Isaías 40:2 - Tupàn zeꞌeg

² Peme'egatu Zeruzarez tawhu pe har wanupe nehe. — Upaw pemunehew paw kwez kury, peze wanupe nehe. — Tupàn umunàn penemiapo kwer ikatu 'ym ma'e kwez pewi kury, peze wanupe nehe. Azepyk wanehe mokoz haw wanemiapo kwer hekuzaromo, i'i Tupàn.

Isaías 40:2 ပူးပေါင်းရင်းမြစ်များ

Gênesis 34:3

Ipuràg eteahy Zina izupe. Uzamutar katu. Ipuruamutar kar wer uzehe Zina pe.

2 Crônicas 30:22

— Ikatuahy Tupàn imuwete katu haw penemiapo kwer, i'i Ezeki Erewi izuapyapyr wanupe. Paw rupi umumaw 7 'ar a'e mynykaw iapo pà wà. Omono ma'e Tupàn pe uzemuawyze kar pà izupe wà. Umume'u Tupàn Tuweharupi Wiko Ma'e uwipy wazar ikatu haw izupe wà no.

Salmos 32:1

Aze Tupàn umunàn hemiapo kwer ikatu 'ym ma'e amo wi nehe, Aze o'ok hemiapo kwer rehe ima'enukwaw paw izuwi nehe, hurywete putar a'e teko a'e nehe.

Salmos 85:3

Erepytu'u wanupe nekwahy re. Ereityk nekwahy haw tata zàwenugar.

Eclesiastes 3:4

Zazemumikahy zanezemumikahy haw 'ar mehe. Zanerurywete zanerurywete haw 'ar mehe no. Zazai'o zanezai'o haw 'ar mehe. Zapynyk zanepynykaw 'ar mehe no.

Isaías 12:1

A'e 'ar mehe teko paw uzegar putar nezewe wà nehe. — Amume'u nekatu haw, O Tupàn Tuweharupi Wiko Ma'e. Kwehe mehe erekwahy ihewe. Nekwahy haw upaw kury. Ko 'ar rehe hemurywete kar iko ne.

Isaías 14:3

Teko Izaew wà, uhem putar amo 'ar nehe. A'e 'ar mehe Tupàn Tuweharupi Wiko Ma'e pepyro putar uma'ereko e ma'e romo peneko haw wi nehe. Pepyro putar ma'erahy penemipuraraw wi nehe. Pezar pemuma'erekoahy kar penereko wà. Tupàn pepyro putar wanuwi nehe.

Isaías 27:9

Umunàn putar teko wanemiapo kwer ikatu 'ym ma'e nehe. — Pekatu herenataromo kury, i'i putar wanupe nehe. Aze teko weityk tupàn a'ua'u amo ywy rehe har wazar wamuwete haw wà nehe, aze ukauka wamuwete haw izyta wà nehe, ywy ku'i kwer romo iapo pà wà nehe, ita tàtà 'ym ma'e ikaika haw ài wà nehe, aze umumaw ywyra tupàn a'ua'u wanagapaw romo iapo pyrer wà nehe, aze weityk yhyk hyàkwegatu ma'e hapy haw ikaika pà wà nehe, xo a'e mehe zo Tupàn heharaz putar wanemiapo kwer ikatu 'ym ma'e wi nehe.

Isaías 33:24

Ni amo Zeruzarez pe har na'ima'eahy kwaw wà nehe. Tupàn umunàn putar teko wanemiapo kwer ikatu 'ym ma'e paw nehe no.

Isaías 35:4

Peze'eg nezewe uzemumikahy ma'e wanupe nehe. — Pekyze zo nehe. Penurywete nehe, ta'e Tupàn Zanezar wiko xe a'e xe. Ur zanepyro pà a'e. Ur zaneàmàtyry'ymar wanehe uzepyk pà no, peze wanupe nehe.

Isaías 43:25

Ihe ae aiko pezar romo ihe. A'e rupi amunàn penemiapo kwer ikatu 'ym ma'e wanuwi hereharaz tà.

