Isaías 40:20 - Tupàn zeꞌeg

²⁰ Aze amo hemetarer nuhyk kwaw parat hekuzaromo nehe, aze ru'u or hekuzaromo nehe, a'e teko ume'eg kar ywyra ikatu ma'e. Wekar iapo har ikwaw katu har. Uzapo kar ma'eragapaw izupe. A'e ma'eragapaw upyta katu wenaw rehe a'e.

Isaías 40:20 ပူးပေါင်းရင်းမြစ်များ

Isaías 41:7

Ywyra ikixi har umurywete kar or imuapu'a har, itaper inupà haw pupe inupà har a'e, uze'egatu tupàn a'ua'u imuhykar pe a'e. — Ikatuahy neremiapo kwer, i'i izupe. Umupu'àgatu kar tupàn a'ua'u wanagapaw wapu'àm àwàm pe itaxu pupe wà. Nezewe mehe nu'ar kwaw upu'àmaw wi wà nehe.

Isaías 44:12

Itaper ima'e har upyhyk itaper. Omono tata pupe. Ipiràg mehe unupànupà ma'enupà haw pupe tupàn a'ua'u hagapaw iapo pà. Uma'ereko tetea'u. Numai'u kwaw. Nui'u kwaw. Ikàgaw uhem izuwi.

Isaías 46:7

Na'e upir hagapaw ukupe pe heraha pà wà. Umuapyk henaw rehe wà. Tupàn a'u upyta a'e pe. Nupuner kwaw uzemumyz haw rehe. — Urepytywà pe nehe, aze i'i teko izupe wà, nuenu kwaw waze'eg a'e. Nupuner kwaw waneko haw zawaiw katu ma'e wi wapyro haw rehe.

Daniel 5:23

— Apuner wera'u ywak rehe har wanuwihawete wi ihe, ere nezeupe. Ererur kar kanek Tupàn ràpuzuhu wi herur pyrer ne. — Ihe ihe, hereminoz wà nehe no, wanemireko wà nehe no, wanemirekoagaw wà nehe no, ximono putar win a'e kanek pupe i'u pà zane nehe, ere wanupe. Eremuwete netupàn a'ua'u ne wà no: parat iapo pyrer wà, or iapo pyrer wà no, morog iapo pyrer wà no, itaper iapo pyrer wà no, ywyra iapo pyrer wà no, ita iapo pyrer wà no. Nuexak kwaw ma'e wà. Nuenu kwaw ma'e wà. Nukwaw kwaw ma'e wà. Neremume'u kwaw Tupàn ikatu haw. Neremume'u kwaw ipuràg eteahy haw. A'e ae upuner a'e. Upuner teko wazuka haw rehe. Upuner wamuigo kar haw rehe. A'e ae umume'u newe uzeapo ma'e ràm a'e no.

Daniel 5:4

Umuwete utupàn wà no: or iapo pyrer wà, parat iapo pyrer wà, morog iapo pyrer wà, itaper iapo pyrer no, ywyra iapo pyrer no, ita iapo pyrer no.