Isaías 38:20 - Tupàn zeꞌeg

²⁰ Hepyro pe, o Tupàn Tuweharupi Wiko Ma'e. A'e rupi urumupu putar urewioràwiràn ure nehe. Urumuzàg putar nekatu haw rehe zegar haw nehe no. Urumumaw urereko haw paw neràpuzuhu pupe nekatu haw imume'u pà ure nehe.

Isaías 38:20 ပူးပေါင်းရင်းမြစ်များ

Salmos 104:33

Amuzàg putar zegar haw Tupàn Tuweharupi Wiko Ma'e ikatu haw rehe herekwe mehe we ihe nehe. Amumaw putar he'ar paw hezar pe hezegar pà nehe.

Salmos 116:2

Herenu a'e. Hepytywà àwàm henoz taw nànàn herenu a'e.

Salmos 145:1

Hezar heruwihawete, amume'u putar nehua'u haw nehe. Tuweharupi amume'u putar nekatu haw newe nehe.

Salmos 145:2

Tuweharupi amume'u putar nekatu haw newe nehe. Amume'u putar nekatu haw purupe tuweharupi nehe no.

Salmos 146:2

Amumaw putar hekwarahy paw hezar ikatu haw imume'u pà ihe nehe. Amuzàg putar zegar haw ikatu haw rehe herekuwe mehe we ihe nehe.

Salmos 150:4

Pemume'u Tupàn ikatu haw ipuipu ma'e imupu pà nehe. Pemume'u Tupàn Tuweharupi Wiko Ma'e ikatu haw pepynyk pà nehe. Pemume'u ikatu haw pewioràwiràn imupu pà nehe. Pemume'u ikatu haw xi'àm ipy pà nehe.

Salmos 33:1

Pe Tupàn heruzar har paw rupi pe wà, Penurywete Tupàn Tuweharupi Wiko Ma'e hemiapo kwer rehe nehe. Pe Tupàn heruzar har paw pe wà, pemume'u Tupàn ikatu haw nehe.

Salmos 33:2

Pemupu wioràwiràn Tupàn Tuweharupi Wiko Ma'e ikatu haw imume'u pà nehe. Pemuzàg zegar haw Tupàn ikatu haw imume'u haw nehe, wioràwiràn 10 ihàm hereko har imupu pà nehe.

Salmos 51:15

O hezar, emume'u kar ze'eg ikatu ma'e ihewe nehe. A'e mehe amume'u putar nekatu haw nehe.

Salmos 68:24

O hezar heruwihawete, teko paw wexak neàmàtyry'ymar wanerur haw rehe neata haw wà. Wexak neràpuzuhu pupe neixe haw wà no.

Salmos 68:25

Uzegar ma'e ràgypy oho wà. Xi'àm ipy har wà, uzegar ma'e wà no, oho wanaikweromo wà. Kuzàtàigwer upyta wamyter pe ipu ma'e ipew ma'e imupumupu pà wà.

Isaías 12:2

Tupàn wiko hepyro har romo. Azeruzar hehe. Nakyze kwaw nehe ta'e Tupàn Tuweharupi Wiko Ma'e umur ukàgaw ihewe a'e xe. Hepyro har romo hekon.

Jonas 2:10

Na'e Tupàn Tuweharupi Wiko Ma'e uze'eg ipirahu pe kury. A'e rupi ipirahu uhuhuk Zon ywyxig rehe imomor pà kury.

Habacuque 3:19

Tupàn Tuweharupi Wiko Ma'e hezar wiko hekàgaw romo. Hemuata katu kar arapuha ka'a pe har hehaite ma'e ài hemuigo kar pà. Hereraha putar ywytyruhu rehe nehe. Ikatuahy putar hereko àwàm a'e pe nehe. Upaw kwez kury.