Isaías 44:22

Amunàn penemiapo kwer ikatu 'ym ma'e. Amunàn peaiw haw. Ukàzym zuwiri ài. Pezewyr ihewe nehe, ta'e aiko pepyro har romo ihe xe, i'i Tupàn.

Isaías 49:25

— Amo upuner, i'i Tupàn Tuweharupi Wiko Ma'e. — Amo upyro putar a'e ma'e zauxiapekwer wanuwi a'e nehe. Amo umuhem kar putar teko tuwihawete ikatu 'y ma'e hemipyhyk kwer a'e nehe no, ta'e ihe azàmàtyry'ym putar peàmàtyry'ymar ihe wà nehe xe. Ihe ae apyro putar pena'yr ihe wà nehe no.

Isaías 51:17

Eme'e, Zeruzarez, eme'e nepu'àm pà nehe. Tupàn Tuweharupi Wiko Ma'e u'u kar wekwahy haw peme win ài a'e. Pei'u ipupe paw rupi. Peka'u i'u re.

Isaías 53:5

Nan kwaw wemiapo kwer rehe upuraraw. Zaneremiapo kwer ikatu 'ym ma'e hekuzaromo upuraraw a'e ma'erahy a'e. Tupàn uzepyk hehe zanekatu 'ymaw rehe. Zanemukatu Tupàn hemipuraraw kwer pupe a'e. Ikutuk awer pupe zanemukatu a'e.

Isaías 53:6

Zane paw zaiko àràpuhàràn hawitu ma'e ukàzym ma'e kwer ài zane. Zane pitàitàigatu zaha zaiko zanerape rupi zane. Tupàn Tuweharupi Wiko Ma'e uzepyk wemiruze'eg rehe. Upuraraw kar ma'erahy izupe zanekatu 'ymaw hekuzaromo. Nupuraraw kar kwaw a'e ma'erahy zanewe a'e.

Isaías 54:15

Aze amo ur neàmàtyry'ym pà wà nehe, ihe naiko kwaw wamur kar har romo ihe. Ereityk putar neàmàtyry'ymar nekutyr ur ma'e ràm upaw rupi katete ne wà nehe.

Isaías 54:17

Ni amo puruzuka haw nupuner kwaw nereitykaw rehe wà. Aze amo oho tuwihaw wanenataromo neremiapo kwer ikatu 'ym ma'e imume'u pà nehe, tuwihaw numume'u kwaw nerehe uzepyk àwàm wà nehe. Azapo agwer ma'e heremiruze'eg wanupe ihe: Amono waàmàtyry'ymar waneitykaw wanupe ihe. Tupàn Tuweharupi Wiko Ma'e uze'eg kwez kury.

Isaías 55:7

Tuwe teko iaiw ma'e upytu'u ikatu 'ym ma'e iapo re wà nehe. Tuwe upytu'u ikatu 'ym ma'e rehe uma'enukwaw ire wà nehe no. Pezewyr Tupàn Tuweharupi Wiko Ma'e Zanezar pe nehe, ta'e upurupuhareko a'e xe. Umunàn zaneremiapo kwer ikatu 'ym ma'e paw a'e no.

Isaías 6:7

Opokok hezuru rehe tàtàpyz pupe kury. Uze'eg ihewe. — Ko tàtàpyz uhyk nereme rehe kwez kury. Nerehe zepykaw umumaw kwez newi kury. Tupàn umunàn neremiapo kwer ikatu 'ym ma'e paw kwez newi kury, i'i ihewe.

Isaías 61:7

Pemaranugar. Aiw paw rehe peiko no. Penemipuraraw kwer iaiw wera'u penemiapo kwer ikatu 'ym ma'e wi. Ko 'ar rehe peiko putar peywy rehe nehe kury. Penemetarer katu wera'u putar nehe kury. Penurywete putar tuweharupi nehe.

Isaías 66:13

Kuzà umurywete kar umemyr izemumikahy mehe, nezewegatete apumurywete kar ihe nehe no. Apumurywete kar Zeruzarez pe nehe no.

