

Tuwe ywyxiguhu pe har umume'u ikatu haw wà nehe. Tuwe tawhu ywyxiguhu rehe har pe har umume'u ikatu haw wà nehe. Tuwe Kenar tawhu pe har umume'u ikatu haw wà nehe. Xera tawhu pe har wà, penurywete nehe. Pezegar ywytyruhu apyr nehe.

Isaías 45:2

Aha putar nerenataromo nehe. Amumew putar ywytyruhu nehe. Azukazuka putar ukenuhu itazu morog iapo pyrer ihe nehe. Azuhazuhaw putar iwàpytymaw itaper iapo pyrer nehe.

Isaías 49:11

Azapo putar pe ywytyruhu rehe wanupe nehe. Amuhygatu putar pe heremiaihu waho àwàm romo nehe.

Isaías 62:10

Zeruzarez pe har wà, pehem tawhu wi nehe. Pemukatu peànàm uzewyr ma'e ràm wanape ràm nehe. Pemuhygatu wanape ràm nehe. Penuhem ita paw heityk pà amo me nehe. Peupir pàn ze'eg hereko har nehe. Teko paw wexak putar a'e pàn wà nehe. Ukwaw putar a'e ma'e uzeapo romo haw wà nehe no.

Ezequiel 17:24

Ywyra kaiwer pe har paw ukwaw putar Tupàn Tuweharupi Wiko Ma'e romo herekuwe haw wà nehe. Aeityk ywyra aiha ma'e ihe. Amutua'u kar ywyra pixika'i ma'e no. Amuxinig kar ywyra ikyr katu ma'e. Amukyr katu wi ywyra uxinig ma'e kwer no. Ihe Tupàn Tuweharupi Wiko Ma'e aze'eg kwez kury. Azapo putar heremimume'u kwer nehe no.

Ezequiel 21:26

Anuhem putar neàkàg rehe har newi nehe. Anuhem putar neàkàg iwànaw newi nehe no. Nereiko kwaw tuwihawete romo nehe. Hemetarer 'ym ma'e wiko putar upuner ma'e romo wà nehe. Tuwihaw wiko putar ikàg 'ym ma'e romo wà nehe.

Zacarias 4:7

Ywytyruhu aiha katu ma'e uzemumew putar ywy iapypepaw romo uzeapo pà Zurupapew henataromo wà nehe. Werur putar ita ikatu wera'u ma'e tàpuzuhu pe har nehe. Teko uhapukaz putar wà nehe. — Ipuràg eteahy. Ipuràg eteahy, i'i putar wà nehe, i'i izupe.

Lucas 18:14

A'e awa imaranugar ma'e a'e, uzemukatu Tupàn huwa rupi a'e 'ar mehe a'e, wàpuz me oho 'ym mehe a'e. Ze'eg kwehe arer kwaw par parizew her ma'e a'e, na'imaranugar kwaw Tupàn huwa rupi a'e, a'e rupi nuzemukatu kwaw Tupàn huwa rupi a'e, i'i Zezuz wanupe. — Aze amo awa ikàg ma'e romo uzeapo a'e nehe, Tupàn umuigo kar putar a'e awa ikàg 'ym ma'e romo a'e re a'e nehe. Aze awa uzeapo ikàg 'ym ma'e romo nehe, Tupàn umuigo kar putar a'e awa ikàg ma'e romo a'e nehe, i'i wanupe.

Lucas 3:5

— Pemynehem ywykwar ywy pupe hape rupi nehe. Pemumew ywytyr izupe nehe, pemumew ywytyruhu izupe nehe no. Hape iapar ma'e pemuàgatete nehe no. Hape ikatu 'ym ma'e, pemukatu nehe.

1 Samuel 2:8

Upir hemetarer 'ym ma'e ywy ku'i kwer wi wà. O'ok ma'uhez taw ima'uhez ma'e wanuwi. Umuigo kar hemetarer 'ym ma'e tuwihawete wamyrypar romo wà. Umuapyk kar a'e teko tuwihaw henaw rehe wà no. Ywy iwy pe har wazar romo hekon Tupàn Tuweharupi Wiko Ma'e a'e. Umuapyk ywy wa'aromo a'e.