Isaías 40:22 - Tupàn zeꞌeg

²² Ma'e paw iapo har wapyk wenaw rehe ywate a'e. Muite ywy wi a'e. A'e rupi teko nuzawy kwaw tahyw izupe wà. A'e ae upupirar ywak pànuhu ài. Umuàgà'ym tàpuzràn ài weko àwàm romo.

Isaías 40:22 ပူးပေါင်းရင်းမြစ်များ

Gênesis 1:6

Na'e Tupàn i'i uzeupe. — Amuza'ak putar 'y ihe nehe kury, mokoz pehegwer romo iapo pà ihe nehe kury, i'i uzeupe.

Jó 22:14

Izo, — Ywàkun iànàm ma'e nazanerexak kar kwaw Tupàn pe a'e wà, Ywak rupi iata mehe a'e wà, ere iko aipo.

Jó 26:7

Tupàn upupirar ywak ma'e heta 'ymaw i'aromo. Umupyta kar ywy ma'e heta 'ymaw i'aromo no.

Jó 36:29

Mo ukwaw ywàkun iho haw wà. Mo ukwaw àmàn iànoànogaw ywak rehe har Tupàn henaw pe har wà.

Jó 37:18

Nanekàg kwaw ne. Aipo erepuner Tupàn ipytywà haw rehe ywak imuzaiko haw rehe ne, Imuàtà mehe ita imumew pyrer ài ne.

Jó 9:8

Tupàn a'e zutyka'i upir ywak iko a'e. Upyrog ywy yryhu izywyr har rehe.

Salmos 104:2

Erezepyk tatainy pupe. Eremuapyk ywak neràpuzràn ài.

Salmos 18:11

Uzepyk ipytunaw pupe. Ywàkun ipihun ma'e 'y tetea'u hereko har izywyr upu'àm wà.

Salmos 19:4

Na'e ze'eg ywate har uhàuhàz ywy nànàn. Ize'eg uhem ywy nànàn. Tupàn uzapo tàpuz ywate kwarahy pe a'e.

Salmos 2:4

Wenaw ywak rehe har rehe wapyk mehe, Zanezar upuka wanehe a'e, wanehe uze'eg urywahyahy no.

Salmos 29:10

Tupàn Tuweharupi Wiko Ma'e upyta 'y typya'u ma'e i'aromo tuwihawete romo. Tuwihawete romo upureruze'eg putar tuweharupi nehe.

Salmos 68:33

Pemume'u ikatu haw nehe, kawaru ku'az har ywak rehe har, ywak kwehe arer rehe har. Pezeapyaka katu zanezar ize'eg mehe nehe. Ikàg ize'eg.

Provérbios 8:27

Aiko a'e pe ywak henaw rehe imuapyk mehe, ywak iahykaw yryhu rehe imono mehe no.

Isaías 19:1

Na'aw Tupàn ze'eg Ezit ywy rehe zepyk àwàm xe kury. Tupàn Tuweharupi Wiko Ma'e ywàkun rehe wapyk ma'e oho iko tàrityka'i Ezit ywy rehe kury. Tupàn a'ua'u a'e ywy rehe har uryryryryz putar henataromo wà nehe. Ezit ywy rehe har paw ukyze putar izuwi wà nehe.

Isaías 37:16

— O Tupàn Tuweharupi Wiko Ma'e Izaew wazar Ikàg Wera'u ma'e. Ereapyk in nerenaw rehe. Kerumin wa'aromo hin. Xo ne zo ereiko Tupàn urezar romo. Ereiko tuwihaw ywy nànànar waneruze'egar romo. Erezapo ywak. Erezapo ywy no.

Isaías 40:15

Ywy paw nuzawy kwaw 'y pitài tykyr haw y'a pupe har Tupàn Tuweharupi Wiko Ma'e pe wà. Nuzawy kwaw pitài ywy iku'i kwer puhuz haw hagapaw rehe har izupe. Weraha yrypypo'o muite har opo pe pitài ywyxig imuku'i pyrer ài.

Isaías 40:17

Ywy paw nuzawy kwaw pixika'i ma'e izupe wà. Henataromo nahekuzar pixik kwaw wà.

Isaías 42:4

Na'ikene'o kwaw nehe. Nuzemumikahy kwaw nehe. Umume'u wi wi putar heremiapo putar haw oho iko nehe. Ikàg putar imume'u mehe nehe. Teko ywy muite har nànànar wàro ipurumu'e haw henu haw waiko wà, i'i Tupàn.

Isaías 42:5

Tupàn Tuweharupi Wiko Ma'e uzapo ywak a'e. Upupirar a'e. Uzapo ywy no. Uzapo hehe har paw wà no. Umuikuwe kar paw rupi wà. Umupytuhem kar paw rupi wà no. Ko 'ar rehe Tupàn Tuweharupi Wiko Ma'e uze'eg iko wemiruze'eg pe kury:

Isaías 44:24

Tupàn Tuweharupi Wiko Ma'e Izaew wapyro har uze'eg a'e. — Heremiaihu wà, aiko peapo arer romo ihe. Pezexak kar 'ym mehe we apuapo ihe. Ihe zutyka'i azapo ma'e paw ihe wà. Apupirar ywak. Azapo ywy no. Ni amo nahepytywà kwaw wà.

Isaías 51:13

Ta'e heharaz Tupàn Tuweharupi Wiko Ma'e wapo arer wi wà xe. Heharaz ywak ipupirar arer wi wà, ywy imuapyk arer wi wà. Màràzàwe tuwe pekyze peàmàtyry'ymar purupe ma'erahy ipuraraw par wanuwi. Oho penaikweromo wà, ta'e ipuruzuka wer penehe wà xe. Wakwahy haw nupuner kwaw ma'e iapo haw rehe peme.

Isaías 66:1

Uze'eg Tupàn Tuweharupi Wiko Ma'e. — Ywak wiko herenaw romo. Ywy wiko hepy imupytu'u haw romo. Aipo pepuner tàpuz herereko haw iapo haw rehe. Aipo pepuner hepyta haw iapo haw rehe.

Jeremias 10:12

Tupàn Tuweharupi Wiko Ma'e uzapo ywy upuner haw rupi. Uma'e kwaw katu haw pupe uzapo ywy paw rupi. Uma'e kwaw paw pupe upupirar ywak pàn teko izewànaw ài.

Zacarias 12:1

Na'aw Tupàn Tuweharupi Wiko Ma'e ize'eg Izaew wanehe xe kury. Tupàn Tuweharupi Wiko Ma'e ywak iapo har a'e, uzapo ywy a'e no, ma'e paw wamuikuwe kar pà a'e. Nezewe uze'eg kury.

Números 13:33

Uruexak awa aiha katu wera'u ma'e a'e pe ure wà. Anak izuapyapyr romo wanekon wà. Uruiko tukur ài wanuwake ure. — Tukur aipo wà, i'i mo urewe wà.