Jeremias 16:18

Amekuzar kar putar wakatu 'ymaw wanupe mokoz haw ihe nehe, wanemiapo kwer ikatu 'ym ma'e imekuzar kar pà wanupe nehe no. Umuaiw heywy Tupàn a'ua'u wapupe wà. A'e tupàn a'ua'u wiko umàno ma'e kwer wazàwe wà. Umynehem heywy watupàn mua'u wapupe wà, i'i ihewe.

Jeremias 17:18

Tuwe ma'erahy ihewe ipuraraw har wiko ikàg 'ym ma'e romo wà nehe. Tuwe ihe naiko kwaw ikàg 'ym ma'e romo wazàwe nehe. Tuwe tynehem ma'e wi kyzeahy haw pupe wà nehe. Tuwe nuzeapo kwaw nezewe haw ihewe nehe. Emu'ar kar iaiw paw wanehe nehe. Emumaw tuwe ne wà nehe.

Jeremias 29:11

Xo ihe zo akwaw peme heremiapo ràm ihe. Peneko haw ikatuahy putar nehe. Narur kwaw iaiw haw peme nehe. Pepuner ikatu ma'e hàro haw rehe nehe. Ihe Tupàn Tuweharupi Wiko Ma'e aiko ko ma'e imume'u har romo ihe.

Jeremias 51:10

Tupàn Tuweharupi Wiko Ma'e uze'eg kury. — Heremiaihu uhapukaz nezewe uze'eg pà wà. Tupàn Tuweharupi Wiko Ma'e wexak kar zanekatu haw. Zaha Zeruzarez tawhu pe Tupàn Tuweharupi Wiko Ma'e Zanezar hemiapo kwer imume'u pà teko a'e pe har wanupe nehe, i'i wà.

Lamentações de Jeremias 4:22

Tupàn uzepyk Zeruzarez pe har wanehe wanemiapo kwer hekuzaromo a'e. Uhàuhàz ywy tetea'u wanehe wà. Tupàn Tuweharupi Wiko Ma'e numupyta kar kwaw a'e ywy rehe wà nehe. Tupàn uzepyk putar penehe a'e nehe, teko Enom ywy rehe har wà. Ukwaw kar putar penemiapo kwer ikatu 'ym ma'e teko nànàn a'e nehe.

Ezequiel 16:42

Na'e hekwahy haw hakuir putar ihewi nehe. Naikwahy kwaw newe nehe. Nahewyrowyroahy kwaw nehe.

Daniel 11:35

Uzuka putar amo purumu'e ma'e ma'e kwaw katu har wà nehe. Nezewe izeapo haw umukatu putar Tupàn hemiaihu wà nehe. Ikatu wera'u putar henataromo wà nehe. Agwer ma'e uzeapo putar oho iko te iahykaw rehe nehe. Tupàn wexaexak iahykaw 'ar a'e.

Daniel 12:4

Ne Taniew ne, Emume'u zo ko ma'e amo wanupe nehe. Ewàpytym a'e pape amo iwàpytymaw pupe nehe. Nezewe mehe ni amo nuwàpytymawok kwaw iahyk 'ym mehe we wà nehe. Teko tetea'u uzàn putar ko rupi wà nehe, uzàn putar kwe rupi wà nehe no. Heko wer putar ma'e kwaw katu wera'u har romo wà nehe.

Daniel 12:9

Uwazar heze'eg ihewe. — Kutàri, Taniew, erepuner neho haw rehe kury. Emume'u zo amo pe nehe. Xo iahykaw rehe teko ukwaw putar wà nehe.

Daniel 9:12

Eremume'u ikatu 'ym ma'e urewe neremiapo ràm. Na'e erezapo a'e ma'e urewe, ureruwihaw wanupe no. Erezepykahy urerehe. Ko 'ar 'ym mehe nerezepyk pixik kwaw amo teko wanehe urerehe nezepyk awer zàwe.

