Isaías 40:24 - Tupàn zeꞌeg

²⁴ A'e tuwihaw nuzawy kwaw ma'e hezuz romo ma'e kwer wà. Pixika'i wanapo. Aze Tupàn upytuhem wanehe, uxinig wà. Ywytu weraha muite ka'a ruwer uxinig ma'e ài wà.

Isaías 40:24 ပူးပေါင်းရင်းမြစ်များ

2 Samuel 22:16

Wàmàtyry'ymar pe uze'egahy mehe wakutyr àmàn imuwerawahy kar mehe ywy yryhu iwy pe har uzexak kar a'e. Ywy 'y iwy pe har uzexak kar a'e no.

2 Reis 10:11

Na'e Zeu uzuka kar amogwer Akaw iànàm Zereew pe har paw a'e wà kury. Uzuka kar tuwihaw Akaw rehe we har paw wà no. Uzuka kar imyryparer wà no. Uzuka kar hemiruze'eg xaxeto wà no. Ni pitài nuhem kwaw umàno haw wi wà.

Jó 21:18

Ma'e 'ar mehe umuhàmuhàz ka'akyr ài wà. Ma'e 'ar mehe ywytu weraha ywyku'i kwer ài a'e. Ma'e 'ar mehe Tupàn weraha ikatu 'ym ma'e nezewe a'e wà.

Jó 4:9

Tupàn nuzawy kwaw ywytuaiw. Umumaw a'e teko wekwahy haw pupe wà.

Jó 8:17

Wanapo umàumàn ita wà. Upyhyk itahu wà.

Salmos 58:9

Uzeapo ma'e ikwaw 'ym mehe we Ikatu 'ym ma'e uzemonohok kar ka'akyr ài wà. Wanekuwe mehe we Tupàn omono kar putar uzewi upytuhemaw pupe wekwahy haw ukaz ma'e rupi nehe.

Salmos 83:13

O Hezar, emuhàmuhàz a'e teko ywyku'i ài nehe. Ywytu weraha ka'akyr uxinig ma'e muite a'e. Eraha a'e teko nezewe ne wà nehe no.

Provérbios 1:27

Pemukyzeahy haw ur putar àmàn ywytuaiw inuromo har ài nehe. Peneko haw zawaiw katu haw nuzawy kwaw ywytuaiw nehe. Apuka putar a'e 'ar mehe nehe. Ma'erahy ipuraraw paw rehe peho mehe nehe, ipuraraw tuwe mehe nehe, apuka putar penehe nehe.

Isaías 11:4

Tupàn ze'eg rupi zo umume'u putar hemetarer 'ym ma'e wanemiapo kwer nehe. Ize'eg upyro putar a'e wà nehe. Uzekaiw putar ma'e hereko 'ymar wanehe nehe. Ize'eg nuzawy kwaw ywyràihàg. Ipupe uzepyk putar ko ywy rehe har wanehe nehe. Upytuhemaw pupe uzuka putar ikatu 'ym ma'e wà nehe.

Isaías 17:11

Upuner wezuz haw rehe. Upuner iputyr haw rehe no. Upuner utymaw 'ar rehe we wezuz haw rehe nehe. Nezewe rehe we naheta kwaw ipo'o pyràm ko pe nehe, ma'erahy ipuraraw paw i'ar ihem mehe nehe, ma'erahy haw imukatu 'ym pyr i'ar ihem mehe nehe.

Isaías 17:13

Teko ywy tetea'u rehe har wànoànog waiko yryhu ài wà. Tupàn upyro putar wakàgaw wanuwi nehe. A'e mehe uzàwehem putar izuwi wà nehe. Nuzawy kwaw ka'axinig ma'e ywytyr rehe ywytu hemiraha wà nehe. Nuzawy kwaw ywy imuku'i pyrer ywytu hemimuhàz nehe.

Isaías 30:33

Kwehe mehe Tupàn umuàgà'ym tatahu. Wapy putar Axir wanuwihawete ipupe a'e nehe. A'e tatahu ywykwaruhu iànàm ma'e ohoete ma'e pupe hin. Uhyk zepe'aw ukaz ma'e ràm. Tupàn Tuweharupi Wiko Ma'e ipytuhemaw a'e, nuzawy kwaw ywyku'i exopere her ma'e ukaz ma'e uwyryk ma'e a'e. Umunyk putar tata zepe'aw rehe nehe.

Isaías 37:7

Tupàn wenu kar putar amo ze'eg Axir wanuwihawete pe nehe. Henu mehe uzewyr putar weko haw pe nehe. Tupàn uzuka kar putar Axir wanuwihawete a'e pe nehe, peze Ezeki pe nehe, i'i Izai awa wanupe.

Isaías 40:7

Ka'api'i uxinig ma'e kwer a'e, ma'e putyr no, aze Tupàn Tuweharupi Wiko Ma'e upy wanehe, u'ar a'e. Azeharomoete teko nuzawy kwaw ka'api'i wà. Aze Tupàn uzepyk wanehe, wakàgaw uhem wanuwi.