Daniel 9:2

Tuwihawete romo heko mehe kwarahy ipy rehe azemu'e teko pape Tupàn ze'eg kwehe arer rehe ihe. Nezewe Tupàn Tuweharupi Wiko Ma'e uze'eg Zeremi pe a'e, uze'eg imume'u har pe a'e. — Zeruzarez umumaw putar 70 kwarahy heityk pyrer romo a'e nehe, i'i izupe. Nema'enukwaw a'e 70 kwarahy wanehe.

Oséias 2:14

Tupàn uze'eg teko Izaew wanupe kury. — Amume'u putar heremiapo ràm ikatu ma'e kuzà heremiamutar pe nehe. A'e rupi oho putar wi ywyxiguhu pe herupi nehe. A'e pe urehem mehe amume'u putar iamutar haw izupe nehe. — Uruamutar ihe, a'e putar izupe nehe.

Oséias 2:16

— Hemen, i'i wi putar ihewe nehe. — Ma'aw hezar, ni'i kwaw ihewe nehe.

Habacuque 2:3

A'e ma'e neremixak ràm 'ar nuhem kwaw a'e rihi. Uhem putar azeharomoete nehe. Uzeapo putar nehe. I'ar katu uhem etea'i kury. A'e rupi — Kwa, iàrew tetea'u tur àwàm, aze ere izupe nehe, eàro nehe. Ta'e a'e ma'e uzeapo putar i'ar kateteahy rehe a'e nehe xe.

Sofonias 3:15

Kwehe mehe Tupàn Tuweharupi Wiko Ma'e umume'u penehe uzepyk àwàm a'e. Umumaw a'e uze'eg awer. Nuzepyk kwaw penehe nehe. Umunyryk kar wàmàtyry'ymar paw wemiaihu wanuwi wà. Tupàn Tuweharupi Wiko Ma'e Izaew Wanuwihawete wiko penehe we a'e. A'e rupi, pekyze zo iaiw paw wi nehe.

Zacarias 1:13

Tupàn Tuweharupi Wiko Ma'e uze'egatu a'e weko haw pe har herehe we har imurywete kar pà a'e, ta'e uzamutar katu a'e xe.

Zacarias 1:15

Aikwahy amogwer ywy uzeàmàtyry'ym 'ym ma'e wanehe ihe. Ta'e heremiaihu wanehe hekwahy mehe teko a'e ywy rehe har upuraraw kar ma'erahy wanupe wà, i'i Tupàn.

Zacarias 9:12

Ipyhyk pyrer wà. Pezewyr penàpuz tàtà pe nehe. Pe uzepyro àwàm hàro har wà, pezewyr nehe. Ta'e amono putar heze'egatu tetea'u peme ihe nehe xe. Pepuraraw penehe zepykaw tetea'u. Heze'egatu peme heremimono ràm heta tetea'u wera'u penemipuraraw kwer wanuwi wà nehe.

Atos 1:7

Uze'eg wanupe. — Nan kwaw pa. Amo 'ar mehe Tupàn heru hemuigo kar putar tuwihawete romo a'e nehe. Napekwaw kwaw he'ar. Numume'u kwaw he'ar peme a'e.

Gálatas 4:4

— Amo 'ar mehe amono kar putar hera'yr ywy rehe ihe nehe, i'i Tupàn uzeupe a'e. Uhem a'e 'ar. Na'e umur kar wa'yr ko ywy rehe a'e. Kuzà wi uzexak kar a'e. Tuweharupi oho iko zutew wanàmuzgwer ze'eg rupi.

Apocalipse 18:6

A'e kuzà upuraraw kar ma'erahy kwer tetea'u Tupàn hemiruze'eg wanupe a'e. A'e rupi Tupàn upuraraw kar putar ma'erahy izupe a'e nehe no, nezewegatete a'e nehe no. Upuraraw kar ma'erahy peme a'e. Nezewegatete pepuraraw kar wera'u putar ma'erahy kwer a'e kuzà pe nehe no.