Isaías 41:16

Pemomor putar ywate pe nehe. Ywytu weraha putar wà nehe. Ywytu ikàg wera'u ma'e umuhàmuhàz putar wà nehe. Na'e penurywete putar nehe, ta'e ihe Tupàn Tuweharupi Wiko Ma'e aiko pezar romo ihe xe. Hemuwete katu putar pe nehe. Aiko Tupàn Izaew wazar Ikatuahy Ma'e romo ihe.

Isaías 41:2

Tuwihawete kwarahy ihemaw kutyr har weityk amogwer tuwihawete paw rupi a'e wà. Mo werur a'e tuwihawete xe. Mo weityk kar ywy paw izupe wà. Mo uzuka kar tuwihawete izupe wà. Umuigo kar a'e tuwihawete ywy imuku'i pyrer romo utakihepuku pupe u'yw pupe wà. Umuzàwehem kar ka'a ruwer uxinig ma'e ywytu hemiraha ài wà.

Jeremias 22:30

Tupàn umume'u a'e awa heko àwàm a'e. — Ereiko putar nera'yr 'ym pà nehe. Ikàg 'ym ma'e romo ereiko putar nehe. Naheta kwaw nera'yr Zuta ywy rehe har wanuwihawete romo wiko ma'e ràm Tawi zàwenugar wà nehe. Ihe Tupàn Tuweharupi Wiko Ma'e aze'eg kwez kury.

Jeremias 23:19

Aze'eg wi. — Tupàn Tuweharupi Wiko Ma'e ikwahy haw nuzawy kwaw ywytuaiw. Nuzawy kwaw ywytu uzewara ma'e ikatu 'ym ma'e waàkàg wanehe.

Oséias 13:15

Aze Izaew uhua'u ka'a uzehu katu ma'e ài nehe, nezewe rehe we Tupàn Tuweharupi Wiko Ma'e umur kar wàmàtyry'ymar kwarahy hemaw wi wà nehe, ywytu haku ma'e ywyxiguhu wi ur ma'e kwer ài nehe. A'e ywytu umuxinig ytyzuzàmaw paw wà nehe. Zauxiapekwer weraha ko ywy rehe har wama'e paw xe wi wà nehe, wanemetarer paw, wama'e hekuzar katu ma'e paw no.

Oséias 13:3

A'e rupi a'e teko ukàzym putar wà nehe. Ywàkun ywytyr rehe har ukàzym kwarahy ihem mehe a'e. Zuwiri ukàzym ku'em mehe a'e. Ywytu weraha ka'api'i uxinig ma'e a'e. Tàtàxiner uhem oho tàpuz wi a'e. Nezewegatete a'e teko ukàzym putar wà nehe no.

Naum 1:14

Uze'eg Tupàn Tuweharupi Wiko Ma'e Axir wanuwihawete rehe kury. — Nata'yr kwaw nehe. Nezewe mehe her ukàzym putar nehe. Azukazuka putar izar tupàn a'ua'u wanagapaw tàpuzuhu pe har ihe wà nehe. Azutym putar hetekwer ihe nehe. Ta'e iaiw a'e xe, i'i Tupàn wanupe.

Ageu 1:9

Peàro arozràn ipo'o haw uhua'u ma'e. Xo pixika'i ma'e zo pepo'o. Pezeagaw a'e arozràn pixika'i ma'e peneko haw pe heraha pà. Amumaw a'e temi'u pewi herur mehe. Pepuranu pezehezehe nezewe nehe. — Màràzàwe tuwe Tupàn Ikàg Wera'u Ma'e uzapo agwer ma'e zanewe a'e, peze pezeupe nehe. Azapo nezewe haw peme ihe, ta'e xo penàpuz rehe zo pezekaiw pe xe. Napezekaiw kwaw heràpuzuhu imuaiw pyrer rehe.

Zacarias 7:14

Nazawy kwaw ywytuaiw a'e 'ar rehe ihe. Amuhàmuhàz kar a'e heremiaihu amo ae ywy nànàn ihe wà. Zauxiapekwer amo ae ywy rehe har umuaiw ko ywy wà. Te ni amo teko nupuner kwaw hehe wiko haw rehe wà. A'e 'ym mehe ikatuahy a'e ywy. Hezuz katu ma'e itym pyr hehe. Uzeapo ywyxiguhu romo. Nahezuz kwaw ma'e itym pyr a'e pe.

Zacarias 9:14

Tupàn Tuweharupi Wiko Ma'e uzexak kar putar wemiaihu wa'aromo nehe. Omomor putar u'yw àmàn iweraw paw ài nehe. Tupàn Tuweharupi Wiko Ma'e Zanezar upy putar uxi'àm nehe. Oho putar ywytuaiw kwarahy hemaw awyze har kutyr har wamyter pe nehe.